Raising You This Small Stuff
Unicode
အခန်း ၄၂: မိုရိရှုရဲ့ ခယ်မ
ဘန်း!
သူပြောနေတဲ့စကားတစ်ဝက်တစ်ပျက်မှာပင် မိုရိရှုရဲ့အကြည့်က တစ်ဖက်ဖန်သားပြင်ပေါ်တွင် ရပ်သွားခဲ့ပြီး သူ့ပါးစပ်က တဝက်ခန့်ပွင့်နေကာ သူ့ရဲ့ဒုတိယအစ်ကိုပေါ်ကို ခုန်ဝင်လာတဲ့ ဆယ်ကျော်သက်လေးအား ကြည့်ရင်း နေရာမှာပင် အေးခဲသွားခဲ့သည်။
မိုရိချန်က ကြမ်းပြင်ပေါ်သို့ လဲကျမသွားခင် ယွမ်းစွော်က ဂိမ်းထဲသို့ စိတ်ကြိုက် ဝင်ထွက်နိုင်နေပြီဖြစ်ကြောင်း မသိခဲ့ပေ။ သူ့ရင်ခွင်ထဲကို ရုတ်တရက် ခုန်ဝင်လာတဲ့လူက နူးညံ့ပြီး နွေးထွေးနေသည်။ ပထမတော့ သူက ထိတ်လန့်သွားပေမယ့် နောက်တော့ အံ့အားသင့်သွားကာ နောက်ဆုံးတွင် ထိခိုက်မိသွားသေးလားလို့ ထပ်ခါထပ်ခါမေးရင်း စိတ်လှုပ်ရှားစွာဖြင့် သူ့လက်ထဲက လူကို ဆွဲထုတ်လိုက်သည်။
မိုရိချန်ရဲ့ရင်ဘတ်ကို တိုက်မိလိုက်တာကြောင့် ယွမ်းစွော်ရဲ့နှာခေါင်းက နာကျင်သွားခဲ့သည်။ သူက စိတ်မကောင်းဖြစ်ကာ သူ့ကိုယ်သူအပြစ်တင်စိတ်ဖြင့် ခေါင်းယမ်းပြလိုက်သည်။ "ကျွန်တော်...ကျွန်တော် အဆင်ပြေပါတယ်။ ကျွန်တော်...ကျွန်တော် တောင်းပန်ပါတယ်။ တမင် ရည်ရွယ်ချက်ရှိရှိ ထွက်လာတာ မဟုတ်ပါဘူး..."
အဲဒီ့မတိုင်ခင်က မိုရိချန်က သူ့ကို ဖော်ထုတ်မပြရဘူးလို့ ပြောခဲ့တာကြောင့် သူ ထပ်ပြီး ပြသာနာရှာမိပြန်တာလား...
"အဆင်ပြေပါတယ် မစိုးရိမ်နဲ့" အနီရောင်ပြောင်းနေတဲ့ ယွမ်းစွော်ရဲ့ နှာခေါင်းထိပ်နှင့် ကြမ်းပြင်ပေါ်ကို ပွတ်ဆွဲလိုက်တာကြောင့် အနည်းငယ်နီသွားတဲ့ လက်ဖဝါးလေးကို ကြည့်ရင်း မိုရိချန်က စိတ်မကောင်းစွာဖြင့် မျက်မှောင်ကြုတ်လိုက်သည်။
"နာလား"
"မနာပါဘူး"
ယွမ်းစွော်က ဟိုလူထပ်ကြားသွားမှာ စိုးတာကြောင့် သူ့အသံကို တတ်နိုင်သမျှ တိုးအောင် ကြိုးစားပြောလိုက်သည်။
တစ်ဖက်မှ မိုရိရှုက ခက်ခက်ခဲခဲ တံတွေးမျိုချလိုက်သည်။ အရင်တုန်းက သူ့ရဲ့ ဒုတိယအစ်ကိုက တစ်ယောက်ယောက်ကို ဒီလောက် နူးညံ့နွေးထွေးစွာ ပြောတာကို မမြင်ခဲ့ဖူးပေ။ " ဒုတိယအစ်ကို ဒါက... ဒါက ကျွန်တော့်ခယ်မလား"
YOU ARE READING
ဒီချစ်စရာလေးကို ပြုစုပျိုးထောင်မယ် (Completed)
RomanceTitle - Raising you this small stuff Chinese Title - 养你这件小事 Author - 九云歌 Status - 81 chapters + 2 extras Credits to all. Description 'elf rebirth project 'လို့နာမည်ရတဲ့ဂိမ်းက ရုပ်ရှင်ဧကရာဇ်ရဲ့ဖုန်းထဲကို ဖိအားပေးတပ်ဆင်ဝင်ရောက်လာပြီးနောက် သူက ဒါကို ဗ...
