Raising You This Small Stuff
Unicode
အခန်း ၄၃: ငါတို့ရဲ့ကျန်နေသေးတဲ့ ဘဝတစ်လျှောက်ကို အတူတူဖြတ်သန်းကြစို့
"ဟဲ့ အဲ့ဒါ...အဲ့ဒါ မိုရိချန် မဟုတ်ဘူးလား" မြစ်ကမ်းဘေးမှာ အပျော်တမ်းငါးဖမ်းနေတဲ့ ကောင်မလေးက သူမရဲ့မျက်လုံးတွေကို ပွတ်သပ်လိုက်သည်။
သူမနဲ့အတူ လိုက်ပါလာတဲ့ သူငယ်ချင်းက စည်သွပ်ဘူးကို လက်ထဲမှာ ကိုင်ထားပြီး ငုံ့ကိုင်းကာ သားကောင်ကို ရှာနေရင်း "ကျေးဇူးပြုပြီး နင့်အိပ်ရာဘေး၊ နင့်ရဲ့ဖုန်းနဲ့ နင့်မှာရှိသမျှ အရာအားလုံးက မိုရိချန်နဲ့ ပြည့်နေမှတော့ နင့်အတွက် လူတိုင်းက သူနဲ့တူနေတော့မှာပဲလေ"
"တကယ်...တကယ်ဟဲ့"
ကောင်မလေးက သူ့သူငယ်ချင်းရဲ့ စကတ်ထောင့်ကို ဆွဲလိုက်ပြီး
"သူ့ဘေးမှာ အရမ်းချောတဲ့ ကောင်လေးတစ်ယောက်လည်း ရှိနေတယ်!"
သူမရဲ့သူငယ်ချင်းက ခန့်ညားတဲ့ကောင်လေးရဲ့ ဘေးတွင် ချောမောတဲ့ကောင်လေးတစ်ယောက် ရှိနေကြောင်း ကြားတဲ့အခါ သူမရဲ့ခေါင်းကို ချက်ချင်း မော့လိုက်သည်။
"ဘယ်မှာလဲ ဘယ်မှာလဲ"
ကောင်မလေးက လက်ကို မြှောက်ကာ ညွှန်ပြလိုက်သည်။
သူ့ရဲ့ပုံရိပ်နှင့် ဝေဝါးနေတဲ့ ကောက်ကြောင်းတွေကြောင့် မိုရိချန် ဟုတ်မဟုတ် သူမ မသိပေမယ့် သူက သေချာပေါက် ခန့်ညားတဲ့ ကောင်လေးဖြစ်ပြီး သူ့ဘေးက ကောင်လေးကလည်း အရမ်းချစ်စရာကောင်းတယ်ဆိုတာကိုတော့ သူမ ပြောနိုင်သည်။ သူတို့နှစ်ယောက်က ရိုးရိုးရှင်းရှင်းပင် ကောင်းကင်ဘုံက ဖန်ဆင်းပေးထားတဲ့ အတွဲပင်!
"အားးးးး! သွားကြည့်ကြရအောင်!"
"သွား! သွား! သွား!"
မိုရိချန်က သူ့ဆီ ပြေးလာနေတဲ့ မိန်းကလေးနှစ်ယောက်ကို သတိထားမိပြီး သူ့မျက်နှာပေါ်တွင် ဘာမှမထူးခြားတဲ့ အမူအရာဖြင့် လက်နှစ်ဖက်ကို ကာထားလိုက်သည်။ ဒီလိုအခြေအနေက သူ့အတွက် မဆန်းပေမယ့် ဒီလိုအခြေအနေကို ပထမဆုံးအကြိမ် တွေ့ဖူးတဲ့ ယွမ်းစွော်က မိုရိချန်ရဲ့လက်မောင်းကို ကြောက်လန့်တကြားဖြင့် ဆုပ်ကိုင်လိုက်သည်။
YOU ARE READING
ဒီချစ်စရာလေးကို ပြုစုပျိုးထောင်မယ် (Completed)
RomanceTitle - Raising you this small stuff Chinese Title - 养你这件小事 Author - 九云歌 Status - 81 chapters + 2 extras Credits to all. Description 'elf rebirth project 'လို့နာမည်ရတဲ့ဂိမ်းက ရုပ်ရှင်ဧကရာဇ်ရဲ့ဖုန်းထဲကို ဖိအားပေးတပ်ဆင်ဝင်ရောက်လာပြီးနောက် သူက ဒါကို ဗ...
