အပိုင်း ၁၃ ပါရမီ နိမ့်သည်
ဘာသာပြန်.SOUL
စုပင်းသည် စုလင်းယွဲ့နှင့် စကားနိုင် လုချင်စိတ် မရှိသောကြောင့် သူ၏ ကုတ်အင်္ကျီအား ချိတ်လိုက်ပြီး ဧည့်ခန်းရှိ ဆိုဖာတွင်ထိုင်ကာ ရေတစ်ခွက် ငှဲ့လိုက်၏ ။
စုပင်း ရေထည့်ပြီးချိန် သွယ်လျသော လက်တစ်ဖက်မှ ရေခွက်အား လှမ်းယူပြီး တစ်ခါတည်း မော့ချလိုက်၏ ။ ထိုလက်ပိုင်ရှင်မှာ စုလင်းယွဲ့မှ လွဲ၍ မည်သူဖြစ်နိုင်မလဲ ။
စုပင်းအကြည့်က စုလင်းယွဲ့အပေါ် ရောက်သွားချိန် သူမက မျက်ခုံးပင့်ကာ "ဘာလဲ ။ ပြဿနာ ရှိလို့လား"ဆိုသော ပုံစံနှင့် လှမ်းကြည့်နေ၏ ။
စုပင်းသည် စုလင်းယွဲ့၏ ပခုံးပေါ် ထိုင်နေသော မီးသရဲသားရဲအား လှမ်းကြည့်လိုက်ပြီး ထို သားရဲမှာ သူအပေါ် ကောင်းသော ရည်ရွယ်ချက် မရှိကြောင်း တွေ့လိုက်လျှင် စုလင်းယွဲ့အပေါ် အညှိုးမထားပဲ သဘောထား ကြီးပေးရန် ဆုံးဖြတ်ကာ ရေ နောက်တစ်ခွက် ငှဲ့သောက်လိုက်၏ ။
စုလင်းယွဲ့ ဆိုဖာ တစ်ဖက်ခြမ်းတွင် ပစ်လဲပြီး သက်တောင့်သက်သာ ထိုင်လိုက်ကာ "တစ်ယောက်ယောက်ကတော့ နားလည်သွားပီ ။ ေတာ်တယ် ။ အသုံးမကျလဲ သင်ပေးလို့ ရတာပဲ"စောင်းပြောလိုက်၏ ။
စုပင်း ထိုစကားအား မကြားချင်ယောင်ဆောင်ကာ မီးသရဲသားရဲအပေါ် သားရဲ ခွဲခြားခြင်း စွမ်းရည် အသုံးပြုလိုက်ပြီး ခနအကြာ စုပင်းစိတ်ထဲ အချက်အလက်များ ပေါ်လာ၏ ။
မီးသရဲ သားရဲ
အမျိုးအစား-မကောင်းဆိုးဝါး မျိုးနွယ်
အဆင့်-အဆင့် ၃ အမြင့်
သန်မာမှု-၄.၆
ပါရမီ-နိမ့်
တတ်မြောက်ပြီး အစွမ်း-မီးသရဲ တိုက်ခြင်း ၊ ငရဲမီး မှုတ်ခြင်း ၊ အံ့ဖွယ် သတ္ထုမီး ၊ စိတ်အား တိုက်ခိုက်ခြင်း ၊ သရဲအော်သံ ။
စုပင်း ထိုအချက်အလက်များအား ဖတ်ပြီးနောက် ပါရမီနေရာတွင် နိမ့် ဟူသော မှတ်ချက်အား တွေ့လျင် လုံးဝ အခြေအနေ မကောင်းဟု သတ်မှတ်လိုက်၏ ။
စုပင်း လေ့ကျင့်ပေးခဲ့သော လျှပ်စီးကြွက်ပင် သာမန်ထက် နိမ့်သာ မှတ်ချက်ရပြီး မီးသရဲ သားရဲမှာ နိမ့်ဆိုသောကြောင့် စုပင်း တေွးနေချိန် စုလင်းယွဲ့မှ သူ့အကြည့်အား တွေ့သွားကာ
YOU ARE READING
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...
