အခန်း ၆၃ မသေမျိုး ကျွန်ပြုခြင်း
ဘာသာပြန် Soulအားလုံး အချက်ပြမီးခိုး ထွက်လာရာ နေရာသို့ ပြေးသွားကြရာ ကုန်းဆင်းအလွန် တောအုပ် အစပ်ရောက်လျှင် သားရဲ အော်သံနှင့် နားကွဲမတတ် စူးရှသော အသံများ ကြားလိုက်ရပြီး တစ်ချက်တစ်ချက် တွင် မြေများတုန်ခါနေကြသဖြင့် တိုက်ပွဲ ကြီးကြီးမားမား ဖြစ်နေကြောင်း သိလိုက်ရ၏ ။
ဖန်ကန်းလီမှာ တောအုပ်ထဲ အရင်ဆုံး ပြေးသွားကာ အထဲတွင် ထူးဆန်းသော အပင်များနှင့် သေဆုံးခြင်း အရှိန်အဝါများ ကြီးစိုးနေကာ အရိုးခြောက်များ ပြန့်ကြဲနေကြောင်း တွေ့လိုက်ရ၏ ။
လင်မိုးကောင်မှာ အရှိန်လျော့ကာ အဖွဲ့မှ နောက်ကျန်ပြီး စုပင်းအား လုပ်ကြံရန် စုပင်းအား ကြည့်လိုက်လျှင် စုပင်းမှာ အရှိန် အနှေးဆုံး ပြေးနေကာ အဖွဲနှင့် ကွဲခါနီး ဖြစ်နေ၍ လင်းမိုခုန် စိတ်ထဲတွင် ကျိန် ဆဲလိုက်ပြီး အမြန် ပြေးလိုက်၏ ။
ဖန်းယူကျင်းမှာ စုပင်း၏ နှေးနေသည့် ရည်ရွယ်ချက်အား မသိသော်လည်း အဖွဲ့နှင့် မကွဲစေရန် သူလည်း အရှိလျော့လိုက်ပြီး အဖွဲ့တစ်ခုလုံး ထိုပုံစံနှင့် အချိန်ကြာ ပြေးသွားနေ၏ ။
စုပင်းနှင့် ဖန်းယူကျင်း တောထဲ ဝင်လာချိန် သစ်ပင်များ လဲကျနေပြီး တိုက်ခိုက်မှု ဖြစ်ထားကြောင်း သိသာနေကာ အပျက်အစီးများနောက် လိုက်လိုက်ရာ ဖန်ကန်းလီနှင့် အခြားသူများအား ယောက်ျားတစ်ယောက်နှင့် မိန်းမ တစ်ယောက်အား တွဲထားကာ သားရဲအချို့ စောင့်ရှောက်ပေးနေပြီး အချို့ တိုက်ခိုက်နေကြောင်း တွေ့လိုက်ရ၏ ။
"ဒါက အဆင့်ရှစ် မှော်အလောင်း သားရဲလား" သွေးဆာ မကောင်းဆိုးဝါး ဝံပုလွေနှင့် တိုက်ခိုက်နေသော ကြီမားသော သားရဲအား တွေ့လျှင် ကြောက်ရွံ့စိတ်ကြောင့် ဖန်းယူကျင်း၏ သူငယ်အိမ်က ကျဥ်းမျောင်းသွားသည်။
မှော်အလောင်း သားရဲမှာ ခုနစ် ရှစ်မီတာခန့် မြင့်ပြီး အရိုးပုံ မြေပေါ် ချထားသကဲ့သို့ ထင်ရကာ တစ်ကိုယ်လုံး အရိုးများနှင့် ပြည့်နေပြီး ချွန်ထက်သော အရိုးများနှင့် ကြီးမားသော လက်များ ထွက်ထွက်လာကာ ခန့်မှန်းမရနိုင်သော တိုက်ခိုက်ခြင်းမျိုးနှင့် တိုက်ခိုက်နေ၏ ။
VOUS LISEZ
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...