အခန်း ၅၀ မသိမ်းပိုက်ထားသော နယ်မြေများတွင် စူးစမ်းခြင်း
ဘာသာပြန်. Soul
တျိုးဟွားစီလမ်းရှိ Pixie သားရဲ စတိုးဆိုင်ထဲ ကွန်ပျူတာရှေ့ ထိုင်ကာ ဗွီဒီယိုကြည့်ရင်း စုပင်း ကျင့်ကြံနေ၏ ။
ကွန်ပျူတာ ဗိုင်းရပ် သတ်ရန်နှင့် ပြန်လည် အင်စတော လုပ်ရန် ၇၀ ဒင်္ဂါးကုန်သွးသဖြင့် စုပင်း ရင်နာမဆုံး ဖြစ်နေလေ၏ ။
ဗွီဒီယိုထဲတွင် လှဲလျောင်းနေသော ပန်းရောင် ကြောင်ကတိုးတစ်ကောင် ၏ ရှေ့လက်ဖဝါးကို လူငယ်တစ်ယောက်မှ နှိပ်နယ်ပေးနေသည်ကို ပြနေ၏။ဘေးမှ သက်လတ်ပိုင်း လူတစ်ယောက်မှ လူငယ်၏ အလွဲများအား ပြောရင်း ညွန်ကြားပေးနေ၏ ။
"ဒါကို လေ့ကျင့်ရေးလို့ ခေါ်တာလား"
ဗီဒီယိုကိုကြည့်ရင်း စုပင်း ပြောစရာ စကားရှာရမရ ဖြစ်သွား၏ ။
ထိုဗွီဒီယိုမှာ သားရဲများကို နှိပ်နယ်ပေးခြင်း၏ ထူးခြားချက်ကို ရှင်းပြနေခြင်း ဖြစ်သည်။ယခုလို ကြယ်တာရာ စွမ်းအင် သုံးပြီး နိပ့်နယ်ပေးခြင်းက ကြောင်ကတိုးကောင်၏ ရှေ့လက်ဝါးမှ သွေးကြောများ ပွင့်အောင် လုပ်ပေးနိုင်စွမ်းပေသည်။အလည်အလတ်အဆင့် လေ့ကျင့်ရေး လက်မှတ်ရထားသော သက်လတ်ပိုင်း လူ၏ ပြောပြချက်အရ ထိုနှိပ်နယ်ခြင်း အချိန်ကြာကြာ လုပ်ပေးလျှင် လင်ဆန်(ကြောင်ကတိုးကောင်)၏ ရှေ့လက်ဝါးမှာ ပိုမို သန်မာလာမည်ဟု ပြောထား၏ ။
ထိုသို့ ပြုလုပ်ပေးရန် လေ့ကျင့်ပေးသူသည် သားရဲ၏ သွေးကြော တည်ဆောက်ပုံနှင့် ရင်းနှီးနေရမည် ဖြစ်ပြီး မဟုတ်လျှင် ဆန့်ကျင်ဘက် ရလဒ်သာ ရရှိမည် ဖြစ်၏ ။
စုပင်းမှာ စိတ်မဝင်စားလာ၍ နောက် လအနည်းငယ် အချိန်အထိ ကျော်လိုက်ကာ လူငယ်မှ ပေတံယူပြီး လင်ဆန်၏ ရှေ့လက်ဝါးအား တိုင်းပြရာ ၂၀ စင်တီမီတာ ရှိနေသည် ဖြစ်ခြင်းကြောင့် သာမာန် ကြောင်ကတိုးများထက် ၂ စင်တီမီတာခန့် ပိုရှည်ကြောင်း တွေ့လိုက်ရ၏ ။
ထို့နောက် တိုက်ခိုက်ခြင်းနှင့် စမ်းသပ်မှုများ ပြုလုပ်ပြကာ နောက်ဆုံးတွင် ယခင်ထက် ငါးပုံ တစ်ပုံ တိုက်ခိုက်မှု သန်စွမ်းလာကြောင်း တွေ့ရ၏ ။ ထို့အပြင် လေ့ကျင့်ရေး ကာလမှာ သုံးလ ကြာမြင့်သည် ။
YOU ARE READING
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...