အခန်း ၁၁၇ ရှုပ်ရှက်ခတ်နေသောဆိုင်
ဘာသာပြန်.Soul
ထမင်းစားပြီးနောက် စုပင်း သူ့မိခင်အား နှုတ်ဆက်ပြီး အခန်းထဲ ပြန်ကာ ကျင့်ကြံနေစဥ် ခြေသံများနှင့်အတူ စုလင်းယွဲ့ အခန်းရှေ့ ပေါ်လာ၏ ။
စုပင်းမှာ ခန့်မှန်းထားပြီး ဖြစ်၍ စုလင်းယွဲ့ မေးလာမည်အား စောင့်နေလိုက်၏ ။
စုလင်းယွဲ့ အသက်ရှူသံများ ပြင်းထန်ကာ ယခင် စုပင်းအခန်း ဝင်ခဲ့စဥ်ကနှင့်မတူ စိတ်လှုပ်ရှာနေကာ မသိသာစေရန် ကြိုးစားပြီး စုပင်းအား လှမ်းကြည့်ရာ သူမအား ပြန်ကြည့်နေသည် တွေ့ရခြင်းကြောင့် အခြေအနေ ပိုဆိုးသွား၍ ဒေါသလည်း ထွက်လာ၏ ။
"ကျောင်းက ဖြစ်ခဲ့တာအတွက် တစ်ခုခု ပြောစရာမရှိဘူးလား" စုလင်းယွဲ့ ခပ်တန်းတန်း မေးလိုက်ရာ "ဘာကို ပြောစေချင်တာလဲ" စုပင်း ဖြေလိုက်သည် ။
"ကျောင်းမှာ ဘယ်လိုလုပ်ပြီး ဆရာဖြစ်လာခဲ့တာလဲ။ပြီးတော့ အဲဒီငရဲမီးနဂါးကရော ဘယ်ကခိုးလာတာလဲ" စုလင်းယွဲ့ အံကြိတ်ကာ မေးလိုက်၏။
"ဘာလို့ ပြောရမှာလဲ" စုပင်း အသာအယာ ပြုံးကာ ဖြေလိုက်၏။
"ကြယ်တာရာ စွမ်းအင် ရှိတာ ကြာပြီမလား" စုလင်းယွဲ့ သူမအထင်အား မေးကြည့်ရာ စုပင်း ဘာမှ ပြန်မပြော၍ ရှေ့နည်းနည်း တိုးကာ အသက်ပြင်းပြင်း ရှူပြီး "အဲဒီအရိုးခြောက်ကိုမြင်လိုက်မှ နင်ငါ့ကို နိုင်နေတာ အချိန် တော်တော် ကြာပြီမဟုတ်လား" ဆက်ပြောရင်း စုလင်းယွဲ့၏ မျက်နှာ နီသွား၏ ။
နေ့ခင်းတွင် သူမမြင်တွေ့သည့်အရာများအရ သူမ၏ မီးသရဲသားရဲသည် ထိုအရိုးခြောက်နှင့် ယှဥ်လျှင် ဘာမှ မဟုတ်သည့်အပြင် ငရဲမီးနဂါး အရွယ်ရောက်လာခဲ့ပါက သူမအား နိုင်သည်ဟု ဆိုနိုင်ရုံတင်မကပဲ ပိုးကောင် တစ်ကောင်အလား ပျောက်ကွယ်သွားစေနိုင်ကြောင်း စုလင်းယွဲ့ သဘောပေါက်သွားသည် ။
သူမအနေနဲ့ စုပင်း၏ ပြိုင်ဖက် မဟုတ်နိုင်မှန်း ကြိုတွေးထားပြီးပြီဖြစ်သော်လည်း စုပင်း၏ နှုတ်မှ ထွက်လာသော စကားအား စုလင်းယွဲ့ စိတ်ရှုပ်မှုနှင့် စိတ်ချမှု ရောကာ စောင့်ဆိုင်းနေ၏။
YOU ARE READING
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...
