အခန်း ၁၃၇ စုပင်းအတွက် ထောက်ခံသူ
ဘာသာပြန်.Soul
စုလင်းယွဲ့သည်လည်း စုပင်း၏လက်ချာအချိန်အား တက်ခဲ့ပြီးနောက် သူမတွင် မသေမျိုးသားရဲမရှိသော်လည်း ယခင်ကထက် အသိဥာဏ်များ ရလာခဲ့တာ အမှန်ပဲဖြစ်သည်။
ငရဲမီးနဂါးအား မတွေ့ရ၍ အနည်းငယ် စိတ်ပျက်သွားမိသော်လည်း လက်ချာကွင်းထဲမှ ထွက်ချိန် အခြားသူများ တီးတိုးဝေဖန်နေသည်အားကြားပြီး
"ဘာပြောတာလဲ။သူ့မှာ နဂါးသားရဲ ရှိရှိ မရှိရှိ နင်တို့နဲ့ ဘာဆိုင်လဲ ။သူ့မှာ မရှိရင်တောင် နင်တို့ထက် သာနေဦးမှာပဲ။မကောင်းကြောင်း လိုက်မပြောနဲ့" ဒေါသနှင့် ပြောလိုက်၏ ။
ယီဟိုမှာ တတိယနှစ်များ၏ ချန်ပီယံ ဖြစ်သလို စုလင်းယွဲမှာလည်း ပထမနှစ်၏ချန်ပီယံ ဖြစ်ခြင်းကြောင့် အားလုံးရှိန်ကြ၍ ပြောခံရသော ကျောင်းသားများ မကျေမနပ်နှင့်လှည့်ကြည့်ရာ စုလင်းယွဲ့အား တွေ့လျှင် ပါးစပ် ပိတ်သွား၏ ။
သို့သော် စုလင်းယွဲ့ ဖြစ်စေကာမူ ကျောင်းသူတစ်ယောက် အလျော့မပေးပဲ "ဒါက အမှန်တရားပဲလေ။ဘာလဲ အမှန်တောင် ပြောခွင့် မရှိဘူးလား"ဟုပြောလာ၏။
"ပြောတာကတော့ ဟုတ်ပြီ။ဒါပေမယ့် နင်အဆင့်နဲ့ တန်လို့လား" စုလင်းယွဲ့ အေးစက်စွာ ကြည့်ပြီး မေးလိုက်၏ ။
"ပထမနှစ်ရဲ့ ချန်ပီယံ ဖြစ်တာနဲ့ လုပ်ချင်တာ လုပ်လို့ရပြီ ထင်နေတာလား" ထိုကျောင်းသူက စုလင်းယွဲ့အား ကြည့်ပြီး အံကြိတ်ကာ ပြောလိုက်၏။
"ဟမ့် ကြိုက်တာ လုပ်တယ်ဟုတ်လား။ဒီစကားလုံးကို သုံးရဲတယ်ပေါ့။နောက်တစ်ခါ ပြောနေတာ ကြားရင် ကျောင်းဆေးခန်း တစ်ခါထဲ ပို့ပေးလိုက်မယ်" စုလင်းယွဲ့ အေးစက်စွာ ပြောလိုက်သည် ။
ထိုအခါမှ အခြားသူများလည်း ပါးစပ်ပိတ်သွားပြီး ထိုကျောင်းသူအား ဆွဲခေါ်သွားကြတော့သည်။
ထိုကျောင်းသားအဖွဲ့ ထွက်သွားသည်ကို စုလင်းယွဲ့ ကြည့်နေပြီးနောက် စုပင်းနှင့် ပက်သက်၍ မကောင်းပြောသည်အား အဘယ်ကြောင့် သူမ ဒေါသ ထွက်နေသနည်းဟူ၍ သတိရလာခဲ့ကာ ယခင်ထက်ပိုပြီး ဒေါသ ထွက်လာ၏။
YOU ARE READING
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...
