အခန်း ၅၈ ဝင်ပေါက်
ဘာသာပြန်.Soul
စုပင်း မျက်လုံး အရောင် တလက်လက် ထလာ၏ ။
စုပင်းမှာ သင်တန်းကျောင်း မတက်ခဲ့ခြင်းကြောင့် စွမ်းရည်များအကြောင်း နားလည်မှု သိပ်မရှိကာ သားရဲစစ်သည် တစ်ယောက်အဖြစ် အရည်အချင်း ပြည့်မှီခြင်း မရှိချေ ။
ဖန်းယူကျင်း စုပင်းအား အကျိုးအမြတ် သိုလှောင်ရေး ဂိုဒေါင်အား ကွန်ပြူတာတွင် ဖွင့်ရန် ကူပေးလိုက်ရာ လက်နက် ၊ ကျင့်ကြံခြင်း ၊ ရတနာ အစရှိသည်ဖြင့် အမျိုးအစား များစွာအား တွေ့လိုက်ရ၏ ။
"နဂါးအကြေး ချပ်ဝတ် က အဆင့်နိမ့်နဲ့ အလယ်အလတ် သားရဲတွေရဲ့ ရုပ်ပိုင်းဆိုင်ရာ တိုက်ခိုက်မှုကို ကာပေးနိုင်ပြီး အဆင့်မြင့် သားရဲ တိုက်ခိုက်မှုကို တအား လျော့ချပေးနိုင်တယ်"
"မှော်လူဝံ ရုပ်ပိုင်း လေ့ကျင့်ရေး: ကြီးမားစွာ ကျွမ်းကျင်မှု ရောက်ရင် ကျည်ဆံတွေ ရှောင်နိုင်ပြီး လျှင်မြန်မှုနဲ့ ခွန်အားက အဆင့်ရှစ် သားရဲနဲ့ ညီမျှတယ်"
"ရေခဲလှိုင်းသစ်သီး: ရေမျိုးနွယ် သားရဲရဲ့ စွမ်အား နှစ်ဆ တိုးမြှင့်နိုင်တယ်"
"နဂါးပြာ အကောင်ပေါက်: ပါရမီ သတ်မှတ်ခြင်း မရှိသေး ။ ထုတ်ယူရန် အကျိုးအမြတ်အမှတ် ၅၀၀၀၀ လိုအပ်တယ်"
...
များပြားလှသော ပစ္စည်းများအား ကြည့်ရင်း စုပင်း မျက်စိ လည်လာ၏ ။
"ကြိုက်ရာ ရွေးလို့ ရတယ်မလား" ဖန်းယူကျင်းအား စုပင်း မေးလိုက်ရာ စုပင်း မျက်လုံးအား ကြည့်ပြီး ဖန်းယူကျင်း မကောင်းသော နိမိတ် ခံစားလိုက်ရ၍ "ဘရားသားစု အဆင့်မြင့် တန်ဖိုး ပစ္စည်းတွေတော့ မတတ်နိုင်ဘူး ။ အနိမ့်နဲ့ အလယ်အလတ် တန်ဖိုး ပစ္စည်းတွေတော့ အဆင်ပြေတယ်" အပြုံးတစ်ခုကို ညှစ်ထုတ်ကာ ပြောလိုက်၏ ။
စုပင်း ဖန်းယူကျင်းအား အခက်အခဲ မဖြစ်စေလို၍ စျေးနည်းသော အဆင့် တစ်မှ ခြောက်အထိ အခြေခံ စွမ်းရည်များသာ ရွေးခြယ်လိုက်၏ ။
"ဒါပဲလား" စုပင်းမှ အလယ်အလတ် တန်ဖိုးရှိသော စူးစမ်းသူ အများစု သားရည်ကျနေသည့် ပစ္စည်းများအား ကျော်ကာ အခြေခံ စွမ်းရည်သာ ရွေးခြင်းကြောင့် ဖန်းယူကျင်း အံ့ဩသွား၏ ။
YOU ARE READING
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...
