အခန်း ၆၈ ငရဲကျောက်
ဘာသာပြန်.Soul
ဖန်ကန်းလီ ခြေရာများနောက် လိုက်လိုက်ရာ သူတို့အားလုံး တောင်စွန်း တစ်ခုအနား ရောက်သွား၏ ။
"တခြား သားရဲရဲ့ ခြေရာတွေလဲ တွေ့တယ်ဆိုတော့ တစ်ခုခုက နောက်က လိုက်နေတာ နေမှာ ။ ဘယ်မှ သွားမရတော့လို့ ခုန်ဆင်းသွားတယ် ထင်တယ်" ယီချန်းရှန် ပြောလျှင် ဖန်းယူကျင်းနှင့် လီယင်း အကုန်အကျ အလွန်များထား၍ အလိုမကျ ဖြစ်သွားကြ၏ ။
ဖန်ကန်းလီ၏ တန်ဖိုးအထားဆုံး သားရဲ သေခါနီး ဖြစ်သွားကာ သွေးမြေခွေးမှာ တောင်အောက်တွင် သေနေပြီ ဖြစ်လျှင် အနစ်နာ ခံသမျှ ဆုံးရှုံးမှုသာ ဖြစ်သွားမည် ဖြစ်၏ ။
စုပင်း ဖြည်းဖြည်းချင်း လေ့လာကြည့်ရာ တိုက်ပွဲကြောင့် ရှုပ်ပွနေသော အကျိုးအကြေများကြား အနီတောက်တောက် အမွှေးများနှင့် အရိုးများ တွေ့ရ၍ မှော်အလောင်း သားရဲပေါ်မှ ခုန်ဆင်းပြီး တောင်စွန်းမှ အောက်ငုံ့ကြည့်လိုက်ပြီး အဖွဲ့မှ တွန်းချမည် မဖြစ်နိုင်သော်လည်း သတိထားသည့် အနေနှင့် နောက်မှ လူအား ကြည့်ထားလိုက်၏ ။
"တစ်ယောက်ယောက် အချက်ပြမီး ပါလား" ညအချိန် ဖြစ်ကာ မှောင်နေပြီး အားလုံးကြည့်လိုက်ရာ ဘာမှ မတွေ့ရ၍ စုပင်း မေးလိုက်လျှင် လီယင်း ကျောပိုးအိတ်မှ အချက်ပြမီးအချို့ ထုတ်ပြီး စုပင်းလက်ထဲ ထည့်ပေးလိုက်၏ ။
စုပင်း တစ်ခုအား ဖောက်ခနဲ မြည်အောင် ဖွင့်ပြီး ပစ်ချလိုက်ပြီး ကျသွားသော မီးရောင်နှင့်အတူ လိုက်ကြည့်ရာ အညိုရောင် ကျောက်နံရံတွင် အပင်ငယ်အချို့ ပေါက်နေပြီး အနီရောင် အမွှေးအချို့ ကျောက်ချွန်တချို့တွင် ကပ်ညိနေပြီး ထူးဆန်းသော အရာတစ်ခု တစ်နေရာတွင် တွေ့ပြီး အချက်ပြမီး လျှင်မြန်စွာ ကျသွားခြင်းကြောင့် ဘာမှန်း မသိလိုက်ရချေ ။
နောက်တစ်ခု ဖောက်ပြီး ထိုနေရာဖက်သို့ ပစ်ချလိုက်ရာ ရွှေအိုရောင် လက်နေပြီး ထူးဆန်းသော ပုံစံနှင့် ကျောက်တုံးတစ်ခု ကျောက်နံရံတွင် ညှပ်နေကြောင်း စုပင်း တွေ့လိုက်ရလေ၏ ။
YOU ARE READING
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...
