အခန်း ၁၃၃ သင်တန်းကျောင်းများ ယှဥ်ပြိုင်မှု
ဘာသာပြန် Soul
"မသိဘူး ဟုတ်လား"
စစ်ကေနှင့် ကျောင်းသားက စုပင်း စက်ဘီးရှေ့တွင်ရပ်ကာ ရှေ့ဘီးတွင် ခြေထောက်တင်ပြီး အားစိုက်လိုက်၍ စက်ဘီး ဂွေပင်လိမ်သွား၏။
"ယီဟိုက မင်းတို့ကျောင်းရဲ့ ချန်ပီယံပဲကို မသိဘူး ပြောမနေနဲ့ ။ $ရေး မပါတာတွေ" ထိုသူ ပြောပြီး အိပ်ကပ်ထဲမှ လက်အား ထုတ်ကာ စုပင်းထံ လှမ်းလိုက်ချိန် "ပြဿနာ မရှာနဲ့ တိုင်ယန်" တစ်ယောက်မှ အေးစက်စွာနှင့် ပြောလာ၏ ။
"လာမရှုပ်နဲ့ $ကလေး ။ မဟုတ်ရင်..." တိုင်ယန် မျက်မှောင်ကြုံ့ကာ စုပင်းအား ခြိမ်းခြောက်သော အကြည့်နှင့် ကြည့်ကာ ပြောသော်လည်း နောက်ထပ် တွေ့ရန် မလွယ်ကူကြောင်း သူ ကောင်းကောင်း သိနေ၍ ထိုစကားမှာ စကား သက်သက်သာ ဖြစ်၏ ။
စုပင်းမှာ ဘီးအား ကြည့်နေ၍ ပြန်ဖြေရန် မအားပဲ ဖြည်းဖြည်းချင်း မော့ကာ တိုင်ယန်အား ကြည့်လိုက်၏ ။
"ဟမ် ၊ ဘာကိုကြည့်..." တိုင်ယန် စကား ဆုံးအောင်ပင် မပြောလိုက်ရပဲ သူ့ခန္ဓာကိုယ် လေထဲ မြောက်သွားပြီး မမြင်ရသော စွမ်းအင်တစ်ခုနှင့် ကိုင်ပေါက်လိုက်သည့်အလား ပြန်ကျသွား၏။ဖြစ်စဥ်မှာ အလွန် မြန်ဆန်လွန်းခြင်းကြောင့် ကာကွယ်ရန်ပင် အချိန်မရလိုက်ပေ။
မျက်စိတစ်မိတ်အတွင်း တိုင်ယန်အမည်ရှိ လူငယ်မှာ ကြမ်းပေါ်လဲကျနေပြီး သွေးအချို့အန်ကာ အသက်လု ရှူနေရတော့သည်။
ဤသည်မှာ သူ့စက်ဘီးအား ဖျက်စီးခြင်းကြောင့် စုပင်း လက်တုန့်ပြန်ခြင်း ဖြစ်သည်။ ထိုသို့ ပြုလုပ်ပြီးသည်နှင့် စက်ဘီးကို နင်းကာဆက်သွားလိုက်၏ ။
တိုင်ယန်မှာ သူတိူ့ထဲမှ သန်မာသူတစ်ယောက် ဖြစ်ပြီး စက္ကန့်ပိုင်းအတွင်း ထိတွေ့ခြင်း မတွေ့ရ၍ ကျန်သူများ အံ့ဩနေမှုမှ ရုန်းမထွက်နိုင် ဖြစ်နေလေ၏ ။
"ရပ်နေလိုက်စမ်း" ပုပုဝဝနှင့် တစ်ယောက် ပြေးလာပြီး အော်ပြောလျှင် စုပင်း လှည့်ကြည့်လိုက်ရာ ထို ခုနစ်ယောက်မှ သူ့အား ဝိုင်းထားကြောင်း တွေ့လိုက်ရ၏ ။
YOU ARE READING
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...
