အခန်း ၁၁၀ ရိုက်ခတ်မှု/လှုပ်ခတ်မှု
ဘာသာပြန်.Soul
လျိုကုဆူးထံမှ မှော်အလောင်း သားရဲအား စုပင်း သတ်ရာ ထူးခြားသော အရိုးခြောက် အသုံးပြုသွားကြောင်း ဒေါင်မင်းဆောင်း ကြားခဲ့၍ မသေမျိုးများနှင့် ပက်သက်၍ စာအုပ်တွင် မပါသော အရာများ သိနိုင်မည်ဟု တွေးမိ၍ သဘောတူလိုက်၏ ။
ကျန်သည်မှာ စုပင်းအပေါ် မူတည်နေပြီး သူဝင်ကူ၍ မရတော့ကြောင်း ဒေါင်မင်းဆောင်း သိနေ၏ ။
ခနအကြာ ဖန်းရန်းကျင်း အသိပေးချက်ကြောင့် ကျောင်းသားများ အဆင့်မြင့် ဆရာအသစ် ရောက်နေကြောင်း သိကာ လက်ချာပေးမည့်အကြောင်း ပထမနှစ် ကျောင်းသားများအတွင်း ပြန့်နှံ့သွားကာ ကျောင်း၏ ဝဘ်ဆိုက်တွင် ရှာကြည့်၍ အသက်အား တွေ့လျှင် အံ့ဩကုန်၏ ။
ဝဘ်ဆိုက်တွင် စုပင်း၏ နာမည် ၊ အသက် ၊ ရရှိခဲ့သော အောင်မြင်မှုအကြောင်း အကျဥ်းချုပ် ရေးထားရာ ရရှိခဲ့သော အောင်မြင်မှု နေရာတွင် သာမာန် မဟုတ်သော အဆင့်ရှစ် အမြင့် မှော်အလောင်း သားရဲအား သတ်နိုင်ခြင်းသာ ဖော်ပြထား၏ ။
ထိုအချက် တစ်ချက်နှင့်ပင် အားလုံး အံ့အားသင့်ကာ စုပင်း၏ အသက် ဆယ့်ရှစ်နှစ်အား ကြည့်ပြီး ဆရာများပင် အံ့ဩကုန်၏ ။
ထိုအံ့ဩခြင်း ပြီးလျှင် ထူးဆန်းသော အဆင့်မြင့် ဆရာအသစ်အား စိတ်ဝင်စားကာ အဖြစ်မှန်အား သိချင်လာပြီး သူတို့၏ ကျောင်းသားများအား စုပင်း လက်ချာသို့ အမြင်ကျယ်စေရန် သွားတက်ဖို့ တိုက်တွန်းကြ၏ ။
ခနအကြာ ထိုသတင်းက ပထမနှစ် ကျောင်းသားများထံ ပြန့်သွားကာ ဆရာအသစ် ၊အသက် ဆယ့်ရှစ်နှစ်ဟူသော စကားလုံးများကြောင့် စိတ်ဝင်စားသူ ပိုများလာခဲ့သည်။
အဓိက အာရုံစိုက်ခံရသည်မှာ စုပင်း၏အသက်ပင်ဖြစ်သည်။အခြားသော အဆင့်မြင့်ဆရာများထံမှ အသန်မာဆုံးဖြစ်သည် ချင်ယွမ်းဖန်းသည် အဆင့်ကိုး သားရဲစစ်သည် ဖြစ်သည့်အပြင် မှော်အလောင်း သားရဲအား သတ်နိုင်စွမ်းရှိသူတစ်ဦး ဖြစ်သည်။သို့သော်လည်း သူ၏အသက်မှာ လေးဆယ်ဖြစ်ကာ စုပင်းမှာမှု ယခုမှ ဆယ့်ရှစ်နှစ်သာ ရှိသေး၏။
YOU ARE READING
ကြယ်တာရာသားရဲများ၏ကမ္ဘာ(အတွဲ ၁)ၾကယ္တာရာသားရဲမ်ား၏ကမ႓ာ
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...
