💥امرأة متنكرة في عالم الرجال💥
بقلمي: Hanane Zh
الجزء ٢
الدري شاد فالماتيريال ومزير عليه: راني مزير حق الرب.. شوية بدا تايحل الشورط.. سارة قلبات وجهها بالزربة وهي مغمضة عينيها وخرجاتليه من الطريق
دخل تايطير وخرجات سارة/سمير لبراا كتفكر: تفو خاصني نساينهم تاني تايخرجو باش نبدل على راحتي
بانوليها الدراري تايخرجو واحد بواحد شوية جا المدرب فاش ضربات قبيلة عريان
ضرب المدرب سمير لراسو: مالك اصاحبي قبيلة طليتي وخرجتي
سمير/سارة نزلات عينيها ضربات نيشان فداكشي تحت الكيطمة وهزات راسها دغيا نطقات بصوتها الغليظ المصطنع كالعادة: والوو غا تفكرت واحد البلان وخرجت .. احم احم
المدرب: ماغاتخرجش؟
سارة/سمير: غانبقى كالعادة تال التالي نسد لاصال ونجمع شي لعيبات غا سيرو
المدرب : صاف تهلى اصاحبي ماتنساش الليلة دايرين نمشيو للبواط نقصرو شوية
سارة فنفسها: اووف تاني* قالت بالجهد: صاف مشاات
مشى المدرب وخوات لاصال
مشات سارة كتجري للدوش حيدات التيشورت والشورط وبقات كتحيد فواحد الفاصمة غليضة جامعة بيها صدرهااا و شورط مزييير على طرماحتها باش تجمع شوية لدرجة حبس ليها الدم فيهاا.. غا حيداتها حساات بالرااحة بقات كتحك بلاصة لاستيك دالشورط كان مزير عليها قرصها....
دخلات للدوش طلقات الما وكتغسل فصحتها لي مجموعة ومقادة كيف لا وهي مهلية فراسها كتريني يومياا وكتاكل غا الماكلة الصحية لي تنفعها.. هادي عاماين دابا وهي بادية هاد السيسطيم.. قبل كانت مسلووتة وضعيفة...
لبسات سارة حوايجها قبية واسعة وكيطمة مالتحت سبرديلة هزات صاكها وخرجاات هاد المرة خلات الروينة فلاصال مهدودة مافيها لي يجمع خدات الطراام تاوصلات للمحطة لي قريبة لدلرهم نزلات للحانوت تقضات باش تغدا ومشات دخلات للبرطمة
كانت برطمة كبيرة فيها شي ربعة دالبيوت وكوزينة عادية على قد الحال .. كل جوج كاريين بيت الا هي شادة بيتها بوحدها
دخلات كان الكالم باينة الدراري باقي مادخلوش.. شافت فالارض بانليها الزبل مرمي والسبرديلات مليوحين التقاشر حداهم خااانزين.. سدات نيفها وهي كتسب فيهم فنفسها
طلات على الكوزينة لقااتها كلها ماعن موسخين من الراس للراس والزبل ماترمااش
سارة/سمير بصوت غليظ ولفات تهضر بيه: تفووو ساكنة مع ولاد ال*حااب اناا موسخيين علطواسل مهمم الكلاب. تفوو على عيشة دالحبس.. بلاش كاع من هاد الماكلة دالدار تفووو
حلات بيتها بالسوارت ودخلات سدات عليها.. حلات السرجم وحطات داكشي لي خدات تماك حيتاش لاحطاتو براا غايطيروه الدراري ياكلوه ليها
تلاحت على ناموسيتها الصغيرة وغمضاات عينييها وغطاات فنووم عمييق بسباب العيااا ....
#يتبع
VOCÊ ESTÁ LENDO
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
