امرأة متنكرة في عالم الرجال 💙 💪
الجزء 166
بقلم حنان زهراوي /اريا ستارك
ماسين تعصب دفعو وحيد تاهو التيشورط: لكانو غير عضلات هاهوما كاينين
ياسين شاف فيه وهز حاجبو ودار ليه اشارة يشوف فسارة لقاها كتشوف غير فياسين تعصب وتحرك لوسط ساحة: ماكاين لاش نبقاو داوين من أحسن نبداو
ياسين كيدور بالشوية بحال شي اسد كيتربص بالفريسة ديالو وخاصو غا ايمتا يصيدهل: تو تو انا قلت ندويو ونخلي ضاربوك فنفس لوقت
ماسين خنزر فيه: مبقاش عمك اليازيد وليتي كتعايرو؟
ياسين هز كتافو بلامبالاه: وليتي كتهضر بحال العيالات ياكما سمييير أثر عليك
قالها باشمئزاز سارة يالاه غاتجاوب حسات بشي حد وقف حداها: اخيرا غايفاسرو مشكلتهم
سارة عينيها خرجو: العميد ...احم لابغيتي انا نوقفهم
لعميد حبسها: لالا خليهم شحال وانا كنتسنى ياسين يدير هاد رد الفعل وحل المشكل ولكن بالنسبة ليه من ديما كان كايتصرف بحالا مكانش مشكل اصلا
سارة باستغراب: علاش زعما دابا كاين المشكل
لعميد بتاسم: فاش كتكوني نتي ماتايكونش داك المشكل تايكون مشكل اخر
سارة توترات: لالا غاتكون فهمتي غلط...
العميد وقفها بيدو كيشوف فماسين لي كل ماكيحاول يضرب كيعرفو ياسين فين غادي يضرب: خلينا نتفرجو دابا فهاد تدريبات لي كنتو كديرو واش عندهم شي نفع...
سارة كتفرج عصبهاا مااسين غوتات بلفقصة: ماسين خدم عقلك ماشي عينيك
ماسين بتاسم عقل ملي كان كيتريني مع سمير لي هو سارة نيت كيقوليه عينيه كايغدروه وكيبينو لخصمو فين باغي يضرب وصاتو يفكر ويضرب ولكن مايبينش ومن بعد غايولي يضارب بلا تفكير غاتولي طبيعة وتحركاتو غاتولي غير متوقعة...
ياسين وقف دار شاف فيها وخنزر هي بتاسمات ليه غا ضد بااتو سنيينانتها المستفيين وواحد التقيبة دالزيين غابرة عندهاا ماكتبان غي من العام للعام.... خلاتو كيشوف فابتسامتها وهي تشير ليه بعينيها يشوف قدامو
مع دار مع جاتو ضربة لوجه، محسش بالدقة لحاجة لوحيدة لي كايحس بيها.....
هي موجة العنف لي كتحرك فيه ملي تايكون كيضارب... خاصة انو ولف تايدير كومبات متوحشة ديال الشوارع.. بدون قوانين..وهادشي عارفوو ماسين .... بتاسم بمكر..وداار واحد الشوفة فماسيين ديال الاسد صافي عرف منيين يجي لفريستوو
ماسين هز حاجبو: قوادت
سارة طلقات واحد ضحكة جمعاتها غير حيت خنزر فيها لعميد وهضر بصوت مرتافع: هادي هي المضاربة؟؟ هادي هي اللياقة البدنية لي كنا نخدمو عليها يوميا بفف كنضيع فوقتي
دار راسو غادي حتى سمعهم تحركو ودار كيتفرج مبتاسم: باقيين صغار فعقلهم
سارة:كتر ماكتصور
لعميد خنزر فيها وهي تجمع لإبتسامة وتقادات فالوقفة شافت ياسين وماسين بداو كيضاربو بحال بزوجهم حافضين بعضياتهم، فعلا صحاب فاهمين بعضياتهم وتحركاتهم متناسقة . .....
طبعا ياسين تاهو كان كيراقب ماسين ولونطريما ديالو ديمااا فاش كانو تايخرجو بزوج بالليل يترينيو... كيما كانت كدير هي وماسين ملي كيحضيوه...
ماسين وياسين مضاربين وكيتناقشو معصبين هادشي لي خلاهم غاديين وكيسخفو فنفس لوقت..
ياسين كيغوت: شكون نتا حتى تتدخل؟؟ شكيت عليك؟؟
ماسين معصب عطاه كروشية للكرش ولكن كان ياسين مقسحها باش مايتوعتش بزاف
ماسين : كنت كنشوف صاحبي كل نهار كيتبدل وواحد اخر كيجي بلاصتو واحد بارد كتهضر معاه بحال كتهضر مع الحيط
ياسين صافي مابقاش باغي يتكايس عليه عطاه دقة لنيفو حتى خرج الدم
ماسين تحدر بالخف هز تيشورط ديالو مسح نيفو ولاحو وكمل...
ياسين: دابة حسن ياك؟! معندكش صاحبك لحيوان لوحش
ماسين تعصب: ديما كنستفزك بهاد الكلمات حيت هوما لي كيخليوني نعرف بلي باقي ياسين لداخل وباقي لكلام كيأثر فيه
ياسين متسوقش لهضراتو بلعكس عينيه كلهم غضب تحرك عند ماسين وبرجلو ضربو ديريكت ليدو لي عندو فيها داك المشكل، ماسين شد فيدو بحر الضربة.. تقسح مزيااان.... وهز عينيه فياسين وكلو غضب هز رجلو بغا يضربو ولكن حركاتو ولاو تقال باينة فيه عيا، بسهولة ياسين شد ليه رجلو ودفعو بيها طاح فالارض ووقف قدامو عينيه حمرين
ياسين: اش قالت لك؟؟ ها؟؟ قالت لك كيفاش حبسات دري عندو خمس سنين فلاكاب فواحد البيت مظلم.. ؟؟
ماسين ياله ناض شاد دراعو هز ياسين رجلو وضربو لجنبو طاح...
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
