امراة متنكرة في عالم الرجال 💪
الحزء 84
بقلم:حنان زهراوي / اريا ستارك
رجع دار للباب وبدا كايخبط فيه بجهد وكايغوت: ماسين حل حل لباب ماااااسين حل هاد الباب ولاا غانفرع ديلمو حللل
لخالة: ياسين عفاك غير سمعني
ياسين مشا بجهالة تال حداها وهز كرسي شير بيه على لباب: ماسين بربي وماتحل تانقتلها لك هنايا
لخالة كتبكي تخلعات ورجعات باللور: ياسين عفاك سامحني عفاك غير سمعني
ياسين شاف فيها ووجهو كلو حمر بالأعصاب: سكتييييي!! ماسين
ياسين هز بيرو قلبو كاامل....
براسو غادي فعلا يرتاكب جريمة إلا مخرجوش من هنا، خاصو يخرج الأعصاب لي فيه ولا غايقتل شي حد، هز لامبا خبطها مع لرض ومشا لبلاكار فيه ديكورات وبدا كيهز وكيخبطهم مع لحيط مع أي حاجة جات قدامو شاف خالتو تحركات بغات تجي تحبسو.
ياسين شاف فيها بكل حقد: بربي وتجي حدايا تامنعقل علك وفهاد اللحضة باغي نقتل شي حد..ماااااسييييين
رجع هز واحد ديكور خبطو مع لرض حدا خالتو ومع كان كلو زاج تلاح لبها زاج على رجلها جرحها، ماسين دخل مع ديك لقطة كيصحب من قبيلة وياسين كيشير عليها مشا يجري لوا يديه على ياسين باش يحبسو..
ياسين بكل غضب: نتا نتا دير فيا هاكة؟!
ياسين بمفرقو دفع ماسين بجهد فدراعو وخبطو مع لحيط حتى تسمع طرطيق ديال عضام فدراع ماسين لي غوت بالألام، ياسين ضار شاف فيه ملي طلقو لقا عضم خارج من دراع ماسين بطريقة غير طبيعية..
ماتسوقش شاف فالباب محلول وخرج ديريكت معاودش دار شاف فيها وصل لطوموبيل ديمارا وكسيرا وصدرو ضارو بزاف بدا كحس براسو بدا كايتخننق وقف جنب الطريق وعيط لحميد خوه..
#نهاية الفلاش باك
خرجو من سهوتو صوت حميد خوه: باققي بارك هنا معييتيش؟؟
ياسين قرن حجبانو: على شحال وانا هنا
حميد شاف فساعة: شي ساعتاين
ياسين محسش بالوقت وهو كان عايش فالماضي للحضة، حميد لاحظ بلا ياسين عرقان من وجهو عرفو تفكر داكشي لي كانو كيدويو عليه قبل ماينوض ويخليه.
حميد: نوض نعاونك ترجع لبيتك؟!
ياسين جا فبالو سمير وماسين: عطيني تيليفونك واحد دقيقة
حميد جبد تيليفونو ماطاه ليه: هاكة.انا غاندخل لابغيتيني عايط فنمرة لواليد نخرج عندك
مشا حميد قبل مايجاوبو حيت عارف خوه مغاديش يجاوب ولكن غادي يعيط ليه لاحتاجو.
دوز نمرة العميد ديال الأكادمية وبقا كيتسنى حتى جاوبو صوت مألوف.
سمير: ألو!
ياسين حيد تيليفون من ودنو وشاف فالنمرة ورجع تيليفون لودنو.
ياسين: سمير؟!!
سمير سكت شوية عاد.جاوب: ياسين؟!!
ياسين: اش كدير فبيرو ديال عميد
سمير: احم كاين واحد مشكل ومامسالينش قطع تاتعاود مرة خرا.
ياسين تكعد فالبركة وخنزر: أش واقع؟
سمير: احم كيبقيتي شوية؟؟ ياله بسلامة
ياسين غوت : قلت لك أش واقع اسمير دوي
سمير: احم لبارح معرفناش شكون كان باغي يحرق الأكادمية ولكن واخا عرفناها فالوقت قدرو يشعلو لعافية فواحد الأجنحة..
ياسين قطعو: وقعات شي حاجة لشي حد؟
سمير: لا أغلبية كنا خرجناهم من تما ولكن ليل كامل وحنا مضاربين مع العافية باش ماديعش.
ياسين ياله غايهضر وهو يسمع صوت لباب تحل وماسين دوا.
ماسين: سربي راه لعميد كيسول علك معامن كتهضري؟؟
سمير: احم ياسين غانقطع محتاجينا
ياسين كيفكر واش سمع ماسين قال معامن كتهضري ولا غير جاب ليه الله نفض دوك الأفكار من راسو.
ياسين: انا غانسيفط ليكم شي رجال يعاونوكم ومن بعد ونعيط.
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
