امراة متنكرة في عالم الرجال 💪
الجزء 64
بقلم:حنان زهراوي/ اريا ستارك
إيمان شادة جسم ياسين لي كيترطا فوق سرير ووجهو كلو عرق وكتحاول تفيق فييه.
إيمان: ياسين فيق راه غير حلم يااااسين
ياسين بصوت مرعود بالأعصاب: انا ماشي حيوان انا ماشي حيوان
إيمان طلقات يدو وبدات كتصرفق ليه فحناكو بشوية: ياسين فيق راه غير حلمة خايبة فيييق
بغات ترجع تشد يدو وهو يحل عينيه وإيدو مشات ديريكت لعنقها قجها: انا مااااشي حيوااان
بالجهد لي قجها بيه مقدراتش تنطق شدات ليه يدو كتقمش فيه وهو كيرمش بشوية وعاد كيستوعب، سارة فاقت بصوتو ملي ناضت عندهم شافت داك لمنظر معرفاتش اشنو واقع مشات تجري لعندهم،
حطات يدها على ياسين ووركات عليه كتحاول تحيد عينيه من على إيمان .
سمير: ياسين انا سمير طلق من إيمان
صوتو وصل ليه بواحد الطريقة غريبة خلاه شاف فإيمان وشاف فيدو وطلق منها ونتر يد سمير من يدو ودار عطاهم بظهرو وتكى.
سمير رمش عينيه وشاف فطبيبة: نتي بيخير ياكما نجيب لك تلج ولا شي حاجة؟؟
إيمان كتشوف فياسين بحزن: لالا انا بيخير
سمير: متأكدة ؟؟
سارة شافت فياسين بعدم فهم مكرهاتش كون تعرف أسرارو باش تعاونو.
إيمان: شوفي شحال ساعة خاصك تمشي لحصة لي عندك
سمير: عادي ماشي مشكيل مانمشيش
إيمان دفعاتها: خرجي عليا برا هنا كيبقاو غير لمرضى سيري حضري لحصتك
سمير:واخة صافي بلا دفيع
مشات سارة ورجعات إيمان لعند ياسين: اوكي غاتعاود ليا دابا ولا تانشربو شي كاس دأتاي...
ياسين شاف فيها وطل على فين كاين واش سمير باقي ملي ملقاهش شاف فإيمان وحدر راسو.
ياسين: سمحي ليا مقصدتش راه ..راه
إيمان: عارفة ولكن خاصك تعاود ليا
دار عطاها بالظهر ودارها بحال مدواتش إيمان بقات كتسنى فجوابو ملي مهضرتش دارت عندو لجيهة لخرا ووقفات قدامو.
إيمان: اوكي هانتا ياإما غاتبدا تعاود ليا يوميا، كل نهار تعاود ليا شي حاجة جديدة ولا نطلع عند لمدير نقوليه تعديتي عليا كنتي غاتقتلني وعاد ديك مضاربة لي وصلاتك لهاد لحالة، اه وحتى سمير مشارك معاك فهادشي كلو يعني قضية غاتوصل ليه تاهو ويقدر يتطرد من هاد الأكاديمية..
إيمان شافت فيه وهزات حاجبها: اش بان لك ديل أور نو ديل deal or no deal
ياسين خنزر فيها ماعندوش مع هاد البلانات وماعندوش مشكل تقولها للعميذ.. ولكن ايخرج على سمير وهو غي عاونو تنهد وقال: اوكي اوكي
إيمان: علاش متبدا معايا من طفولتك من الأحداث الزوينة لي فقلبك ومعمرك نسيتيها
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
