امرأة متنكرة في عالم الرجال 💙 💪
الجزء 175
بقلم حنان زهراوي / اريا ستارك
ياسين واقف قداام بيتو تايتسنى ويمشي ويجي..
شاف ماسين جاي هو يمشي يجري عندو
ياسين: عطاالك الاذن
ماسين مدهاليه: هااك .. وفاش يسالي هادشي سير بوس الراس لعمك اليازيد لي سمانا ماسين وياسين. المخير تايمشي زاالق فسمياتنا
ياسين حط يدو على كتف ماسين ورسم ابتسامة خفيفة فوجهو: شكرا .
ماسين: اصلا ماكان فيا لي يدخل لشي حصص انمشي نتكى فبيتي
بغى يمشي ياسين هو يوقفو
ماسين: تابلاتي اصاحبي باقي ما تفاهمنا...
ياسين: صافيي انجيبلك ايفون
ماسين : تالاا ماعنديش مع داك الزمر معقد.. جيبلي شي هواوي ولا شياومي.
ياسين بغى غي يمشي وماسين تايعطل فيه. دار عندو وخنزر فيه
ياسين:اتزييد كلمة وحدة نجيبلك نوكيا بيل
ماسين دار بحالا بغى يحديليه الورقة: ارا داك الورقة لهناا
دفعو ياسين : تايحيد اصاحبي خلينا نمشيو....
مشى ياسين كايجري وخلا صديقوو وخوه فرحاان... والضحكة مابغاتش تفارق وجهوو.. حس بلي صاحبوو رجع ليه واخيراا من بعد سنين طويلة..
حل الباب دخل لبيتو وتلاح على سريرو..
للحظة جات فبالو ايمان وتفكر البوسة..
قال مع راسو: ماعرت فين تكون دابا.. ترجع سارة اول حاجة نديرها ناخد نمرتها..
رجع تفكر هضرتو لي قال لياسين.. احساسو من جهة سارة كاان إعجاب وقريب لحب... ولكن ماعندوش نية انو يوقف فطرييق صاحبو وخوه... وحتى سارة حاس بيها كتبدل فاش تاتكون حداه.. فحين مع ماسين كتصرف عاادي بحالا راهم عشراان..
تنهد :غانعطيهم فرصة..
عند ياسين خرج من قدام السيكيريتي وراهم الورقة ماداو ماجابو. من ديما كانو تايديرو هاد البلان قبل مايتخاصمو.. الاساتذة ماكانوش تايفرقو بين سمياتهم.. وديما متلفينهم...
ركب ياسين سيارتوو و عفط عفطة وخدة.. تاوصل لتحت الحبل فين غاتسالي لابيست وتبدا الطريق المقادة.. يالاه بغي يدور تسمع صووت مجههد..
ياسين : تفوووووو
خرج لقى الرويضة تفشااات والشامبرير لي داخلها تفركع. ووصوتو لي تسمع
ياسين تايطل تحت الرويضة ماكايناش شي حاجة لي غاتخليها تفركع..
سمع شي حس يالاه بغي يدور يضرب.. ترشاات عليه شي حاجة فوجهو.. غمض عينيييه لي تايحرقووه بالجهد. حس بشي دقة جاتوو فراااسو خلاتو يطيح دايخ.. هزووه ودخلوه فشي طوموبيل...
عند سارة حلات عينيها
لقات راسها فبيت مظلم بزاااااف...
مكتفين ليها يديها و رجليها... بقاات تغوت وتعييط تاعيااات وجلسات بلاصتها جامعة ركابيها بين يذيها وحاطة راسها فوقهم
سارة: تفوو كون غا سمعت لداك الحمار دياسين...
تفكراات واليديها وابتسمت: ههه اصلا ماكاين لي غايديها فديلمي سوا مت سوا بقيت عايشة زايدة ناقصة ماكاينش لي غايتضر ...موت وحدة لي كاينة.... ونيت نتبع صاحبتي امال نتوانسو
نزلات دمعة يتيمة من عينيها.. شحال صعيب تكون بدون سند بدون عائلة بوووحدك فهاد الدنيا كتخارب بوحدك وتقاتل لراسك وعايش غي علي قبلك.. حياة ماعندها معنى... تايقولو بلي الغير ماشي مهم وماعندو باش يفيد الشخص .. ولكن باش انك تعيش حيااتك بوحدك بلا حتى شي ونييس صعيييبة بزااف على الانسان... خاص ضروري يكون شي شخص يحببك فالحياة تحس بلي يلا متيي غادي يتأذا ويتضر وتولي تقااتل باش تعيش على قلبو... شحال من واحد تايفقد الرغبة فالخيااة وتايفكر ينتحر ولكن حبو للناس لي تايبغيي تايمنعو هادا طبعاا يلا كان قاطع يدو من يد الرحمان.. اما الانسان المؤمن حبو وخوفو من الله سبحانه وتعالى تايمنعو عاد تايفمر فالناس لي كايبغيوه..
سارة فهاد اللحظة حسااات بالوحدة وبليي ماعندها لي يحزن على قبلهاا نييت ولا يتضر من موتها...
.. رجعات راسها اللور وتكات على الحيط.. غارقة بيين افكارها لي كايتضاربوو فعقلها.. واحاسيسها المختلطة فقلبها.. كتفكر كيفاش ماتوصلاتش لهاد النتيحة ديال انها بوحدها تاجلسات فعلا بوحدها وهي حاسة بالموت كتسناهاا
ماتنكرش بلي ماسين وياسين عمرو عليها فهاد الاونة الأخيرة ولكن محتااحة اكتر من هاكا محتااجة حب. محتاجة شي شخص لي يبغيهاا ويعنقهاا.. تبكي على كتفو نهار تحتاج تبكي ويطبطب عليها... ينصحها نهار تحتاج نصيحتو... ويضحكها فاش تكون ماراشقالهاش ومحتاجة ضحك.....
غمضاات عينيها وشرييط حياتها كامل تايدوز قداامهاا..
من اول مرة وعاات علي راسها لدابااا...
فرصة ومناسبة باش تراجع راسها و أفعالها ماللول...
#يتبع
أنت تقرأ
امرأة متنكرة في عالم الرجال 🤠مكتملة🤠
العاطفية💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
