امرأة متنكرة في عالم الرجال 🤠مكتملة🤠

الجزء 17 🤠

🌀امراة متنكرة في عالم الرجال🌀
بقلمي:hanane zh
الجزء 17

وصلات الربعة دالعشية تسمع صوت الجرس كايتقب الوذنين
نقزااات سارة من بلاصتها وقلبها كايضرب بالجهد (تفكرت سارة فالحبس فاش كان تايصوني الجرس وتفيق مخلوعة😂😂ف *دهاء امراة*)خمسة دالتواني اللولين جلسات كتحاول تستوعب فين راها دابا ... شوية تفكرات بلي راه المدرسة هادي.. حسات بشي احد كيتحرك حداها دارت بالزربة بانليها ياسين يالاه نايض وقلبات وجهها ...

ياسين سمع صوت الجرس حل عينيه تفكر بلي تاحد من الطلبة الجدد ماوصل يعني غايجي فالرتبة التالية ...
ناض يالاه دار للجهة لاخرى ضرب فواحد الشخص فايق مخلوع مدهشر
فاللول بانليه بحال شي بنت ولكن من بعد تأكد بلي دري... واخا جاه داير بحال شي زامل
ياسين استهزء فنفسو: غادي ندرب هادا باش يولي مقاتل ولا باش يولي رجل
ومشى تايلبس حوايجو
سمير بغا ينوض حس بظهرو مقسومة على زوج وعظامو ضارينوو
وقف غا بالزز ومشى لجهة الطواليط يغسل راسو وتفكر حوايجو لي خلا فالغابة
يارة : ناري على بلااان خليت صاكي فيه حوايجي وبانضاتي باش تانزير على صدري و اولوايز لاجاتني ليغيكل والكينات لي كايكالميو ليا الوجع ... ناري لاجاتني شغانديير داباااا وقريبة لياااا وااااععععع والمشكلة ماغانخرج من هنا تال الشهر الجاي تفووو
خرجات لقات ياسين تايتسناها حدا الباب دازت من حداه بدون حتى كلمة.. هو بارد ماكايتسوقش وهي حدودية لامادويتيش معاها مادويش معااك
دخل ياسين للطواليط وغفلو سمير بدا تايتحرك شوية تايدير السبور بالزربة باش مايزيدوش يضروه عظامو وباش مايشوفوش ياسين ..
دار 20 بوش اب فقل من 15 لتانية .. حس بالباب غايتحل وهو يوقف بسرعة البرق
ياسين ماشافش فيه تا الشوفة خرج ياكل.. نورمالمون خاص يورييه شنو القوانين دالمدرسة ويخرجو معااه ياكل الخ
سارة فنفسها: مال هادا امع راسوو ؟ العجب

شوية دخل ماسين للغرفة ضرب فسمير ودور عينيه على الغرفة
ماسين ناااشط: هادي هي بيتنااا.. هااح على ناموسية (بلاصة ياسين) تلاح على ظهرو: الله على راحة
سمير شاف فيه وابتسم بسخرية وقال بالشوية: بالسيف ما تقول الله على راحة جاي راكب فوق ظهر حمارك (شوية غوت) هاديك را بلاصة الدري لاخر هابلاصتك نتا
ماسين بحالا سمعو شقال فاللول وناض: اااه سمحليي اصاحبي قالولي جيتي هازني.. الله يحفظك نتا رجوولة والله .. شتي من هنا للقداام نتا صاحبيي لي بغيتيها جي قولهالي وماتخممش
سمير تفكر الصاك: متاكد لي بغيتها:؟
ماسين بغى يقول اه شوية شاف فسمير طلع معاه ونزل بانليه مبنت شوية: لا اعشيري ماشي لي بغيتيهاا شي حاجة فاطار الاحترام الليخليك
سمير قرب منوو : كيفاش فاطار الاحترام شنو بغيتي تقول زعما
ماسين حط يديه على معلمو بحالا كايغطيه:زعما شي حاجة محترمة وصااف
سمير لي مافهمش شكايقصد بغى يقوليه الصاك شوية وتراجع خاف لايقلبوو ويلقى اولوايز ويعيق بيه

عند كمال
كان صاحبو حاطليه التلج مور راسو كلاهاا نيييت .. عرفهم وصلو بزووج وتعصب ناض بقى كايزدح ويهلل
شدو صاحبو: شووف بلا ماتعصب راسك الساط.. اصلااا دوك الجوج لي جاوه واحد معاق ولاخر غا زويمل
شاف فالدراري لي حاة فكمال كانو واقفين تماك وصحااح عامرين: شوف الطلبة الجداد ديالك قدااش را بربي تايفرعوهم...
كمال ضرب بيديه فالحيط: را داك الزويمل لي تاتقول ضربنيي اولد ال*حبة ضربنييي عؤغتي نشدو نفرع ط*ونموووو
نقز عليه صاحبو: سكت سكت را ممنوع تهسار الهضرة نسيتي .. لاسمعووك ايصدقو طارديينك وضرب كولشي فالزيرو
زدح كمال الطبلة ودار شاف فالجوج الطلبة الجداد لي جاوه
دور راسو بانوليه الصيكان ديالهم: شوفو هاد جوج صيكان غبروهم بغيتهم يبقاو بلا حوايج كتفهموو .. ديو عليا وسخهم
ناضو الدراري هزو صيكان ماسين وسمير لي جابو اصحاب كمال فاش لقاوه طايح وفيقوه...
داوهم رماوهم فواحد لاكاف تحت المدرسة وراه ليهم كمال ...

#يتبع