امراة متنكرة في عالم الرجال 💪
الحزء 30
بقلمي hanane zh.
كمال: هادا صاكك نتا؟؟
ماسين: واش نتا حمار وصمك من لفوق؟؟
لبشار كلو تزلع بضحك كمال ماحملش راسو يالاه جاي ليه وفعينيه شر ناوي على خزيت: أجي نوري لدينمك لحمار كيغادي يخلي داربوك.
ماسين غادي تاهو جيهتو: أجي نحسب لدينمك سنانك
استاد: انتباه!! (كلشي تقاد فالوقفة ودغيا دارو صف) ديالمن هاد صاك لي مشتت فالارض هاكة؟؟
كمال بضحكة شريرة: ديال ماسين
استاد: سيرو لتاحقو بمواقع ديالكم من هنا لنص ساعة عندكم لحق تبداو لمسابقة إلا كروب ياسين غاتبقاو هنا تاتجمعو هاد لحوايج عاد تلتاحقو بلاخرين
ياسين معصب بقا واقف وكلشي كيفوتو ملي وصل كمال خنزر فيه وبغا يدفعو بكتفو ساعة خوا ليه وكان غايفقد التوازن ديالو وطيح...
زاد عند سمير وقف قدامو: جمع علينا هاد لعجب وتحركو باش مايسبقوناش.
ماسين: باش عرفتيه صاكو ماشي ديالي انا...ياكما لحيوان خرج منك وهو سباب هاد بلان لي وقع
ياسين شاف فماسين واخا كلمة حيوان ضراتو فخاطرو بتاسم جنب وهز راسو فماسين:ختك كنعرف شخصيتها مزياااان إلا كانت غادير مقلب تسيفطك لسبيطار ولا لحبس ماشي بحالك شخصية ضعيفة
ماسين شاف فيه وبتاسم بحزن وتفكر الايام ...
فلاش باك
ماسين رجعات بيه الداكرة ليامات ليسي واقف هو وماسين ومعاهم صاحبهم تالت عادل.
ماسين: أصاحبي هاديك واللهتا توتوزة منين ضبرتي عليها؟؟
عادل نافخ صدرو فرحان: صاحبت لخوادريا
ماسين كيشوف فياسين: سمعتي هاد لكلب ضبر على تيتيز
ياسين هز كتافو بلا مبالاة جات وقفات قدامو بنت هز فيها راسو وتنهد: اشنو؟؟
لبنت: علاش مكتجوبنيش وبلوكيتيني
ياسين: خاصني نشرحها لك مكتفهميش راسك؟؟
ماسين حال فمو وشاف فعادل: واش هادي ماشي ساطة لي كدوي عليها؟؟.
عادل وجهو معصب كيشوف فيها وفياسين لي مبرد ما على بالوش متكي على لحيط وهاز رجل مكالي بيها، دفع فلحيط وتحرك لبنت شداتو من دراعو بغات دوي معاه وهو ينترها بجهد حتى طاحت الأرض.
ماسين مشا يجري عونها توقف حتى صرفقاتو لهضرة لي سمع.
ياسين: قلتي باغا تنعسي معايا حققنا لك لحلم ديالك متحلميش بشي حاجة خرا وأخير مرة تحطي عليا إيديك فهمتي مكنحملش لوسخ يقيصني.
عادل مشا يجري شنق على ياسين: مال دينمك نتا اش يحساب لك راسك تعامل بنادم بحال زبل على شكون نتا فملك الله
ياسين مبتاسم بشر: بقا فيك لحال كليت لحلوة قبل منك؟؟
عادل هز يدي غايكروشي ياسين لي متحركش حتى جاه كروشي من حيت لا يعلم.
ماسين: صاحبي انا وياك عشران ولكن تقيص ياسين نسى لعشرة ونخرج فيك طول وعرض
عادل: تقود نتا وياه هادا راه حيوان نيت وماكيحن فتاحد تانتا غايجي نهار لي غايعاملك بنفس لبرود وديك ساعة غاترجع لكلامي
ماسين: سير اعشيري تاتبرد وندويو(شاف فياسين) ياله اصاحبي نمشيو
ياسين: بففف دينمو مكلخ راه غير بيطاسا
ماسين: أصحبي متهدرش على بنادم هاكة هو كان فرحان باين عاجباه ساطة
ياسين ببرود: ماشي شي حاجة تافنعاس كانت باقة بنت صدعات ليا كري
ماسين خرج عينيه: كانت باقة بنت؟؟ وعلاش كتقول عليها بيطاسا؟؟
ياسين شاف فيه وهز حاجبو بمعنى من نيتك؟؟: وحدة باغة تنعس مع واحد وغادة معاه للدار اش نقول عليها؟؟ بنت دارهم؟؟
#يتبع
KAMU SEDANG MEMBACA
امرأة متنكرة في عالم الرجال 🤠مكتملة🤠
Romansa💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
