امرأة متنكرة في عالم الرجال 💪
الجزء 112
بقلم حنان زهراوي / اريا ستارك
واقف كيتسنى فلكار وكل مرة كيشوف فجنابو وعينيه كيقلبو فعلا هو كيتسنى فعمو ولطن عينيه كيقلبو على لبنت لي شاغلة ليه بالو وقتو كلو كيقضيه كيفكر فيها وفين ممكن تكون.
دنيا عامرة بالناس كل واحد كيقلب على لكار للوجهة ديالو دراري لي معلقين من بيبان لكيران كيغوتو بلبلايص لي غادي ليهم لكار باش ناس لي مقارينش مايوحلوش...
واقف كيتسنى وطل مرة يشوف فلمكانة ملي تعطل عليه هز منير تيلي ديالو وعيط ليه يطمن.
منير: سلام عليكم عمي كيدير لباس عليك؟
أب سارة: عليكم السلام أولدي، حمد لله يسول فك لخير ورباح.
منير: عمي انا فلاكار كنتسناك شي ساعة هادي ياك لباس؟؟
أب سارة مخنزر: باك دغيا عيط لك سبقها لك سخونة؟ مكضيعوش لوقت هاااا؟
منير: عمي لواليد غير خايف علك وعلى سارة
أب سارة: ايه يخاف على سارة مني نهار نشدها ولكن انا مايخافش عليا ماشي دري صغير كرضع صبعي
منير: أعمي الله يهديك هو مقصدش هكاك وانتلاقاو ونهضرو بعدا وديك ساعة مايكون غير خاطرك.
أب سارة: اسيدي شطون قالك انا جاي عندك ولا جاي لتافين كاين نتا
منير: كيفاش اعمي علاش نتا فين غادي؟؟
أب سارة: مشيت عند شي ناس لمدينة خرا
قطع عليه وخلاه ربع ساعة وهو واقف كيشوف فتيليفون حتى خلعو ملي عاود صونا ليه...
عند أب سارة لي خرج من لحمام وهو مغاوبش كيهضر معاه اب سعيدة (سعيدة لباقين تعقلو عليها كانت تلاقات بسارة قدام بار وعرفاتها دري واخة كانت متنكرة)
اب سعيدة شاف فيه وقاليه: مالك ياك اودي لباس سمعتك كتهضر فتيليفون خير ان شاء الله
أب سارة: غير مع ولد خويا منير مصضعني مامخلينيش نمشي نقلب على ديك لمسخوطة.
اب سعيدة: سعيدة واسعيدة هاديك لمصيبة سعييييدة
سعيدة: وابا غير بشوية راه سمعتك وانا جاية
أب سعيدة: هاد لمسخوطة تاهي تلاقات بيها شي نهار راه هي تقولك انا نوض مصلي شي ركعات ونجي.
اب سارة تقاد فلبركة بغاها غير إمتى تبرك: شفتي ديط بنت لحرام بصح؟؟
سعيدة كتندغ فلمسكة وكتدوي مامسوقاش: ايه شفتها ولطن بنت لحرام لا هي ولد لحرام دابة هههههههه
اب سارة عقد حجبانو : اش كتخربي
سعيدة: عمي بنتك من لخر ولات راجل
اب سارة مفهم والو وبدا كيتعصب: لوحي ديك لمسكة وقادي معايا فمك ولا نقادو لك
سعيدة هزات فيه حاجبها: إواااا جمع راسك تصحابني بنتك ولا؟؟ تقتلني بلعصا ومكاينش لي يدافع عليا؟؟ انا فدار با ومس وخوتي حتارمني كيما محتارماك الله يخليك
اب سارة قرب يفقد تحكم وجعر عليها ساط ريح من فمو: واخة شرحي ليا أش شفتي وفين؟
سعيدة قربات ليه ودوات: بنتك كانت لابسة لبس دراري ومقطعة شعرها بحال دراري وساكنة مع دراري مكاين غير دراري دراري هههههههههههه
أب سارة بزربة شد ليها فدراعها وكرز عليها عينيه حمرين: متأكدة من هادشي لي كتقولي؟؟ ها دوييي؟؟ وفين شتيها ؟
#يتبع
مشااات فيهااا سارة 😂😂😂😂😂
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
