امراة متنكرة في عالم الرجال 💪
الجزء 54
بقلم:حنان زهراوي/ اريا ستارك
سمير وقف وخنزر فيه: مامحتاجش للسبب باش نعاون شي حد لي حياتو كاملة واقلة أول مرة يحس بالإهتمام ومايمشيش دماغك بعيد كإنسان وواجبو تجاه خوه..
ياسين بحال عاد كيزيد يتعصب: مااااخوكش انااا
سمير: ماخوياش غير سكتنا ومتحركش غاتحل لغراز
ياسين: لاش خيطتيني؟؟
سمير: اشنو نخليك مترع؟؟
ياسين رجع لبرود ملامحو:دابا درتي لي بغيتي يااك؟؟...
واق*** خليني مريح مع ك** بوحدي
سمير تعصب ووقف: بنادم مريض قول غير شكرا ينعلحسك
ياسين: شكرا ودابا ق***
ماسين داخل بعجاجتو: ديمكم مرجعتش لبيت ومكاينش لي جا سول الله ينعل..(ياله غايخسر لهضرة تفكر سمير بنت وبدا ككحب) كح كح
سمير: سمحليا العشير هاد خينا كان معطوب..
ماسين شاف فياسين بان ليه وجهو حالتو وعاد صدرو عريان والضربة..
ماسين هز ملاية ولاحها ليه على صدرو: لبس حوايجك ولا تغطى مالك معري علينا؟؟
سمير: ونتا لي ديما كدور بلا تيشورط شكون دوا معاك؟
ماسين مبغاش يقولها أخر مرة وعمرو يتعرا قدامها: احم مال هادا معطوب ههههه عجبوني فك فحقيقة كتستاهل بحال هاد لقتلات
سمير: كمال وصحابو تلقاو ليه وضربوه بموس كاع ولا منعرف ياله خيطت ليه ضربة
ماسين خرج عينيه: لي فكرشو؟؟
سمير: اه وضلوعو نهار كامل وانا حاط ليه تلج عليهم وماكينش تا شكرا
ماسين تعصب شد سارة من كتفها: سمعني مزيان اخر مرة تقيسو إلا كانت شي حاجة من اليوم عيط ليا انا نقابلو سمعتي.
كيشوف فسارة فعينيها هي حسات بسخونية طلعات معاها وغاتزنك حدرات راسها باش متفرشش..
سمير: احم عادي اصحبي اشنو فيها
ماسين هز ليه راسو حتى شاف ليه فعينيه: مغاتقيس تاحد فهمتي ولا وقع شي بلان بحال هادا غاتعيط عليا واش فهمتي..
سمير: اوكي اوكي واع درتي ليا طيارة، غنمشي نجيب ماكلة راه مكلينا والو ليومة
ياسين كان تايشووف فردود فعل ماسين وغمض عينيه تايفكر...
تاسمع حس لماكلة كان مغمض عينيه حلهم وشاف فسمير لي لقاه هاز حاجبو فيه ومخنزر كيتسناه زعما يطلبو يجيب ليه معاه ماكلة، ساعة عزة نفسي عند ياسين مكتسمحش ليه..
ماسين: تسنا نمشي معاك!!
سارة هزات يدها وحطاتها على صدرو: لا غير خليك فايق بكري ومرجعتيش تنعس أجي علاش بلحق مرجعتيش..
ماسين مكاينش فهاد لعالم عينيها على إيدها لي على صدرو حس بقلبو غايخرج من بلاصتو، قطع للضفة الأخرى مبقاش حداهم كيتخايلها فدوش كيما شافها ومعالم لاطاي ديالها باينين بدا كيحس بسخونية فيقاتو بصوتها...
سمير: والعمالة وافين سرحتي
ماسين: فيك احم بغيت نقول بسبابكم عطاوني عقاب حيت واحد مجاش لتدريب ولاخر هرب قبل من لوقت...
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
