امرأة متنكرة في عالم الرجال 💪
الجزء 140
بقلم حنان زهراوي / اريا ستارك
ماسين واقف كيحاول يتبع تدريبات ولكن كل مرة كيهرب لقنت ملي كيشوف رميساء ختو قربات ليه، هاد لمدرب مبان ليه غير يجمعو مع لبنات يترينيو باراكة عليه غير تبرزيطة لي مبرزط مع سارة وعاد ياسين تاهو مكاينش مبغاتش دخل ليه فدماغو بلي صدفة اي حاجة كتوقع مع ياسين خاصو يكون دارب ليها حساب ماشي من نوع لي نسى ولا مايتسوقش ...سهى كيفكر ومرضش لبال لختو لي شدات لي راعو..
ماسين ضار عندها يصدرها تبعد منو ساعة دوات قبل منو.
رميساء: معندك فين تهرب غير ستسلم بغيت ندوي معاك
ماسين خلاها شادة فيه ورجع كيدير لحركات وهي كتجر معاه تاكتبغي طيح: طلقي
رميساء بهدلها معاه كتحرك معاه فينما كيدير حركة جديدة ضطرات تطلق من يدو بالنفخة ربعات يديها: بغيت ندوي معاك
ماسين هز راسو فلمدرب: دابة كون انا لي وقفت من حركات كوراه كيسمعني فكلام من حزام تحت ولكن نتي حيت بنت مقالك والو!!! ولكن كيخنزر فيا انا فهم تسطى...
رميساء خبطات رجليها بحال شي درية صغيرة ومخليتيهاش تلعب كتر: قلت لك بغيييتك فواحد لغرض... غير سمعني بغيت ننتاقم من ياسين حيت ذلني وعاد وعتني فصبعي هئ هئ ونتا خويا علاش مدافعش عليا علاش متوقفش مع ختك هئ هئ هئ
ماسين: هئ هئ هئ هادي بكية ولا فيك لفاكة (وقف شاف فختو وتنهد) كون مكنتش كنعرفك مزيان كون وقفت معاك
قبل ماتجاوب تحرك بسرعة بعد منها وداير راسو كيعرج غادي عند لمدرب: شاف راه وحدة من دوك لبنات طاحت على رجلي وعتاتني فشوفية ممكن نمشي نرتاح فلبيت.
مدرب طلعو وهبطو: سير رتاح فلانفغمغي نيت آنسة إيمان مكلفة بيك هاد ليام ...ياله تحرك!!
ماسين مشى زعفان كان باغي يمشي يشوف شي طريقة يعرف شي حاجة على سارة..
إيمان راجعة بقهوتها فيديها بان ليها ماسين بتاسمات وعيطات ليه مسمعهاش عاودت عيطات والو زربات خطواتها ولحقات عليه شدات فدراعو.
إيمان: ماسين واش صماكيتي
ماسين فاق من سهوتو: اه مسمعتكش واش عيطتي
إيمان عرفاتو بالو مشطون بتاسمات بحزن: كنت كنبح ماشي كنعيط تقول فعالم أخر...ياك لباس؟!
ماسين: لالا والو باس ههه اجي نقولك ممكن نسولك واحد سؤال
إيمان توترات: وي فازي
ماسين: احم ديك لمدربة جديدة مشفتيهاش؟
إيمان حاولات متبينش خيبة أمل فصوتها: احم خدات شي ايام راحة وغاترجع... شوف ياله نمشيو لفين كتجينا ديليفري كنتسنى واحد كارطونة ديال دوايات
ماسين حس بيها بغات تبدل موضوع بتاسم وقال: كنستعملو دوايات هنا كتر من دونتيفريس
إيمان: هههه دكشي علاش سنانك كاع طايحين هههه
ماسين: هيييه اشمن سناني طايحين واش مكتشوفيش؟؟
إيمان زادت قدامو: اوا كتقهرنا غير بل بلابلا مكنشوفو والو
ماسين تبعها بزربها جرها بجهد دارت دغيا وشعرها طار معاها بلبرد بان منفوخ لقطة دازت عند ماسين بالعرض لبطيئ كيشوووف فيها وجات فبالو سارة لي شعرها قصير غاتكون تاهي مكرهاتش شعرها يكون طويل، بلاما يشعر لقا راسو شاد شعرها بين صباعو كيلعب بيه، إيمان حسات بسخونية من صبعها صغير ديال رجلها ليمنا ههه تال شعر راسها حنيكاتها دغيا توردو كحبات باش يطلق منها ونيت فيقاتو من سهوتو ملي شاف فيها لقا عينيها عليه بقا كيشوف فيها وبتاسم.
ماسين: شوفي مزيان هاد سنان بانو لك طايحين؟؟ دوي؟؟
إيمان بتوتر: هههه ماطيحينش ولكن لمطلقتيش يقدرو يطيحو
ماسين طلق منها بزربة وحدر راسو قربات ليه هاد لمرة وحطات يدها فوق يدو بلمسة خفيفة كدير تبوريشة طلعاتها مع دراعو تال كتفو ونزلات عند ودنو وهمسات.
إيمان: عمرك حسبتي سنانك فوق طابلة؟؟ نقدر نحقق لك هاد لحلم
ماسين حس بسخونية من لمستها وتوتر ولحاجة لي معروفة عليه كيدوي بزاف ملي كيتوتر: ناري جبتي ليا تبوريشة وااااه على يدين عندك نسيتيني علاش كنا كندويو نتي سلاح والله بنادم خاصو يستعملك فحرب...دماغي وقف مبقيت كنفكر فوالو غير يدك فين كتقيس وملي كنتي كتهضري فودني هداك لبرد سخون كيجيب تبوريشة ولكن اش ديك لهضرة قلتي؟؟ جيتي تال لخر وخربقتيها نوغمالمو اي بنت غاتقول شي حاجة حلوة شي حاجة كيوت لا نتي باغة تحسبي ليا سناني ... انا عاجبيني سناني ففمي حسن...
إيمان شدات كرشها كضحك من نيتها: ناري شحال كتبرول ونتا متوتر واه ههههههه سطيتيني اوووف هههههخخخخ
ماسين وقف مقاد نفخ صدرو: احم غير قلت لك رأيي لابغيتي طيحي شي راجل قولي كلام زوين وبصوت حنين ماشي بحال هكاك
إيمان عجبها لحال من ردة فعلو كتعني زوج حوايج يا فعلا باقي موصلش لمرحلة لحب مع سارة ولا غير عزيز عليها لبنات وصافي حيت ردة لفعل كتأكد بلي أثرت فيه ... بقات ساهية كتفكر فيه مع بنات خرين مكيجمعش معاهم ماكيتبسلش عليهم إدن غايكون باقي ماكيبغيهاش غير كتعجبو...
بتاسمات بمكر لحاجة لوحيدة لي كانت طتعرف ليها مزيان يامات ليسي هي كيفاش طيح شي دري ودابة مهمتها بدات دخلاتو لراسها وعارفة بلا سارة مايمكنش تكون مع شخصية بحال ماسين ماشي ستيلها..
فيقها ماسين: واش هاد ديليفري لي غانجيبو ليوم ولا غدا؟؟
إيمان: ههههه ياله تبعني
VOUS LISEZ
امرأة متنكرة في عالم الرجال 🤠مكتملة🤠
Roman d'amour💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
