امراة متنكرة في عالم الرجال 💪
الجزء 29
بقلمي hanane zh.
داز نهار كلو غير فتدريبات سارة كتحس براسها مدكدكة مع ليغيكل كتحس براسها فيها السخفة عيات بزاف بجري وتسخينات عاد لكومبات ديالها مع ماسين واخا ماكايعرفش يضارب ولكن صحيح ودقاتو كيوعتو، وكيما وصاها لمدرب ديالها دارت راسها مكتعرفش ضارب غير مبتدئة، دخلات لبيتهم وهي فيها موت لعيا عطاهم إستراحة لمدة ساعتين هاد نهار ماكاين نعاس داخلين موراها دراري.
ماسين سخفان وكهضر مقطع: ناري اوف عييت..انا لي غاندوش لول تسناو غير نتساراح
ياسين مشافش فيه مشا خدا فوطتو ودخل لحمام وسورتو من موراه خلا ماسين غير كيشوف فلباب لي مسدود.
ماسين: دينمو بحال كنت ندوي مع لحيط
سمير غمض عينيه: رتاح أصحبي تابعنا ليل بلا نعاس
ماسين دخل من مورا ماخرج ياسين لدوش وخرج سبقهم لفين خاصهم يمشيو باش يبداو المرحلة لأولى من هاد المسابقة كل فرقة عطاهم الأستاد راية وخاصهم يقلبو على فراقي لوخرين وياخدو ليهم راية من غير مايعيقو ممنوع عليهم يضاربو معاهم ولا يقيسوهم هاد مرحلة لولة غير ديال تخطيط ودكاء وبطبيعة لحال لخدمة كمجموعة..
ياسين بارك فلبيت كيقاد صاكادو لي غايدي معاه بحكم هاد المسابقة غاتكون برا لمؤسسة سد سنسلة وهز عينو فين كنعس سمير بان ليه صاك ديالو وقف كتسمع صوت دوش خدام مشا لسرير سمير ووقف قدامو كيبان ليه صاك ديال سمير محطوط تفكر من لي كان معنق صاك وجاه لفضول حلو وبدا كيبقشش فيه غير سمع صوت دوش تسد وهو يسدو وخرج من لبيت وراسم على وجهو ابتسامة ماكرة.
سمير وصل لقا كلشي مجموع فبلاصة فين خصهم يتلاقاو قبل مايعطي أستاد إشارة باش يبداو لمسابقة وقف حدا ماسين لي دار ليه اشارة يوقف حداه كيتسناو يبداو حتى دخل كمال وسط دراري ووقف لوسط.
كمال كيغوت: دراري أجي تجمعو تشوفو
سارة تنهدات من هاد الموبرزيط هزات عينها لقاتو واقف وسط الساحة وبنادم بدا كيتجوق عليه....
شافت فيدو لقاتو هاز صاكادو ديالها خرجات عينيها مع كمال حل سنسلة الصاك وخواه فالساحة تشتت كان اولويزات وعاد بانضات ديال صدرها،
تحركات بلا عقل جيهتو تبعها ماسين وشدها من كتفها قبل ماتمشي ليه.
كمال كيشوف فيها وكيضحك: عرفتو هاد صاك ديالمن؟؟ ديال ثامل لوحيد لي عدنا فهاد المدرسة سمييييير ولا نقولو سوسو المتوحش
....
بنادم كلو دار كيشوف فسمير لي عينيه خارجين وتعقد ليه لسانو شاف يمين وشمال طاحت عينو على ياسين لي مبتاسم بخبث ومبيناش عليه صدمة شك فيه ويالاه كيحاول يتشجع يهضر.
ماسين: اش هاد قلا** اش وصلك لصاك ديالي
كمال شاف فيه معصب: تاحد مادوا معاك انا كنهضر على سمير
ماسين معصب: هداك صاك ديالي وداك التخربيق راه ديال ختي دارت ليا مقلب خشات داك لعجب عندي تما فداك صاك وانا مقلبتش من موراها تاوصلنا هنا،
دابا سؤال لي كطرح نفسو هو نتا لقو*** تاع بوك اش كنتي كدير فبيتنا وهاز صاك ديالي؟؟؟؟
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
