امراة متنكرة في عالم الرجال 💪
الجزء 55
بقلم: حنان زهراوي / اريا ستارك
سمير: سمح ليا العششير كان ضروري نخيط لهاد خينة جاه تعفن، دكشي علاش بغيتك تبقا معاه وتقابل ليه لحرارة تقدر طلعو سخانة كتر
ماسين: نديوه عند طييبة
سمير: غانتعاقبو الادرنا هكاك
ماسين: وبحال هاكا غنتعاقبو يوميا ملي مغايحضرش لتدريبات
سمير: مهم غايحضر للحصص لعادية..هاني مشيت شوية ونرجع
ماسين تسناه تاخرج ودار عند ياسين: مقدرتيش دافع على راسك ضروري دخل سمير فمشاكيل ديالك؟؟
ياسين حاط يديه بزوج على صدرو ومغمض عينيه قرر ينخلو حيت غايبقا داوي تفكر لحلم ديال بارح لي حياتو كاملة وهو كيحلمو ولكن ملي جا سمير وماسين مبقاش جاه هاد لكابوس مفهمش كيفاش طارت من بالو وكيفاش مبقاش كيحلم داك لحلم...
حلم ياسين لي هو فلاش باك من لماضي لي فعلا وقع معاه...
ياسين فعمرو خمس سنين كيبكي وتايشوف فواليديه خارجين ببالزهم
ياسين : عفاك ديوني معاكم
ماماه: اولدي راه ماكينش كيفاش باسبورك ملقيناهش ومبقاش لينا لوقت ضروري نديو خوك لإمتحان لي عندو غير سيمانة ونرجعو احبيبي متبكيش
الأب عنقو: هانتا غاتبقا مع خالتك ياك عزيزة علك
ياسين: اه اه عندها بيبي زوييين
الأم: صافي حبيبي متبقاش تبكي راه غير حيت خوك باقي صغير واخا هكاك مايقدرش يسافر بوحدو
ياسين كيمسح دموعو: انا راجل مكنبكيش متخافيش
محمد خوه: انا عارف خويا راجل مغايعاودش يبكي
لخالة شداتو من يدو: ياله اياسين أميرة كتسنى فك قلت ليها غاتجي
ياسين : هههه وييييي ياله ياله نزربو....
اخر حاجة سمعها ياسين قبل مايمشي نقاش الأب مع الأم: مافهمتش كيفاش وضرتي ليه باسبور وخليتينا تال اخر لحضة هاحنا غانخليوه ونمشيو
الأم: واقلت لك نبقا معاه نتا لي قلتي جوج دراري متقدرش عليهم بوحدك
ياسين مشا مع خالتو وهو فرحان وصلو لفيلتهم طلع يجري لبيتهم لقا سريرها حدا سريرهم وناعسة...
ياسين: اميرة هانا جيت
خالتو: شو خليها ناعسة ياله نلعبو..
ياسين مشا فرحان كيلعب مع خالتو وبلعيا نعسات وهي باركة معاه ولامة كل مرة طل عليه، ياسين سمع صوت أميرة لي فعمرها عام وشهراين كتبكي طلع يجري لقاها واقفة فسرير غير شافتو بدات كتماطا بيديها وكضحك..
ياسين: فقتيييي يااااااي توحشتك أميرتي
أميرة كدير اصوات دراري صغار :نغ نغن
وهو كيضحك قلب بعينيه لقا كرسي مشا جرو تال حدا نموسيتها وطلع وهزها نزلها وسد لباب باش متلفوش وتخرج ديما كتوصيه خالتو اميرة وقفات كتمشى..
ياسين: ويليتي كتمشي يااااس قريب نلعبو انا وياك كورة.. خوتي مكبغيوش يلعبو معايا.. كيقولو لعبهم ديال كبار انا مغنقولش لك هاكة واخة انا كبير وغانلعب معاك واكبري دغيا..
اميرة غير شوية وبدات تبكي مبغاتش تسكت حاول معاها بكاع الطرق شوية جات لخدامة جايبة معاها لحليب بركاتو وحطات ليه أميرة فوق منو ورضاعة فيدو كتحاول توريه ملي تعلم بتاسمات ليه لخدامة ووصاتو يخلي باب مسدود باش متخرجش وطيح فدروج..
من بعد ماكلات وشبعت جاها نعاس وياسين تاهو جاه نعاس مبغاش يتحرك باش ميفيقهاش وهو ينعس فبلاصتو..
بعد ما فاق على لغوات خالتو شادة اميرة فيدها جسد بلا روح وكتبان زرقة وهي كتحاول معاها تنفس...
لخدامة كتبكي : الالة ملي فيقتك كيصحبني جيتي لهنا ديريكت
لخالة كتغوت : عارفة نعاسي تقيل رجعت نعست أميرة حبيبة ماماها عفاك تحركي تنفسي
خدامة مشات تجري دوزات ابيل ورجعاا: لالة طبيب جاي
لخالة مخلوعة وكتدور لهيه وترجع لهنا كتفتف: لا.. لااا.... خاصنا نديوها لسبيطار
شافت فياسين لي مكمش فووق السرير مصدووم وعينيه على اميرة لي ايديها مرخيين وراسها مرخيي
خطوات بزربة مشات ليه جمعاتو بتصرفيقات على جهدها دوخوه وكتغوت..
لخالة: قتال لاخر حيوان وحش كنكرهك كنكرهك..
لخدامة: لالة دري ما...
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
