امراة متنكرة في عالم الرجال 💙💪
الجزء 160
بقلم حنان زهراوي/اريا ستارك
نيكولاس: ماتخاافش.. بما انك نقذتي حيااتي طلب لي بغيتي منيي دابا
نيكول: نقذ حياتك؟؟؟؟
ياسين أشار بيديه لرجالو يجيبو ولد خوه لي كان فاقد الوعي.. شربوه دوا دالنعاس قبل مايخطفوه او بالاحري يديرو راسهم خطفوه باش مايبقاش عاقل على هادشي.. فالنهاية النفسية دالطفل اهم.. وياسين عارف هادشي مزيان بحكم داكشي لي دوز فصغرو. ولي باقي لداباا معشش فييه..
هزوه وعطاوه لسارة.. دار باسين عند سارة وقاليها بالداريجة باش مايفهموهش: ردي البال للدري.. ولراسك.. ماكنتيقش فهادو يقدرو فاي لحظة يتقلبوو
سارة: واخا..
شافت فيهم كاملين كي مسلحين وفعلا تأكدات بلي هادشي كبر منها وبلي صعيب تربحهم بالقوة.. خاص الذكاء واخا ماكتفهمهش شتايقولو ولكن بانليها ياسين مسيطر على الوضع...
بغى يدور وشداتليه فيديه دار عندها: ونتا؟ صافي خدينا الدري يالاه نمشيو...
ياسين ابتسم باش يهدئها: ماتخافيش غي سيري انا خصني نشوف بعيني ونتأكد بلي الناس لي حاولو يقتلوك خداو جزاؤهم
سارة طلقات منو .. شافت اخير شوفة فنيكولاس كيكان مبتسم وتايشوَف فيهاا بحالا تايقنصها... ماحملاتوش.. دارت شافت فنيكول طلعات معاها ونزلاات.. شي حاجة جاتها ماهياش.... مامرتاحاش.. شدات الولد عندها وخرجات.. حطاتو فالطوموبيل وركبات معاهم وهي كتشوف فالباب دالفيلا و كتفكر.. للحظة تفكراات شي حاجة وحلات عينيها رجعات المشهد..
كهضر مع راسها: كانت ديك البنت ولكن داك بنادم لي كان معاها ماكانش.. ؟؟؟؟
فاتو شوية الفيلا ووقفااتهم سارة وهي كتحل الباب وكتهضر : ديوه نيشان لداروو عند واليديه..
الرجل: ولكن وصانا سي ياسين نديوكم بزوج..
سارة: مخليين سيكم ياسين بوحدو تماك وسط الذياب وكتهضر
الرجل: را باقيين رجالنا تماك ماتخافي والو
سارة:مامرتاحااش غانمشي
الرجل : غي غاتزيديه فالمشاكل. عافك ركبي وسدي الباب
سارة خنزرات فيه.. بدا الدري تايفيق شوية بالشوية.. وسدات الباب وكملات فطريقها وهي كتخبى
السيد مالقى مايدير ياسين موصيهم على ولد خووه باش يوصلوه لفين كان قبل مايفيق. وعلي سارة يديوها.. تنهد وكسيرا خلى سارة تماك
سارة مشات ضربات الدورة للور دالفيلا..
وكل مرة كتقلب واش السلاح باقي فجيبها
كان السور عالي بزاف عليها و فيه الزاج الفوق
بدات كتفكر بانليها واحد البوطو ديال الضو.. مشاات كتعلق فيه تاوصلات للفوق.. بدات طل بانتليها ديك البيت فين كانو (حيتاش كانت ورا الدار)..
سارة كتفكر كيفاش تنقز بلا ماتحط يديها ولا رجليها فوق السور َيفرعها الزاج.. وفنفس الوقت ماطيحش شي طيحة خايبة للداخل... تعلقات فالبوطو ووجدات وباش تنقز نيشان فوق السور..
سارة خداات نفس عمييق ونقزاات.. طاحت على كتفها باش تخفف الدقة ودارت دغياا : ايييي
هزات سلاحها وجداتو وشادااه فيديها
عند ياسين..
نيكولاس غمز رجالو مشاو جلسو نيكول فالكرسي فين كانو حاطين ولد خو ياسين.. وهي كتغووت علييهم يطلقو منها
نيكول بالالمانية : غاديي نندمكم واااش ماعرفتونيش شكون اانا.. طلقوووومنييي راني كنأمركم
نيكولاس شاف فياسين : واش باقي باغي شي حاجة اخرى مني
ياسين: اه قبل ماتقتل ينتك.. بغييت هادوك لي كلفاتهم يقتلو واحد من رجالي...
نيكولاس دار شاف فيهم وهو هاز حجبانو.. تقدمو 3 دالرجال وهما حانيين ريوسهم...
ياسين: وحتي هاداك لي صور الفيديو
تقدو رجال اخر وهو حاني راسو..
ياسين دار شاف فرجالو ومشاو كل جوج شدو واحد..
ياسين شاف نيكولاس وقال : بسلامة
دار عند نيكول غمزها وقاليها: نتلاقااو فجهنم
ومشى تبع رجالو..
سارة مخبية ورا البيت بانوليها شي رجال خارجين ووراهم ياسين عاااد رتاحت تنهدااات : اوووف الحمد لله..
بغات تخرج عندو تمشي معااه.. شوية بانليهاا شي رجل جاي من الجهة لاخري ماشافو دا ياسين لا وجالو وموجه سلاحو لجهة ياسين..
سارة ماحسااات برااسها تاغوتااات: ياااااااسييييين.. وتسمع صوووت اطلاق رصااااصة مرااافق لصرااخ ساارة😔
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
