امرأة متنكرة في عالم الرجال 💙💪
الجزء 156
بقلم حنان زهراوي /اريا ستارك
هزات الوسادة حطااتها فوق وجهها وبقات كتدوور فبلاصتها وتولول : ويليي ويلييي علي شوهتيي تفووو تفووو تفووو
بقات تعض فالوسادة وتغوت..
رجعات بيها الذاكرة لنهار كانو باغيين يوريوها تصويرتو فاش جاو عائلتو يخطبوها...
مابغاتش تشوفها.. كانت كتقول مع راسها غايكون غا شي شوييرف..
مرات خوه الكبير خلاتليها الصورة ديالو من بعد..كانت فبيتها كتجمع القليل من حوايجها وكتوجد باش تهرب... كانت الصورة محطوطة فوق الكوافوز جاها الفضول تشوف كيداير هاد خيينا.. هزاتها ولمحااتوو ماتنكرش بلي للحظة عجبها واخا كان مخنزر وباينة فيه ماحاملش يتصور.. والصورة باينة فيها قديمةكان لابس لبسة التخرج...قطعاتها ورماتها..
سارة بقات تخايل كون ماهرباتش كون راهم دابا مزوجيين...
دوراات راسها وزيراات على الوسادة بحالا كتحاول تحبس دوك الافكار...
لاحت الوسادة وناضت من بلاصتها بقات كدور فالبيت وكتقلب وتنبش.... بانليها بزطامو... واتار انتباهها واحد الطرف خارج منوو بحال شي صورة.. حلاتو وجبداتها.. تصدمات كانت صورتهاا قبل ماتتبدل وتقطع شعرها.. للحظة تفكرات ياماتها كيكانت.. وشحال كانت سكووتية وباردة.. منين دخلات للمدرسة بداات كتتبدل ولات تهضر وتدافع علي راسها بلاصة ماتسكت.. ولات تايقة فراسها اكتر... وولات تبغي راسها كبنت وعرفاات بلي واخا ماكنتميش لعالم الرجال.. ردات الصورة لبلاصتها وهي مستغربة شتاديير عندو صورتهاا...
ياسين فديك الوقيتة كان تايخربق فاللابتوب.. ودوز واحد لابييل مهمة عندوو (من بعد وتعرفوها).. كمل ومشى يدق على سارة
قاطع تفكيرها صوت الدقان فالباب مشات حلات وهي ناسية شلابسة.. دخل ياسين طلعها وهبطها ومدليها ااحوايج..
لبسي هادو ولبسي قبل هاد الجيلي من التحت
سارة: ديالاش هاد الجيلي..
ياسين : ياك بغيتي تعرفي كولشي.. قررت غانديك معايا..هادا جيلي ضد الرصاص..
سارة: واخا..
بدلات حوايجها كي قالها.. لبساات دوبياس مالفوق الجيلي وعاد سروال كحل لااصق عليها برز فورمتها... وتريكو فالكرونة قصير ومزير.. لبسات الكاط ديالها فالاسود ووقفات شافت راسها فالمراية عجبها راسها
خرجات عند ياسين لقاتو متكى حدا الباب وتايتسناها.. خرجات شافيها فيها ودار ابتسامة جانبية : دابا عاد نقولوليك سارة
سارة خنزرات فيه.. مد ليهاا الفردي علاش كانت كتقلب
ياسين: هادا خليه عندك واخا ماغاتحتاجيش تستعمليه..
ولكن غا كاحتياط..
سارة: لاياش كتخطط؟
ياسين: كنخطط نجمع كاع دوك لي حاولو او يفكرو ياديوك ونديرليهم عقاب جماعي... (غمزها).. تبغي تمشي؟؟
سارة تفكراات امال صاحبتها زيرات على يديها.. شافت فيه : ااه
خدات الفردي وخباتو..
هز هو فردي اخر عمرو.... دار الكود للباب وحلو.. هضر مع جالو وتبعوه.. سارة غي غادية ماعارفاش راسها فين غادية ركبو فالطوموبيل هي وياه والرجال فطوموبيل اخرى تابعينهم
سارة عيات ماتصبر: تقدر تقولي فين غاديين؟؟
ياسين : غاديين نتفرجو فواحد الفيلم.. دالاكشن.. تايعجبوك بعدا؟؟
سارة خنزرات فيه : واش كتفلى علياا..
ياسين دار ابتسامة جانبية: ههه لاا..
تنهداات طلات مم السرجم وصلو لواحد الرومبوان تجمعو طوموبلات اخرين وحدين قدامهم وحدين وراهم و غاديين خارج المديينة
سارة:هادو كولهم الرجال ديالك؟؟
ياسين: خداميين معايا
سارة: واش داير شي عصابة
ياسين تايصوگ ومرة مرة تايشوف فيها : لاا عندي شركة
سارة هزات حجبانها: شركة ديال الرجال؟
ياسين:بالضبط ديال الهاكرز..
سارة: مايمكنش نسولك شي سؤال وتجاوب علييك ديريكت..
ياسين : مانقدرش نجاوب ديريكت اكتر من هاكا...
سارة : شنو علاقتك بديك البنت؟
ياسين: شي حاجة قديمة.. وعابرة
سارة فنفسها(هي كانت شي حاجة بعدا هاء وانا مالي.) شافت فيه: وعلاش تابعينك..
ياسين: بغاوني نخدم معاهم..
سارة: اهاه. ونتا ؟؟
ياسين: مابغيتش وفايت وقع بيناتنا مشكل وهددوني و هددتهم.. ودابا بغاوني نرجع نخدم معاهم وخطفو ولد خويا باش يخليوني نقبل العرض ديالهم....فهمتي شوية
سارة : داكشي علاش قتلو امال! ؟؟ بسبابك نتا
ياسين فراناا ودار عندها: بسبابي؟؟.. هما كانو باغيين يقتلوك نتيي...بسباب داك النهار فاش شدوك كتجسسي عليهم.. انا كنت ناوي نصفيهاليهم ونتهنى منهم وفاش لقيتك تماك اضطريت نلغي كولشي ونحاول ننقدك باش مايقتلوكش.. وهادي شي حاجة لي ماعمري درتهااا وماعمريي تسوقت لشي واحد.. وهما عارفيين هادشي مزياان. داكشي علاش بغااو يقتلووك وقتلوو صاحبتك.. فهمتي دابااا ماكانش علييك من الاصل تمشي لتماا.. كون مامشيتيش كون را تهنييت منهم شحاال هادي
سارة حنات راسها حابسة دموعها لي بغاو ينزلو حسات براسها بالصح هي السباب فمقتل صاحبتها.. جاها تأنيب الضميير وندماات علغش داك النهار تبعاات دوك الرجال
ياسين غمض عينيه وزير على الفولون... عرف راسو حسسها بالذنب
كسيرا مرة أخرى وهو معصب ندم علاش عاودليها... هادشي علاش ماكانش باغي يجاوبها على اسئلتها ماللول
سارة حابسة البكية : كون غا مت انا فبلاصتها كاع مانحس بكاع هاد تأنيب الضمير...
ياسين هاد المرة باركا الطوموبيل فالجنب ودار عنذها.. شد ليها يدها بيد
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
