امرأة متنكرة في عالم الرجال 🤠مكتملة🤠

الجزء 35 🤠

امراة متنكرة في عالم الرجال 💪

الجزء 35

بقلم حنان زهراوي/ أريا ستارك

تحرك ياسين ببخطوات سريعة لعند سمير لي تاهو تحرك لجيهة لباب بسرعة....
شافو ماسين خرج عينيه كيصحابليه غايهرب ولكن مشا سد لباب سورتو ورجع..

لالة سمير: إلا جا شي أستاد غايعطينا شي عقوبة خرا.. لاهوما نفاسروها بيناتنا ونتفاهمو...

ياسين بنظرة استهزاء: مابقيتيش باغي ضارب دابا
سمير بنظرات كلهم تحدي: أجي وريني هاد القوة لي مصدعنا بيها

ماسين: سمير صافي غير برد العشير مكتستاهلش لقضية

ياسين تقدم جيهة سمير بدا كيدور وسمير هز يديه حدا وجهو استعدادا للقتال وحتى هو كيدور ومقابل ياسين لي مرة مرة كيدير راسو غايهجم باش يخلع سمير لي كيشوف فيه باستهزاء ومتحركش، وفلمحة بصر ياسين هجم عليه بيدو ليمنية غادة لوجه سمير لي حبس الرضبة بدراعو وهز يدو ليمنية...
غايضرب بيها ياسين لي كدلك حبس الضربة بدراعو ورجع لور خطوة كل واحد فيهم كيحاول يدرس خطوات لاخر ويقرااهم....

ماسين وقف كيمسح الدم من فمو وكيشوف فيهم كيفاش مركزين شاف فيدو لي هي نقطة ضعفو وقرر أنه ماكاينش بلاصة للضعيف هنا...

من ليوم غايبدا يتريني بطريقة جديدة وملي يكون واجد غايجي يتحدى ياسين،
عينيه على سمير لي كيبان تايق فراسو وفحركاتو...
وفلحظة ياسين هجم على سمير بكروشي لكرشو سمير رجع لور بزربة مقوص ضهرو باش يهرب من ضرب ودار بإيدو على شكل قبضة غادة ديريكت لوجه ياسين لي بلا يتحرك ولكن تعطل شاف فضربة جاية لوجهو بحال بالعرض البطيئ بقا كيشوف كيتسنى فالضربة لي مجاتش وضرباااتو لوجهوو شاف فسمير لقاه هاز حاجبو..

سمير: نكملو ولا بردتي شوية؟

ياسين تعصب ياله
اه غايهجم عوتاني حتى وقفهم الصوت لي تسمع فمكبرات الصوت.

الأستاذ: انتباه لكل المتسابقين عندكم اربع ساعات وغاتبدا المرحلة التانية بالتوفيق...

ماسين تحرك وقف بين سمير وياسين: لخوت خاصنا نعسو شوية باش نفيقو مزيانين للمرحلة تانية كنتمنى هاد المرة نربحو.

سمير شاف فياسين لي عطاه بالظهر: انا غانعس

ماسين شاد وجهو ومخنزر غادي لباب وكيدوي بوحدو: انا نمشي نقلب على التلج... الواحد من الاحسن يدوي بفمو الدراع كيقصح..

ياسين تلاح على ضهرو فوق سرير وكيفكر كيفاش شخص بفورمة ديال سمير عندو بحال ديك اللياقة البدنية كل مرة كيطيح فبالو عينين سمير وكيبقا يفكر شخص بحالو اش كيدير هنا نفض هاد الأفكار من بالو ولكن سرعان ماعقلو كيرجع لنفس لموضوع *سمير*

# فلاش باك
كمال جاي عند ياسين لي واقف فأخر درجة حاط رجلو على لحيط وإيديه فجيوبو...

هز راسو فكمال لي مخنزر فيه ولكن هو كيشوف فيه بكل برود ومتحركش من وضعيتوو..

كريم: سيفطتي من مورايا
؟؟
ياسين: ممممم عندي لك واحد بلان غايعجبك

كمال : علاش غانسمع لك؟؟ ولا نتيق فك؟

ياسين: اش خاسر إلا سمعتي؟؟
كماا: بففف اوكي هاني كنسمع

ياسين ماد ليه الصاك ديال سمير(سارة):هادا صاك ديال سمير فيه كاينة شي حاجة لي غاتشوهو..

كمال شاف فيه باستغراب: ياك واحد من لمجموعة ديالك مفهمتش علاش باغي تشوهو؟؟

ياسين: عادي مكهمنيش شكون هو لي كيهمني هو أي شخص يجبدني كيف ماكان يكون غادي يخلص بطريقة ولا بأخرى

كمال نتر الصاك من يد ياسين حلو شاف أولويز وبدأ كضحك: ههههه زولولو ديالكم متيق راسو راه بنت هههه

ياسين: اش بان لك؟؟

كمال مبتاسم بمكر ليوم نشوهو!!
# نهاية فلاش باك

ياسين تنهد عندو بزاف أسئلة باغي ليهم حلول اول حاجة علاش ماسين كدب وقال بلا ختو دارت فيه مقلب، ياسين كيعرفها مزيان ومتأكد من نوع المقالب لي كدير..

#يتبع