امرأة متنكرة في عالم الرجال 🤠مكتملة🤠

الجزء 79 🤠

امراة متنكرة في عالم الرجال 💪

الجزء 79

بقلم: حنان زهراوي / اريا ستارك

سارة نزلات من فوق شجرة كتقلب بعينيها على نوع دالطائر لي من مفروض تشدو يوماين هادي وهي كتقلب عيات وبركات فالأرض .
سارة بصوتها لعادي: اش هاد الأكادمية ديال الزمر شدي لينا فرخ..دجاجة متنفعش؟؟ تاهي نوع من لفراااخ
تلاحت على ظهرها كتشوف فسما: مفهمتش هاد الإختبار اشنوو فايدتو ولا اش غايديرو بالفرخ كنضيع فالوقت بقا ليا من هنا لغدا فلعشية..
غمضات عينيها كتسمع صوت لفراخ بلا ماتحس بدات كتصفر شوية تفكرات بلا نوع فراخ لي باغينها تشدو كيقلد الأصوات جمعات لوقفة بزربة وبدات كتمشى وكتصفر وكتسكت كتسنى فالارض ملي مكتسمع والو كتزيد لبلاصة خرا ودير نفس لحاجة حتى سمعات صوت لفرخ كيقلد تصفار ديالها فرحات بزاف وجبدات ماكلة فراخ من صاكادو لي فظهرها هو ولما شربات وشافت فشمس وبتاسمات.
سارة: لفريخات عطشانين لا؟؟
حطات لما ولماكلة وقدات لمصيدة لي عبارة عن صندوق فوق من لماكلة غير غايوصلو ليه لفراخ سارة غاتجر خيط لي غايسد عليهم تخبات من مورا شجرة كبيرة وعروشها مدلين دايرين الظل حلات لقرعة عوتاني تشرب وهي تسمع حس لي خلاها جمدات فبلاصتها رجعات لقرعة من فمها وجمدات كتسنط..
شخص: واش متأكد كاينة هنا؟؟
شخص تاني: واه متأكد غير شوية ونوصلو
شخص ١: مالهم دايرينها فهاد لقنت لغابر؟
شخص ٢: راني كنت فيها تدريبات لي كدير ولقراية ديالهم خاصها لعزلة
شخص ١: هههه وفلخر جراو علك
شخص ٢ بعصبية: عل أقل قبلوني ماشي بحالك
شخص ١: متنساش بلا كون معاونكش شخص لي عندنا لداخل كون راك باقي غير كتقلب فجبال
شخص ٢:مفهمتش كيفاش دازت عليهم ومعاقوش بالجواسيس ديالنا عندهم
صونا تيليفون وجاوب شخص بتوتر: نعام أسيدي... وي سيدي قربنا للأكادمية...لا سيدي مغنديرو والو تانسيفطو ليكم لوكاليزاسيو ديال لمكان ديالها بالضبط
شخص تاني شاف لفخ ديال فراخ وخنزر نعت لصاحبو..
شخص ١: اشنو البشار مكتشوفنيش كنهضر مع لبوص؟
شخص تاني عينيه كيدورو: شووو كاين شي حد هنا دكشي علاش كاين مصيدة ديال فراخ
شخص تاني بدا كيتحرك بخطاوي غير مسموعين كيقلب، سارة عرفات راسها غير شوية ويلقاوها لادارو مع شجر...طلقات لخيط ديال مصيدة من يدها وتخبط الصندوق فالأرض دارو رجال بزوجهم وبسرعة جبدو أسلحتهم..
شخص ١: ماتيريش غايتسمع صوت القرطاس
شخص ٢ كيشوف فالخيط لي تطلق تبعو بعينيه تال شجرة فين كانت مخبية سارة ودار اشارة لصاحبو يدور من جيهة لوخرا باش يحاصرو لي كاين تما.
وبلا حس دارو لقاو دنيا خاوية نزل شخص تاني نزل على ركابيه كيقيس لرض ملقاش الآثر لي بطبيعة لحال مسحاتو سارة، طلعو راسهم مع شجرة كيقلبو مبان ليهم والو دارو بعينيهم حتى عياو ملقاو والو..
شخص ١: كيبان ليا مكان تاحد
شخص ٢: اوى ديك مصيدة شكون خدمها
شخص١: من نيتك؟! شحال من مرة ملي كنا صغاى كنديرو مصيدة ولكن مكنبقاوش باركين حداها
شخص ٢: وياااه كنت كنعقدو مع شجرة
شخص ١: غايكون غير تطلق ماكينش حس بنادم
شخص ٢: ولكن ضروري نتأكدو نتفرقو حتى نقلبو مزيان ونرجعو..

#يتبع