امرأة متنكرة في عالم الرجال 🤠مكتملة🤠

الجزء 96 🤠

امراة متنكرة في عالم الرجال 💪

الحزء 96

بقلم: حنان زهراوي /اريا ستارك

سارة خرجات فيه عينيها من صراحتو لي شوية جرحاتها حيت فعلا بحال حط لملح على لجرح هزات قرعة لما كتشرب، تعلمات هاد لحيلة من صغرها فينما كتبغي تبكي كتبدا تشرب لما وكيتحبسو دموع للأسف تعلماتها من طفولة باش متوريش ضعفها لباباها لي بحال كان كيتلذذ بدموعها.
سارة: ونتا أش عرفك بهاد لمواقف لي قلتي؟
عرفات راسها دوات بطريقة خيبة معاه فهاد لحضة ولكن بغات تقمعو باش مايشفقش عليها ولا حتى يرتاح فهضرتو معاها.
حميد كيشوف فياسين: حيت كنعرف واحد بحالك واخة مامنتاحلش شخصية ولكن مخبي راسو مورة حيوط بانيهم على شخصو لحقيقي.
شافت فيه وتبعات عينيه لفين كاين ياسين عرفاتو كيهضر عليه ولكن مفهماتش أشنو كيعني نفضات هادشي من راسها.
سارة: احم فرصة سعيدة ملي شفتك على خير عفاك متقولش لشي حد راك شفتيني.
حميد: ولكن تاحد ماكيقلب علك
سارة ضارت شافت فيه وهي مصدومة مخلاهاش تدوي كمل كلامو: باك رحل ورجع لبلاد ودابة ماكين تاحد كيقلب علك يمكن لك ترجعي بنت وتعيشي حياتك.
سارة صدمها بجوابو ماتوقعاتهمش يوقفو لبحث عليها وكملو حياتهم، واخة كانت متوقعة بحال عادشي ولكن نلي سمعاتها احاسيسها خانوها حيت فلحضة كان عندها آمل بلي عائلتها كانت كتبغيها، دابة تبخرو دوك الآمال ولمتمنيات وبقا غير لواقع لمر.
سارة تنهدات: عادي أصلا مكهمش انا غانكمل تانوصل فين بغيت.
حميد كل مرة كيشوف فدراري حتى رد لبال ودار شاف فسارة وهز حاجبو: ماسين عارفك بنت!! كيفاش قلتي ليه وياسين لا؟
سارة خرجات عينيها: باش عرفتيها؟؟
حميد: لاحضت ياسين كيشوف فك بزاف ولكن واخة هكاك كيحبس راسو بزز حيت عارفك دري واخة يكون اعجاب دماغو مامتقبلهاش، ولكن ماسين لا كيشوف فيك وعينيه فرحانين وابتسامة مكايصطنعاش باينة عارفك بنت.
سارة بقات فبالها غير اش قال على ياسين حيت مفاجئة بالنسبة ليها، كانت شاكة فماسين وتصرفاتو كانو كيبينو أنه معجب بيها تزنكات غير من لفكرة بوحدها وبتاسمات: كيفاش كتعرف ماسين مزيان.
حميد شاف فيها باستغراب: علاش مكنتيش عارفاهم قبل؟؟
سارة مفهمات والو: كيفاش عرفاهم شكون هوما؟؟
ياسين قاطعهم: أش غاتكونو كتقولو هاد لمدة كاملة؟ علاش كدويو.
سارة بكل احترافية رجعات صوتها لصوت سمير: هاد خونا باغي يعرف سيستام ديال الأكادمية قالك مكرهش ولدو يقرا هنا.
حميد تكرشخ بالضحك ملي سمع طريقتها لهضرة ونبرة صوتها ولكن دغيا جمع راسو ملي شاف ياسين كيشوف فيه باستغراب.
حميد: عارف ولدي باقي صغير ولكن غير بغيت نعرف منو كتر، راك عارف إلا جيت علك متنفعنيش بكلمة.
ياسين نخلو ورجع شاف فسمير:بغيت ندوي معاك واحد دقيقة قبل مانمشي
سمير: احم دوي
حميد: انا نمشي نجيب طوموبيل قدام لباب ونتسناك، فرصة سعيدة سي سمير ياك؟!
ومبروك عوتاني.

#يتبع