امرأة متنكرة في عالم الرجال 💪
الجزء 104
بقلم : حنان زهراوي/آريا ستارك♥️
ياسين دخل للشومبر ديالو فالاكاديمية واول حاجة شاف فيها هي بلاصة سمير.. تفكر نهار نقز ليه على راسو وبدا تايقمش فيه كيشي درية...وتفكر تاني نهار سد الباب بالساروت وتواحه مغاه رجل لرجل... شي مرات تايشك فيه بلي راه خنتى ولا كااع بنت ولكن فاش تايتفكر بلي تايدير شي حوايج الرجال ومايديروهمش خاصة انه تواجه معاه وماقدرش يغلبو تاينفي هاد الافكار.... تفكر بلي مابقاش غايشوفو مرة اخرى هنا ولكن حالف تايلقاه برا..
خرح ماسين من الدوش وهو تايمسح فراسو بالفوطة : صبحناا عالله، نهار زيين هادا.. كون صحابلي غاتحي كون وجدت بعدا نفسيتي ...
ياسين كما العادة ملاميحو باردين مادار تاشي ردة فعل
تكى ماسين فالنموسية ديال سمير وهو يدور عندو ياسين دغيا شااف فيه وشدو من يديه وجرو لعدنو
ياسين ببرود ولكن الداخل ديالو معصب لاقصى درجة: نوض تكعد من ديك البلاصة ماشي ديالك
ماسين مافهمش ردة الفعل ديالو نتر يدو بالجهد وقرب ليه: وماشي ديالك تانتا،مولاها مشى وخلاهالي
ياسين مافيه مايتناكر خاصة مع ماسين: غادي تنوض من ديك البلاصة واخا يخليهالك باك فالورت
دار باش يمشي و هو يجرو ماسين: هههههه منيتك هادي بلاصة صاحبي سميير وانا اولى انني نبقى فيها. نتا فينك عمرك عاماتيه مزيان باش تحي دابا تقولي نوض من بلاصتو
ياسين تعصب ودار شنق عليه: ملي ندوي معاك غا تسمع اش كنقول وغاطبقو متنساش انا ريسبونصابل هنا
ماسين شد يد ياسين ولواها ليه بلخف خلا ياسين مستغرب كيفاش دغيا فشهر ولا خفيف هاكة وقدر يلوي ليه دراعو، ولكن قبل مايدير شي حاجة ياسين جرو ماسين من يدو وزرب عليه بتعنيقة بيد وحدة وقال بصوت شبه مسموع
ماسين: على سلامتك الكيدار
ياسين بكل برود دفعو وشاف فيه لقاه مبتاسم زاد خنزر فيه: متبقاش دير هاد فعايل انا ماشي سمير تفاهمنا واقلب عليا
ماسين: كون كنتي سمير كوراه حنا طالقينها وناشطين ولكن حصلت مع مكتئب ومريض بحالك
ياسين هز صاكادو ديالو وحطو فوق سريرو كيجبد فحوايجو مطويين طاحت ليه شيتة سنان هبط يهزها بانت ليه شي حاجة تحت سرير سمير شاف فماسين لي مقابل سرير سمير وساهي، داز من حداه وقف قدام السرير..
وتحدر كيطل تحت منو عاد خشا يديه وجبد بانضة كبيرة وطويلة كيقلب فيها فيديه وحجبانو مقرونين جا ماسين يجلس خطفها من يدو ..
ياسين متحركش من بلاصتو بالعكس كان متوقع ردة الفغل دماسين وهز حاجبو: ديالاش هاد البانضة..
ماسين بتوتر كيهضر وغادي جاي فلبيت: ديال شعر لا بغيت نقول ديال الجرح ولا لكنتي موعت تقدر تستعملها فكلشي ولا متستعملهاش عادي ههههه نتا اصلا لاش غاتستعملها نتا صحيح مغاتحتاجهاش، واخة داك نهار تعطبتي وكون كانت عندنا بانضة بحال هادي كون درناها لك ، بغيت نقول كانت عندي هاد لبانضة ولكن مفكرتش فيها... اه طارت من بالي وأصلا انا لاش غانعطك بانضة ديالي نتا أصلا....
ياسين عصبو وغوت : سكتناااا صافي! مالك اش واقع بحالا سارط كاسيط
ماسين: واديالي هاد لبانضة ديالي..
ياسين بشك عارف ماسين انسان لوحيد لي مكعرفش يكدب ولامشى تاكدب كتكون اغبى حاجة تسمعها: قول ديالي وسكت..
مشى كمل تايقاد فحوايجو وشاف فيه بنص عين: إمتا شريتيها؟
ماسين: شحاااال هادا
ياسين مبتسم بمكر: باقي عندك ديك كوليكسيو ديال الافلام القدام
ماسين بتاسم: هههه اش جاك على الافلام القدام... اه باقيين عندي و خاصك تشوف افلام خرا لقيتها وزدتها عليهم خطيرين
؟؟ ماسين ببرود وخبث: كان عندك داك فيلم كازابلانكا ياك؟ شكون كان عطاه لك
ماسين: هههههههه واحد طالياني كان مخيم فلواليدية حدانا خلاه عندي عجبني وانا نرجع للدار وخليت ليه برا قلت ليه توضر ليا هههههههه التبرهيش ديال صغر.
ياسين: وديك لبانضة ديال سمير إمتى عطاها لك؟
ماسين بدون شعور: معطاهاش ليا معرفتش كيفاش مشتهاش هاد شهر كامل ودابا.. ..
حس براسو تايگر هو يسكت وخنزر فياسين
ياسين قرب ليه وهاز حاجبو: كمل!!
ماسين: ديلمك باقي فيم هاد لقضية ديال جران اللسان تفو تفو تفوووو
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
