امرأة متنكرة في عالم الرجال 💪
الجزء 119
بقلم : زهراوي حنان/اريا ستارك
عند ياسين تكى فبلاصتو ووجد باش ينعس واخا ماتاينعس ماتايشوفو ومابقاش تايشرب الدوا حيتاش ممنوع دخل الدوا للمدرسة.. اصلا لي مريض بشي مرض مزمن ماتايتقبلش فيها كسائر المدارس العسكرية فالمغرب..
منين جا مانعس غي تايغمض عينيه تايرتاحو شوية وصافي....
هز كتاب يتلاها فيه شوبة...
تادخل ماسين... مع الدخلة حيد حوايجو طفى الضو عليهم وتلاح فبلاصتو غي حط راسو على الوسادة فالبلاصة داه النعاس بدا تايشخر... دازت علييه هاد النهاار بالسيف يطيح كاو
شاف فيه ياسين وحط الكتاب مابقا مايقرا فالظلام...
شي مرات تايحسدو ياسين على هاد راحة البال لي عندو... تايطيح كاينعس ونعاسو تقيل واخا يجي الزلزال مايفيقوش... وعاد ماتايحلم ماوالو. ياسين ماتاينعسش لايام ونهار كاينعس تايحلم بداك الخلم المشؤوم وحتى فاش ماتلينعس تايفكر فالذكريات الاليمة
تفكر يامات فاش كان سمير معاهم خاصة فداك الايام الاخيرة كان تايغمض بعدا شوية.. وقليل فين كايحلم
دار يدو ورا راسو وتكا عليها وبقى تايشوف فالسقف غمض عينييه تاني ومشى تايه فافكاارو وخياالوو وخططوو علي الاقل دابا كاين لي شاغل ليه بالو ومنسيه الذكريات القديمة وتايخططلييه كيفاش يلقاه ومنين يدوز ليه.. خصو غي يخرج من المدرسة باسرع وقت ممكن
بقى هاكاك لساعات شوية تايسمع البال تايتحل بالشوية.. استغرب ولكن مادار تاشي ردة فعل
الشخص لي دخل بدا تايقلب على منين يشعل الضو.. غمض ياسين عينيه ودار راسو ناعس باش يشوف هاد الشخص شنو بغى يدير وفين باغي يوصل
رميساء ملقاتش ضو وبدات كتمشى بشوية حتى ضربات فكرسي.
رميساء بشوية: أي أي تفو تفو
ياسين ملي سمع صوت بنت حل عينيه وحيت هو ولف الظلام قدر يفرز خيالها عرفها رميساء خيتاش ماكايناش شي بنت غاتجي دخل لبيتو مع 3 دالليل من غيرها...
بانتليه غادة فاتجاه سرير خوها بتاسم بخبث وبقا كيشوف بانت ليه تحدرات ولكن مايقدرش يشوف تفاصيل.
رميساء ملي وصلات حدا سرير تحنات وبدات كتقيس بشوية حسات بيد دري حطات يدها وبشوية كتقيس فيه حتى لدراعو ...
ماسين كيحلم : مممم سارة سارة !!
ياسين تار انتباهو اللسم لي قال ماسين عقد حاجبو وقال مع راسو: شكون هاد سارة عوتاني ماتحتاجش تفكير يعني ماسميتهاش سميرة سميتها سارة.، رميساء قفزات ملي سمعات صوت خوها طاحت لرض على طرماحتها وسدات فمها باش مادير حتى شي صوت... حتى شعل الضو عليها خرجات عينيها منين لقات ياسين واقف ، مسمعاتوش بخفتو ومكانتش مسالية باقة غير مصدومة بلي كانت كتقيس فخوها وقفات بالزربة وهي كتحك فترمتها حيتاش كلاتها ديال بالصح.. ..
ياسين مخنزر وتايتسناها تكمل : اش كديري نني هنا؟
رميساء شافت فييه كان لابس تيشورت بارز العضلات ديالو مزياان وشورط قصير ديال النعاس.. وواقف حفيان... تمعنات مزياان فالتفاصيل ديالو فرجلييه فدراعو صدرو لي بارز مزياان وعاد طلعات لوجهو وعينييه الزوورق حجبانو لي مقرونين تخنزيراتوو لي من صغرها تايحمقوهاا وحتي من الخطوط دجبهتو لي مجموعين وباينين بكترة ماتايخنزر وعاد شعرو لي مخربق ذااابت صافي وترخاا ليها لاستيك...
قالت بهمس نييت باش تحرك فيه شي حاجة وبشوية باش مايفيقش خوها: جيت نشوفك
ياسين حل لباب: يلا كملتي الشوفات ديالك برا قبل مانعيط للعميد
رميساء قربات ليه بالشوية ودوات بغنح وبصوت رقيق : يااااسيين (لخنات سميتو) جيت عندك نشوفك والليل هادا.. وتوحشتك والله
ياسين بصوت حاد: برا!!!
رميساء شدات فدراعو وتعلقات باش تقرب لوجهو : ياسين عفاك
ياسين بصوت مرتفع: مااااااااسين
ماسين ناض قافز صدق واقف وحاط يدو على راسو كتحية: وي شيف!!..
ورجع تكى بلاصتوو تاني تاغمغم :اممم
طاح دوودة
ياسين بقا كيشوف فيه عارفو ماغايفيقش ليه دابا...
رميساء تخلعات منين عيط علي ماسين قربات ليه تاني:عاافاك اياسيين ماتفيقووش عافاك انا جييت لعندك لهنا وجيت لهاد المدرسة على قبلك وكنصبر لشحال من حاجة شوف يدي من الصباح وانا كنغسل فماعن ونمسح فطواليطات. ياسيين انا كنبغييك كيما نتا بهاد الشر ليي فييك وبييك كلك
ياسين ماحملهاش تقوليه هاد الشر ليفيك حرها من شعرها بالجهد وقربها لوجهو : غاادي تخرجي تقااااودي عليا منهنا وترجعي منييين جيتي ولا ماغايعجبك حال وغانورييك الشر لي فياا ديال بالصح كيدااير وشتانسواااا.. دفعها براا البيت وسد الباب بالساروت واخا ممنوع بالليل يتسد بالساروت.. طفي الضو ورجع تكى فبلاصتو
ياسين بغضب: اشمن انضباط هادا لي من سيمانة لولة هادي داخلة خارجة علينا، خاصني نهضر مع شي ريسبونصابل...
عند سارة وصلا 4 ناضت دير الدورية دارت عليهم كاملين تادخلات لبيت رميساء مالقاتهاش: بفففف فين مشات تاني هاد الخرية..
مشات للطواليطات كتعيط ليها والوو دخلات ضربات دورة فيهم مالقات حد عرفاتها غاتكون خرجات
مشات نيشان قاصدة الباب
ناض ياسين خرج لبرااا بانتليه رميساء كتخبى من السيكيريطي لي واقفين حدا الباب ماعرت كيدارت تادازت فاللول من تماك ودابا وحلات.. بقات مخبية ورا واحد الشجرة..
ياسين مشى قاصدهم : هيي صاحبي..
را واحد البنت مخبية ورا الشجرة كيفاش تادازت
دارو يشوفو بانتليهم مخبية غي شافتهم عاقو بيها هربااات وتبعوهاا تايجريو :اجيي نتي لهناا فين غادة
شدها واحد من السيكيريطي وجايبها جارها للباب وهي كتنقز وكتغوت
السيكيريطي : سكتيي عاد ماكتزيدي تغرقي راسك غاتفيقي لاخرين
ياسيت تايهضر مع السيكيريطي لاخر: بغيت نهضر مع شي ريسبونصابل مكلف بيهم
مع قال هاد الجملة كتسول السيكيرطي ومابانليهاش ياسين مع كانت مشطونة :مابانتليكمش واحد البنت
مازال ماكملات الجملة تابانتليها حارها السيكيرطي وكتغوت
غي شافت رميساء سارة بداات تبكي بلاماتحس عرفلت شنو تابعها
اما ياسين واقف مصدوم رجع كيشي صنم.. تايقول فنفسو هيي ماشي هيي مافهم والو شنو كادير هنا
سارة بغضب شافت فرميساء: سيري سبقينيي الدااخل هاني جاية ونتفاعم معاك
رميساء مشات كتجري..دارت سارة للسيكيرطي: كيفاش حتى زكلتوها ودازت لييكم شهاد الخدمة
السيكيرطي :كنظن دازت فاس كنا غانبدلو المناوبة ولا فاش ضربنا دورة علي البناية نديرو معاينة
سارة: فاش تبغيو ديرو معاينة علي الاقل خليو واحد هنا
بغات تمشي هو يوقفها واحد منهم: بلاتي هاد الدري بغى يهضر مع شي ريسبونصابل
دارت سارة شافت فييه عينييها تحلووو تاللطرف....
ياسين تيقن خاصة من ردة فعلها فاش شافتووو عرفها هي بينو وبين راسو : جيتي تال بين يدي 🙂🙂
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
