امراة متنكرة في عالم الرجال 💪
الجزء 136
بقلم : حنان زهراوي / اريا ستارك
عند ماسين كمل خدمتو لي تابعااه دغياا وخرج للعشاا
بدا تايقلب علييها تاني مالقااهاش..
ضرب يدييه مع الحيط: اووووووففف فين مشااات هاديي ومع داك ال*وااد مالفوق
ياسين جا داخل شافو فاش ضرب يدو مع الحيط وعرفو معصب.. داز من حداه بلا مايتسوق لييه هو يجروو ماسين لعندو: علاش ضاربتي مع دااك خيينا لي جا عند سارة
ياسين شاف فيد ماسين وخنزر فيه هو يطلقو ماسين: ماشي شغلك
ماسين وقف قدامو مانعو يدخل للريفيكطوار: فيين مشاات سارة من قبيلة وهي معااه مازال مارجعو
ياسين تبدلو ملاميحو للغضب مرة اخرى كرز على سنانو وهضر وهو مزير عليهم : ماشفتهاش حيد من قداامي
ماسين شافو معصب هتكاك مابغاش يزيد يعاندو..
خلاه دخل.. مشى ياسين خدا لاباغ ديالوو وفضل يمشي لبيتو ياكلها
غي دخل سد عليه بالسوارت وجبد التيلي لي كان دخل معاه حيد منو واحد الجهاز صغيير تايشوش علي دوك الالات لي تايحددو واش كاين تيليفون فالدخلة دالمدرسة.. وشعلو دوز لابيل: درتي داكشي لي قلتلييك.
الشخص: اااه شددنا الحراسة على الفيلا.
ياسين: مزياان.. لقيتيهم ولا باقي..
الشهص: مازال تانقلبو. الدراري لي خدامين معانا فالشركة تايحاولو يحددو موقع من خلال رقم الهاتف لي تاصل بييك.. عرفنا بلي راهم فنفس المدينة ولكن الموقع بالضبط مازال شي ساعات ويحددوه
ياسين غي تلقاعم سيفطلي ميساج. كما وصيتك ماتصونيش ليا
الشخص : واخا اسيدي
ياسين : شي جديد على هادوك لي ضربتو
الشخص: راهم فالسبيطار. دابا... ديك البنت لي قلتليلينا نبحتو عليها مع شي رجل لقاوهم فالغابة وعلمو البوليس ودابا راهم معاهم
ياسين: ااه هي داتو معاه.. عرفتي الزاامل لي معاها شكون
الشخص: هاداك ولد عمها سميتو منيير استاذ كان تايقلب عليها من شحال هادي على مافهمت بغى ينقدها من باها
ياسين: ودابا شتايديرو
الشخص:راهم حالسين حدا الباب دالمستعجلات وكاتبمي وهو تايواسيها
ياسين: بقى مراقبهم وبلا ماتعييق سارة كترد الباال مزياان
قطع علييه وطفى التيليفون. دار داك الجهاز الصغير فيه وحط التيلي فتقشيرتو.. شاف فماكلتو مافيه لي ياكل تسدات ليه الشهية
مشى وقف حدا السرجم تايطل وتايحااول مايفكرش فسارة وخونا لي معاهاا..
بقى جالس تايخطط منين يدوز لضيافو من المانيا فاش يعرف بلاصتهم.. خاصو عاد المرة يتهنى بمرة من هادشي.
سهى وسرح فتفكيرو تالقي راسو تاني تايفكر فسارة رجعاات لييه صورتها وهي قرييبة ليه قدام عينييه.. كيفاش كانت وهي كتبكي على صدروو وكيفاش استسلماات لييه فاش تقرب ليهاا.. حس بواحد الاحساس فشكل..
دغيا جمع الوقفة سد السرجم ورجع ملامح البروود على وجهوو
سارة حابليها منير قهوة عارفها تاتعجبها
خداتها وابتسمات ليه بالزز وبدات تاترشف منها بالشوية
سارة : منيير
منير من قبيلة وهو تايخاول يجبدها تهضر معاه ودابا فاش دوات فرح: نعاام بغيتي شي حاحك ياكما جاك الجوع
سارة : لا اجي قرب ليا لهنا شوف بفييتك تغطيني بلاما تعيق
منير : كيفاش مافهمتش؟؟؟
سارة خنزراات فيه عصبها: قرب ليااا
منير قرب ليها
سارة : بففف زيد قرب اكتر
منير حشم مابقى تايفصلهم والو
سارة: نزل وجهك قدام وجهي
منير: كيفاش
سارة بنفااذ صبر: قلتليييك نزل وجهك قدااام وجهي
نزلو وقالتلييه بهمس: غادي تبقى هاكا واقف تانجي صافي ومادور لتاشي قنت
جلسات على شكل قرفصااء وبدات كتتمشى تادارت من الكولوار
مشات كتجري جابت الدورة ووقفات مور واحد الشخص طوييل وعرييض وصحييح نجمعو خمسة دساراوات ومايجيوش قدو
حطات يديها على كتفو ودار عندها دغيا زربات عليه خوات عليه قهوتها السخونة نيشان علي وجهو و عطااتو للمعلم بركبتها زواتو بقي تايتلوى فالارض... ديما هاد النووع الصحيح والمكلظم الحل ديالو هو المنطقة الحساسة كضربو ليها تايتبنج
هزاات بونية جمعاتها معااه للوجه : شكون نتا من الصباح ونتا مراقبنااا؟ ؟
عيطات على منيير دار عندهاا :عييط علي البوليسي دقبيلة
بغي ينوض وهي تكى عليه مرة اخرى بركبتها لوجهو رعفااتو
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
