امراة متنكرة في عالم الرجال 💪
الجزء 66
بقلم: حنان زهراوي / اريا ستارك
*إلا كنتي محبوس فبيت مظلم وبارد وعندك شمعة وفران وبوطة ديال لغاز لي كيضويو عليك وعندك وقيدة وحدة. أشنو غاتشعل*
دغيا بداو لحوارات فكروب دغيا عطاتهم عشرة تواني.
ماسين: غانشعلو شمعة حيت نقدرو بيها نشعلو شي لاخر
لولد لاخر لي معاهم فلمجموعة: تانا هادشي لي بان ليا
سمير: مايمكنش لجواب يكون بسيط هاكا
ماسين: راه غير تقافة عامة نوغمالمو خاصو يكون بسيط
الأستادة: سالة لوقت نوضو كتبو أجوبتكم
ملي شافت فصبورة بتاسمات ودارت عندهم: أغلبية قالو شمعة أما لي قالو لفران نتوما بوحدكم ههههه ولكن واش فكرتو مزيان فدكشي لي مكتوب؟؟ باش غاتشعلو شمعة؟؟
تلميذ: بلوقيدة لوحيدة لي عدنا
الأستاذة بتاسمات شافت فيه وهزات حاجب: شعلتي لوقيدة بعدا؟؟ هه لجواب هو لوقيدة قلنا أشنو غاتشعل لول ماشي اشنو غاتحتاج ولا أشنو لحاجة لمهمة لي تشعل قلنا أشنو لي غايشعل لول...
الاستادة كملات وهي كدور عليهم وكتشوف فكل واحد فيعم بجدية: ماتبقاوش تسرعو فالدنيا وحياتكم تمعنو هو لول فالطروف والأحدات عاد حللو الأسئلة والمواقف لي كتواجهكم ...
ماسين شاف فسمير: ديما كنحس براسي غبي فهاد لكلاص
فهاد اللحظة بانليه كمال دابز من حداه ونيفو عليه فاصمة باين مهرس: راك مكلخ ديما ماشي غير فهاد كلاص
سمير شاف فيه وبتاسم جنب: كمال كيبقيتي؟؟
كمال شاف فيه وخنزر عطاهم بظهرو وقال: سلمو ليا على ياسين ههه
سمير جر ماسين: ياله اصحبي مديرش فيه راسك
ماسين...جاني جوع ياله لكافيتيريا ناكلو.
ماسين دار عندها وهز يديه بزوج حطهم على كتافها وشاف فعينيها سرط ريقو بزز من لي شاف جمال عينيها وهو كيشوفيها على أساس بنت مكرهش يحط شفايفو على شفايفها ويغوق معاها فشي قبلة طوييلة تماك ولكن دوماج
ماسين : سمعني سير نتا ترتاح وضربليك شي تدويشة وانا نتبعك ونجيب معايا ماكلتك. صافي مشات؟
دفعها وتمات غادة مبتاسمة ليه: صاا مشات...
كانت متاجهة سارة لبيتها حتى داوها رجليها لانفيرمري دخلات بلا حس كتسمع لهضرة وصلات حداهم طلات عليهم من حدا لحيط، كيبان ليها ياسين بارك فسرير وقدامو طابلة بحال ديال ماكلة فوق منها كارطة دالرامي،
وفكرسي مقابل معاه ايمان لي كضحك وقالت "نتا غشاش" دورات راسها ترجع تشوف لقاتو مقابلها غير جات عينو فعينها وهز حاجبو باستفهام وبحال مخنزر فيها.
ياسين: عطيني شي دليل
سارة جاها بحال كيدوي معاها جمعات قوتها ودارت راسها خنزرات فيه ورجعات لور
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
