امرأة متنكرة في عالم الرجال 💙💪
الجزء 176
بقلم حنان زهراوي / اريا ستارك
سارة بقاات تدي وتجيب وتفصل وتخيط فراسها وهي كتسنى غا الوقيتة لي يدخلو عندها فيها دوك العصابة يصفيوهاليها...
عيات تسني تاغمضاات عينيها واستسلمات للنعااس
بعد ساعات
ضرباتها الفيقة.. حلات عينيها وبدات تسمع انيين ديال شي شخص حداهاا..... قربات يديها المربوطين لرجلها بالشوية وبدات كتحاول تفك الحبل... فكاتو ووقفات بدات كتمشى لجهة مصدر الصوت . تساءلات بينها وبين راسها: واش كاين شي حد هنا معايا؟؟؟!
ياسين يبدا تايحل عينيه بالشوية بالشوية.. كانو يديه مربوطين ورجليه كذلك...
راسو ضارو بزااف، حل عينيه وتوضحات الرؤية مزيان،
كان وسط بيت مظلم مافيه تاسرجم صغير
،تماماا بحال البيت لي تحبس فييه فاش كان صغير،
ياسين بدا تايرجف بلا مايحس، لحمو سخن سخن بزاااف.
بدااو تايرجعولييه نفس الاحاسيس القديمة وتايتملكووه ..
رجع بحال شي دري صغيير خايف من الوحش لايجي ياكلو فالظلام...
تكمش اكتر على راسو على شكل وضعية الجنين..
رجع لعمرو فاش تحبس ولذكرااه فالصغر ودماغو رجع تايعيشها تاني لمرة اخرى،
ولا ياسين لي باقي ماكمل تا ست سنين وخالتو حابساه فبيت مرة تربطو مرة طلقو.. كتخلييه يموت بالجووع.. ومر مرة تلوحلييه شي اكلة مافيها مايتشاف ياكلها بالزز منو....
حس بشي خطواات تايقربولييه بالشرية..
هو يبدا يغوت ويترعد ويبكي بحال شي طفل... بحالا ماعمرو كان ياسيين القوي لي ماكايخاف من والو ياسيين الباارد الجامد ... تحطات علييه يد بحالا كاتفحصو...
وبدااا تايرجف وتايغوت بهستيرية
ياسين : لاااا خالتيي والله ماقتلتها ماشي انا اخالتيي عاافاااك ماضربينيش... عافاك اخالتي
سارة سمعاات صوتو وعرفاتوو: ياسييين؟؟ ياسيين هادا نتا؟؟
ياسين تايفركل ويغوت بهستيرية: بعدي مني عافااك مادرت والوو ماشي انا لي قتلتها عافااك ماضربينيش
سارة يديها مربوطين بحبل ماحساات تاغززاتو بسنانهاا وقطعاتو.. بقات كتلمس فييه بيديها مع الظلام ماكايبانليها والو... بغات تعرف غي فين راسو من رجليه.. قاستو فوجهو.. هو يقفز رجع تاني يغوت.. حسات بييه كولوو سارد وسخووووون وصحتوو كتفيبري ومزييير علييهاا. ..
مافهمات والو... دوزات يدها تحت من كتفو وجراتو تا جا جالس...
شداتليه وجهو بيديها بزوج كتحاول تهدنو
سارة : ياسيين هادي انا سارة.. ماتخافش هادي غي اناا سارة عرفتيني ؟
ياسين باقي تايفيبري فبلاصتو والعرق تاينزل من جبهتو وسارة كتحس بيه فيديها هوااد بحالا خويتي عليع سطل دالما... ..
نزلات دمعة سخووونة من عينيه.. تا لمساتها سارة بصبعها...غي حساات بيها دمعة ماقدرااتش تحبس راسها دموعها بداو يسيلو بدون سابق انذاار جراتو لعندها بالزربة وحضناتووليها بالجهد...زيراات عليييه.. ماعمرها توقعات ياسيين البارد الاحاسيس يدمع.. ولا يبكي.. ولا يكوون بخالا
سارة كتهضر ودموعها شلاال : ياسيين هادي انا سارة..... ماتخاف والو انا معااك 😪😪
ياسين باقي تايرجف وتايهضر بهستيرية : غادي تجي... غادي ضربني.. ماشي انا لي قتلتها ماشي انا.. انا غي بغييت نعس معاها ونعنقها باش ماتخافش.. ماشي انا لي قتلتها
سارة قرباات فمها لوذنو وكتهضر بهمس باش يتهدن: شووت صافيي صافي تيقتك.. شوووو
بقاو على ديك الحال مدة من الزمن... سارة مسحات دموعها ورجعات ضماتو.. راسو مغرقاه وسط احضانها وحاطة راسها فوق منو ومرة مرة تهدنو بصوتهاا... بقى فيها وعز عليهاا بزااااففف... قلبها كتحس بيه كايتخنق ماعارفاش شنو ديير باش تهدنو.... من غير انها تحسسو بلي هو فامان معاها... فهماات من هضرتو انوو عااش شي حاحة خايبة منين كان صغيير ودابا يمكن رجع يعييشهاا
ياسين مازال مابدا يوعى براسو... مغيب ومرة مرة تايخرج شي كلمة من فمو.. مرة يقول ماشي انا مرة يقول عافاك ماضربينيش... وهو مرخيي وحاط تقلو على سارة.... بدا يتهدن بالشوية بالشوية... نقص مابقاش يرجف ولكن داتو سخوووونة بزااف والعرق باقي تايقطر من وجهو وصحتو كاملة ..
سارة حسات بيه سكت مابقاش يهضر بهستيرية و مابقاش يترعد بزااف.. وترخى ليها بين يديهاا.
جلسااتو بالزز وحيداتلييه تريكوه لي ولا تايقطر بالعرق .. لواتو وبقات دورو على شكل مروحة باش تعطييه البرد حيتاش حرارتو كتحس بيهاا من بعيييد...
.
تكاتو على الحيط وهو باقيي مغمض عينيه وتايهذي...
شعرر طايح ليه على جبهتو و صدروو كولو يقطر. شلاال د العرق هراد لييه تال كرشو. . نصلات تريكوها كان ناشف..وبقات غا فالديباردور... . بدات تاتمسح ليه بيه بالشوية فصدرو وعنقوو وجهوو...
واخا ماتابانليها والو.. ولكن كتلمس تايعرف راسها فين كتقيس(سعدااتها بنت الحراام😂)
هزاتليه يديه لعندها وتحسسات الحبل بفمها. غززاتو بسنانها تاتقطع وبدات كتحاول تفكليه رجلييه عاد
ياسين بصوت عيان: ساااارة
سارة قربات ليه اكتر وشداتليه وجهو بيديها: اااه هادي انا ساارة واش كتخس براسك مزيان
ياسين بخالاا سكران وفنفس الوقت بدا يوعى شوية بالشوية
تايهضر وتاتحس بسه تايخرح الحروف بالزز : سااارة... واش نتي هادي
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
