امرأة متنكرة في عالم الرجال 🤠مكتملة🤠

الجزء 65 🤠

امراة متنكرة في عالم الرجال 💪

الحزء 65

بقلم: حنان زهراوي/اريا ستارك

سارة داخلة للحصة ديال الثقافة عامة وهي فيها موت ديال النعاس....
كيما قلت ليكم من قبل هاد لمدرسة ماشي غير كتقريهم ودربهم ولكن كتعلمهم فن عيش لحياة، بزاف منا عايشين وماعايشينش شحال من حاجة قريناها ودوزنا سنين وحنا كنحاولو نتمكنو منها ونجحو فجميع الإمتحانات ولكن فين عمرنا ستعملنا ولو 75% من دكشي لي قرينا؟؟
حيت فعلا مغانحتاجوهش فحياتنا ليومية متلا لكنتي متخصص تكون طبيب فعمرك مغاتخدم بحصص الإجتماعيات لي خديتيهم...

للأسف كانو كيوجدونا للإمتحانات وكياسناو منا نقط فوق لمستوى باش نقدرو ندوزو لسنة تانية، ولكن عمرهم ماوجدونا لإمتحانات الحياة فين عمركم شتو مدرسة كتقري علم النفس...
إلا لبغيتي تخصص فيه ولا غير يكون عندهم طبيب نفسي يسمع للتلاميذ ويخفف عليهم العبئ لي هازينو كل نهار واش غايكونو قد المسؤولية واش واليديهم غايرفعو ليهم راسهم ويكونو فخورين بيهم،
شحال من حاجة كضور فراس التلميد كتخليه يدخل فحالة نفسية يقدر هو براسو معارفش أشنو بيه شحال من حالات إكتئاب وشحال كاع من حالات انتحار بسباب الضغط لي علييه.. هادشي كنشوفوه اغلبية فالناس دلافاك وصحاب الباك(الله يوفقكم بالمناسبة) ..

لدلك هاد الأكاديمية لخاصة ولي كتعزل تلاميدها بدقة ومن أفضل يكونو دكور ماشي حيت مكايضموش لإناث يقدرو يديروها ولكن بحكم أنهم كيعيشو فيها طوال مدة دراسة كيحتم عليهم أنه من الأحسن مايكونش إختلاط تفاديا للمشاكل.وهادشي لي مقرر العمييد..

ماسين شاف سمير شير ليه باش يجي حداه وفعلا برك حداه وحط راسو على طبلة كيحس بيه تقيل بقلة نعاس.

ماسين: شوية كنتي تعطل
سمير: شوووو خليني نعس
ماسين: الرعدة جات جمع راسك
سارة دغيا تقادت فلبركة وهزات راسها فلأستاذة لي دخلات مسمين عليها رعدة حيت كل مرة كتجيب ليهم شي موضوع مكتوقعوهش وكتروبلهم...
شحال من مرة كيكون لموضوع بسيط ولكن لجواب صعيب تختارو لدرجة كتحس براسك مكلخ..

رعدة: بغيتكم كروبات فيهم ربعة يالاه تحركو

تجمعو دراري وبركو ولكن تاحد فيهم ماهضر كلهم كيحتارموها وقفات عند كل كروب كتعطيهم ورقة وكتقوليهم مايشوفوش لورقة حتى تعطيهم الإشارة وحتى كروب سارة شادين ورقة وكيتسناو ملي عطاتهم لإشارة قلبو لورقة ..

#يتبع