امراة متنكرة في عالم الرجال 💪
الجزء 45
بقلم:حنان زهراوي/ أريا ستارك
في ساحة التدريبات صياح لمتدربين والأساتدة كيتسمع فكل مكان كل جوج مركزين مع بعضياتهم وكيترينيو من غير واحد جوج لي شوية والشرارة ديال لعافية غاتخرج من عينيهم، كيشوفو فبعضياتهم بكره كتر من الأعداء ياسين كيدور على كمال وعلى وجهو ابتسامة ديال شر...
أما كمال فلواجهة كيبان متمالك أعصابو ولكن من لداخل شاداه شوية لخلعة حيت عارف ياسين ملي كيتسيف فعلا كيولي حيوان..
كمال باستهزاء: هاديك ضحكة زعمة غاتخلعني؟
ياسين بنفس لإبتسامة الشيطانية: ومالك مخلوع
كمال: ههه انا نتخلع؟؟ كتصحبني سمير ولا!
ياسين تفكر المضاربة د سمير احسن بزااف من كمال... جمع الإبتسامة وقوس عينيه على كمال وكيحفض حركاتو ومركز معاه وكيتسنى لوقت لمناسب باش ينقض عليه،
كمال هز رجلو بحركة كيدير ملي كيبغي يهضر: شتك كتفرج فيا واش غاتهجم ولا..
وقبل مايكمل كلامو نقز عليه ياسين شدو من دراعو ورضخو مع لرض وبرك بزربة لوا رجليه على عنق كمال وشاد دراعو لاويها ليه بجهد وعاد رجع نفس الإبتسامة شريرة..
ياسين: فرااسك نقدر نفصل لك دراعك دابا لابغيت ونقول اوووووه مايصحابنيش طبقت قوة كبيرة مكصحبنيش سمح ليا اكمال سمح ليا مقصدتش.. وندووز من باب واااسع...
كمال كيسمع فكلامو وإيدو لوخرا حدا عنقو كتحاول ترخي رجلين ياسين على عنقو بزز كيقدر يتكلم.
كمال مخنوق : ن نتا مريييييض
ياسين ورك عليه كتر فيدو ولواها كتر: اشنو بان لك نتبت لك بلا انا مريض وحيوان وكاع دوك صفات؟؟
كمال كيهضر بزز: غاتفصل ليا يدي
ياسين: عرفتي شنو عندك لحق انا مبغيتش نكون مريض لدلك (طلق ليه يدو لوخرا) انا طلقت لك يدك ياله حاول تخرج من قبضتي هههه
كمال: مريض نتا هادشي عندك لعب؟
ياسين كرز عليه برجليه كتر حتى كيبان لك كمال عينيه غايخرجو ومبقاش قادر يتنفس: ستسلم اكمال ولا شوية غاتغيب
كمال مباغيش يضرب لرض بيدو زوج مرات(هادي هي طريقة لإستسلام) باش يطلقو ياسين ولكن غرورو مكسمحش ليه يخسر قدام لفرقة ديالو مايمكنش لدلك صبر وبقا كيتعافر مع ياسين لي هز راسو فالأستاد وسولو غير بعينيه أش يدير ولأستاد هز راسو بإشارة كمل، ياسين كيحس بالأدرينالين لأعلى مستوى زاد فتزيار على عنق كمال...
سمير وماسين وجميع لمتدربين وقفو كيتفرجو..
ماسين: كون مكنتش عارف ياسين ماكيسواش نقول بغا يدافع علك هادشي علاش كيدير ليه هاكا
سمير حاضي ياسين وكيشوف داك لمعان لي فعينيه باين كيتمتع بالتعديب.
سمير: لا اساط ياسين كيدافع غير على راسو
فهاد البحظة ياسين هز راسو فسمير غمزو ودغيا نزل راسو لودن كمال لي ضبابة بدات كتبان ليه..
ياسين: تصبح على خير
غيب كمال وهو يطلقو ياسين ووقف كلشي كيشوف فيه حالين فمهم جا الأستاد وقف بينو وبين كمال.. .
الأستاد: انتباه!! حنا هنا كنتعلمو وكنتدربو وأول حاجة خاصكم تعرفوها هي إمتى تستسلم وإمتى تعتارف بلا راك خسرتي.. كنال مبغاش يستسلم مبغاش يبان ضعيف ولكن هاد الضعف راه نوع من القوة بلا كتعرف حدودك وكتعرف جسمك قداش يقدر ياخد ويصبر..مبغيت تاواحد يوقع ليه بحال كمال فهمتو؟؟
اوكي تدريبات اليوم إنتهت بالنسبة لكروب ياسين يمكن ليكم تمشيو عندكم نهار خاوي وبالنسبة لكروبات الأخرين عقلتو على شوهتكم فالمسابقة جا لوقت تخلصو....
نتلااقااو غدااا
شبانليكم فياسين وتصررفوو مع كمال واش بالصح بغى يدافع على سمير ولا ماسين عندو الحق...
البنات تفاعلو عطيوني اراؤكم وديرو اشهارات للقصة 💙
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
