امراة متنكرة في عالم الرجال 💪
الحزء 83
بقلم: حنان زهراوي / اريا ستارك
طلع لطوموبيلتو شاد طريق ومكاين غير صقيل معندوش مع الأغاني شاف فلوقت لقا راسو معطل شوية، مكيهموش أصلا معرفش كيفاش ولا صاحب ماسين هوما مختالفين على بعضياتهم هو من النوع الجدي لمنغلقعل. راسو...
مكايضحكش بزاف معندوش مع مجمع ديال الناس، عكس ماسين لي كيكون هو الروح ديال الحفلة ديما... عزيز عليه الناس وكايجمع مع كلشي وبطبيعة لحال كايضحك كلشي ولكن لحاجة لوحيدة لي جبدات ياسين ليه هو علاقتو باليازيد باباه و الأم ديالو...
من بعد الحادتة مع خالتو ملي يدا كيكبر كان كيلقى راحتو فدار عمو عقليتو لي ولات كتميل للشر تفاهمات مع خت ماسين وعمو من نوع لي مخليه على راحتو ومكايضغطش عليه بحال دارهم، ولكن علاقة ماسين بمو وباه مؤزمة من صغرو كانت ختو مريضة بزاف وماماه ديما معاها عطاوها اهتمام كتر وهملو ماسين كبرات ختو مفششة وهو كبر باغي غير إمتى يبعد عليهم وعمرو يرجع كان كيحس براسو غريب وسط دارهم وهادا إحساس لي كيحس بيه ياسين، بحال تزاد وسط عائلة ماشي ديالو من صغرو وهو كحس بعدم الإنتماء بحال هو لي ماشي نورمال وكاع لمشاكل فيه من دماغو.
خرجو من أفكارو وصولو لعند ماسين هز ديفيديات ديال الأفلام لي جايب معاه باش يشدو بيهم ليلة.
ماسين حل ليه لباب مبتاسم: فين العشير
ياسين كيشوف فديك ابتسامة لي مكتفارقوش وكيفاش رغم أي حاجة ديما الضحكة ديما مرسومة على محياه.
ياسين مخنزر: لعام لي جا يلقاك مفرنس
ماسين طل موراه: ناري قودتيها شفرتي طوموبيل ديال خوك
ياسين هز كتافو وداخل للدار: شهر وانا واخدها
ماسين تبعو بتوتر باين على وجهو: تشرب شي حاجة؟؟ فيك الجوع؟؟
ياسين شاف فيه بتشكيك: اشنو عندك؟؟ مالك؟؟
ماسين عنق ياسين: زيد زيد المشكاك لاخر نتا راك شي نهار تشك فراسك.
ياسين هلاه يجرو وتحرك معاه: كنعرفك مزيان مخبي شي حاجة.
دازو من لكوزينة هز كاس ديال قهوة مطاه لياسين وهو مبتاسم وكايشرب هز كاس ديالو.
ياسين حرك راسو باستغراب: أشمن موصيبة درتي هاد لمرة
ماسين: الله يعطينا وجهك ماشي نتا شرير لي كدير غير لمصايب
ياسين بعد مبالات: مهم مكنحصلش
ماسين كيحل باب ديال بيرو لي عندو: وي عرفت عرفت ديما كنحصل
ياسين شاف فلبيرو باستغراب: أش كنديرو هنا
ماسين: وادخل دخل عاد نهضرو
ياسين هز كتافو بلامبالات: اوكي
دخل وسمع لباب تسد من موراه دار كيشوف فلباب مافهم والو حط يدو على بواني سمع لباب كيتسورت من برا.
ياسين: أش هاد ل**** ماسين باركة من ضحك لباسل
ماسين: سمح ليا ولكن خاصك تجاوز مخاوفك وانا عارفك مغتبغيش تلاقاها ولكن ضروري تهضرو باش ترجع كيما كنتي قبل كلشي.
ياسين طلق من بواني وكلام ماسين بقا كيتسمع ليه فودنو دار بشوية كيشوف من وراها لقا خالتو لي وقفات كتشوف فيه وعينيها كلهم دموع.
ياسين كيحرك راسو لالا هادشي ماوقعش لالا مايمكنش يكون محبوس عاوتاني بين ربعة لحيوط معاها لالا شد صدرو... بدا كيعطيه الألام حيت من لي وقع دكشي مع خالتو بكري ولا ماكايقدرش يبقا فشي بلاصة مسدود عليه ومظلمة... كيتخنق ودابا حس بحال تاريخ يعيد نفسه.
شاف فيها وبدا كتسمع فودنو صوتو وهو صغير *عفاك اخالتي واللهما درت شي حاجة*
*عفاك اخالتي فيا جوع*
لخالة: ياسين ولدي
ياسين سمع صوتها وعوض ياسين ولدي لي قالت تسمع غير *نتا قتال*
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
