أمراة متنكرة في عالم الرجال 💪
الجزء 149
بقلم حنان زهراوي : اريا ستارك
سارة شافت فياسين: اماال... اماال.. شنوو وقع لامال.
ياسين غمض عينيه مزيير عليهم..
سارة كتجر فيه: ياااسييين باش عرفتيني تبالدت مع امال؟؟؟ علاش سولتيي جاوبنيييي
ياسين خشا يديه فجيبو وجبد التيليفون.. دخل للفيديو طلقو ووراه لسارة
سارة شادة التيليفون ويديهاا تايرجفوو كتفرج ومصدووومة....
تشمعات الطلقة اللولة قفزات من بلاصتها وطلقات التيليفون... شافت فياسين وهي حالة عينيهاا تال الحد...
سارة دارت كتجري لداخل السبيطار وكتغوت : اماااااال امااااااال
شدوها السيكيريطي تايحاولو يوقفوهااا وهي كتحاول تنتر منهم وكتغوت.. للحظة ضرباات واحد بمرفقها لكرشو زواتو.. ودفعات لاخر برجلها...ومشات كتجري بطريقة جنونية .. ياسين هز التليفون دغياا وتبعها شدهااا حكمهاا مزيااااان
وهي عاد مازاادت تجننااات كتغوت لربي لي خلقها وكتبكيي: امااااااااالل... لااااا
ياسين حاكمها مزيااان جات واحد الممرضة هازة ابراة مهدئة فيدهاا.. ضرباتهاليهاا
وساارة بقات كتغوت وصوتها غادي وتايضعااف.. عينيها تاتغمضو وكترخى بالشوية: امل امال... تاترخاات بمرة. وغمضاات..
جاو السيكيرطي هزوها حطوها فوق السرير المتحرك.. ودخلوها لواحد الشومبر..
ياسين تبعهم للشومبر... بعدما تفقدها.. صونا على جوج من رجالو:بغيييتكم داااباا عندي فالسبيطار *****
ياسين شاف فسارة كي مغيبة زير على قبضتوو: غادي ندمك انيكوول غاندمك مزيااان مابغيييتش نديير يدي فيييك ولكن دابا جبدتينيي غانندمك
قرب لسارة وحط يدو على خصلة من شعرها كانت طايحة على وجهها: علاش دخلتي راسك فهادشي اسارة علاش... (زير على سنانو وتفكر اللحظة لي كان سحابلييه هي لي مااتت).. ماننكرش بلي فرحت فاش شفتك باقة حية..
قرب لوجهها وبقى شحال تايشووف فييها وتايحقق فملاميحها شفارها المبلولين بالدموع.. حجبانها الكتار.. فمها المتورد .. كتباان كيشي طفلة صغييرة وهي ناعسة.. مد يدو لخدها وبقى تايمسح بقايا الدموع لي فييه..
ياسين: مابقيتش كنحمل نشووف الدمووع فعينيك.. ماعرفتش شنو هادشي باش كنحس ماكنتش حاملو وماكنتش باغي نحس بيه.. دابا لي باغي وعارف ومتأكد منو هو انني مابغيتكش تموتي حيتاش ماغانقدرش نتحمل... مابغيتش نشوفك كتبكي مرة اخرى بهاكا انا لي كانتألم... من هنا للقدام غانكون ديما معااك و فجنبك ماغانخلي تاشي حد يأذيك ابتداءا من عائلتك..
بلا مايحس قرب لفمها غمض عينيه وباسها.. قبلة خفييفة وحنيينة ...و قلبو بدا تايضرب بالجهد... حل عينيه شافيها عن قرب... وشفتيه باقيين محطوطين على شفاهها.. طلع للفوق باسها فنيفها وبين عينيها و طبع قبلة فجبيينها...
تهز دغيا لايصدق داير شي حاجة فيها وهي ناعسة.. ماعمرو حس بهاد الانجدااب لشي بنت لهااد الدرجة.. هو ماشي غي شهوة ولكن شي حاجة اخرى شي حاجة اكبر كتجدبوو ليهاا بحال المغناطيس
هز يدها باسها ليها.. وناض خرج من الشومبر..
شاف رجالو جايين أمرهم يوقفو حدا البيت ومايخليييو تاشي حد يدخل لتماك من غيرووو....
مشى للريسيبسيون وسول على شي بنت تضربات بالرصاص قدام السبيطار
الممرضة: الله يصبركم اخوياا.. شنو كتجيك
ياسين ما جاوبهاش...
رجع للشومبر وجلس حدا سارة مسح على راسو : بفففف..
شوية سمع شي تيليفون تايصوني.. ماشي تيليفونو
قلب فجياب سارة بانليه تيليفون.. هزو قرا السمية خنزر وقرن حجباانو... بقى شحال تايتسناه يقطع مابغاش وهو يجاوب.. حطو علي ودنيه
منير بصووت مبحووح بالبكا :ساااارة... ضرووورييفييييينك... امااال تقتلااات قداام السبييطاار... ضروريي تجيي.. جاوبيي ؟؟؟ ساااارة؟؟ ساااارة..
ياسين قطع عليه وهو مخنزر بلوكا النمرة ودخل نمرتو.. صونا على راسو تاطلعاتليه نمرتها ورجعليها التيليفون للجيب..
شد ليها يديها وبقى تايفكر فشي طريقة يتخلص بيها من نيكول ونيكولاص بمرة بما انهم جبدوووه
بعد ساعتيين بالضبط
فاقت سارة ورااسها تقيييل عليهاا كتهزو بالزز...
حسات بشي حاجة كتلمس فيديها.. دارت لقاتو ياسين
ياسين: كتحسي براسك مزياان دابا! ؟؟
سارة باقي راسها تقيل عليها وكتحس براسها مبنجة(راها نييت مبنجة هههه)
هزات راسها بالزز وقالت بالشوية : ياسيين... امال.. امل
ياسين قربليها شافيها وهو متوقع ردة فعلهاا فاش تسمع شغايقوليها.. لاول مرة ماقادرش يهضر ماقادرش يقوليها شنو كاين مابغاهاش تزييد تألم.. ولكن خاصو يعلمها...
ياسين بتردد: احم.. ماتت
سارة ماقادراش تغوت.. نزلوو الدمووع من عينيهاا وكتشوفييه بحالا كترجااه يقوليها غي كنضحك معاك ولا شي حاجة بحال هاكا ..
ياسين حس بقلبوو تزير علييه خاصة فاش شافها فديك الحالة... كتبكي ومرخيية.. كاتحاول تنوض ولكن راسها تقييل عليها بحالا تايرجعها لبلاصتها..
جرها ياسين لعندوو وعنقهاا وخلااهااا كتنخصص فرااحتهااا.. وهو مخنزر وتايتوعد نيكووول بالعذااااب الشديييد قبل مايقتلهااا
قال بينو وبين راسو: غادي نفدي فيهاا كاع هاد الدموع لي خرجتي من عينيه.. غانخلييها تتمنى الموت وماتلقاااهاش
كما العادة #اراؤكم
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
