امراة متنكرة في عالم الرجال 💪
الحزء:43
بقلم حنان زهراوي أريا ستارك
سارة دخلها شك فهاد لهضرة بغات تعرف أشنو كيقصد:كمال أشنو البلان قول
كمال شاف فسمير باستهزاء وبدأ كيقرب ليه وكيدوي: سمير يا سمير غانبقا تانعرف بلانك دخلتك هنا(دار إشارة لدماغو) ولي كيدخل هنا ماكيخرج غاتكون حققت دكشي لي بغيت
ماسين جا وقف قدامو مبلوكيه باش مايزيدش خطوة ولا يقرب من سمير.
ماسين: داير فيلم غير بوحدك
ياسين: ونتا لبطل فهاد لفيلم
ماسين تصدم ملي قال ياسين (هنا لبطل فهاد فيلم) حيت كانو كيقولوها بزوج ملي كانو صغار للحضة حس بنوستالجيا ولكن غير شاف فعينين ياسين لي باردين كيما ديما دغيا رجع للواقع ياسين ديال زمان مات وهاد ياسين ماشي صاحبو عشيرو لي كان كيعرف...
كمال: اه دابة داير فيها صاحبهم ههههه إوى أجي نقولكم هاد صاحبكم هو لي عطاني الصاك ديال سمير ولا ماسين منعرف ديالمن، وهو لي قاليا نشوهكم وانا غير نفذت دكشي لي وصاني قالك مغاندمش ولكن باينة دابة كان لاعبها معاكم برافو... بيا ولا بيكم فهاد الأكاديمية ودابة نتفاهمو قريييييبا...
ماسين دار عند ياسين من بعد ما كريم مشا: اش ه فعايل ل*****
ياسين بكل برود: عادي تانا كنت باغي نفهم
سمير: عندك موشكيل معايا باغي تعرف شي حاجة جي سولني
ياسين تنهد بكل برود: اوكي انا غانسولك(قرب لسمير وقف قدام وجهو) علاش كان عندك أولويز فصاك؟؟
ماسين دفع سمير من موراه: وراني شرحت ليكم
ياسين دفع ماسين من قدامو: مادويتش معاك كنهضر مع سمير
ماسين رجع وقف قدامو وحجبانو مقرورنين: وانا كندوي معاك
ياسين: علاش زعمة كتخبيه وعلاش كدوي نيابة عليه وليتي ناطق الرسمي بإسمو؟
ماسين: ونتا مالك؟؟ سولتي وجاوبتك علاش كتقلب؟
ياسين: عارفك كداب ختك ماشي من نوع لي دير معاك هداك ضحك
سمير صدعوه بنقاشات وتاواحد فيهم ماخلاه يدوي واحد كياني عليه الآخر باغي يدير ليه استنطاق: حبسووووووو!!!
ياسين هز فيه حاجبو: غاترجل وتقولينا ولا شنو؟؟
سمير: مكاينش شي سر ولا قل*** باش نترجل ساكنة معايا بنت ومعرفتش كيفاش دكشي صدق عندي تهنيتو؟؟
#يتبع
STAI LEGGENDO
امرأة متنكرة في عالم الرجال 🤠مكتملة🤠
Storie d'amore💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
