امراة متنكرة في عالم الرجال 💪
الحزء 88
بقلم: حنان زهراوي / اريا ستارك
جيهة الأخرى سارة تابعة كمال هو وجوج رجال أخرين حتى وقفو فمكان نقدرو نقولو قلب الأكادمية
كمال: هنا هو لوسط ديال الأكادمية كلها
شخص:متأكد؟؟؟
كمال: واش انا بقيت هنا هاد لمدة كلها باش تجي نتا تبدا تشكك فيا ياله طلقوني
شخص حط صندوق لي من قبيلة وهو وصاحبو هازينو بيناتهم: أش نحطو هنا بوطة صغيرة ولا لكبيرة؟؟
سارة سمعات بوطة وتفكرات شي ارتيكلات قرات بلا كيديرو قنبلة منزلية كتصايب فكوكوط
كمال: مكلخ ديمك باينة كبيرة هنا وزوج صغار لوخرين نديروهم وحدة حدا جناح الأساتذة ولوخرا تحت لكافيتيريا.
شخص: نتفرقو حسن باش نساليو لخدمة دغيا
كمال شاف يمين وشمال سارة زادت تخبات فين واقفة مقابلاهم.
كمال: لالا مكنتيقش بدراري لي هنا إلا حصلنا شي واحد عل أقل نكونو مجموعين ماشي بحال إلا تفرقنا .
سارة نعلات دكاء لي طاح على كمال هاد نهار ياله غاتخرج ليهم ضارب معاهم ولي ليها ليها حتى كتسمع تيليفون كمال صونا.
كمال: وي الواليد.....كنعتادر اسيدي نسيت...لخطة غادة كيما هي أبا** (سكت قبل مايخطأ يقول بابا وقال)أسيدي حنا دابة كنقادو لمسات الأخيرة....واخة سيدي
سارة فخاطرها مزيان بعدا عرفات شكون مورة هادشي كامل مشات كتسلت من موراهم وصلات للوراني ضرباتو بمفرقها لقفاه قريب لراسو طاح مغيب دار كمال ولاخر لي كان معاهم جبد هو موس ياله غاتمشي سارة ضارب معاه جبد لاخر فردي ملي شافتو تلاحت تجري هربات من قدامو تسمع صوت لقرطاس وصوت رجلين هربو خرجات من فين كانت مخبية بان ليها كمال فين تخبى ولكن لاخر ضار وعاود تيرا رجعات تخبات فبلاصتها حتى سمعت خطاوي رجليهم بعدو على بلاصة فين كانت خرجات كتجري تبعات كمال عل أقل معندوش فردي، وبزوجهم حافضين الأكادمية عرفاتو غادي لأخر بلاصة كانو تحماو فيها على ياسين خنزرات وطلقات رجليها باش تلحق عليه لقاتو واقف متكي على لحيط وكيتسناها.
كمال: سمير كون تعرف اشنو حسن لك ترجع منين جيتي
سمير: مزيان من لي مكنعرفش
كمال جبد موس أخر ليدو لوخرا وبدا كيلعب بيهم بزوجهم وهو كيشوف فسمير وفطولتو حيت قصر من كمال.
كمال : قَليا أسمير بغيت نسولك شكون كتبغي كتر ياسين ولا ماسين شكون حبيبك بالعربية
سمير هز حاجبو فيه وكيقرب ليه: علاش جاتك لغيرة؟؟
كمال ضحك باستهزاء: على قلة رجال هنا جاي نتا ولا نتينا ههه هو لي غايدافع على الأكادمية
سمير كيطرطق فعنقو ومبتاسم: كيبقا نيفك حقة
كمال شد نيفو فحركة لاإرادية وعقد حجبانو: ديك مرة غفلتيني دابة ماكينش عنصر المفاجئة
#يتبع
ممكن نجمة منين تقراو 🤗💙
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
