امرأة متنكرة في عالم الرجال 🤠مكتملة🤠

الجزء 158 🤠

امرأة متنكرة في عالم الرجال 💙💪

الجزء 158

بقلم حنان زهراوي /اريا ستارك

ياسين شد ليها يدها بيد واليد لاخرى هز ليها راسها تاشافت فيه: هادشي لي غانقولك انا ماكنآمنش بيه ولكن يقدر يفيدك نتي.... هادشي كولو من المكتاب.. كيفاش تاتبادلتو الحوايج وهي خرجات وهما غلطو وسحابليهم نتي.... هادشي كامل مايمكنش يكون غا صدف... يلا كنتي مسلمة خاصك تعرفي بلي هادشي من وراه شي حاجة... وبلي نتي باقة عايشة دابا لشي سبب... وامال يمكن وصل اجلها.. سوا بسبابك َلا بسباب شي شخص اخر.. وصل اجلها.. واحسن حاجة تقدري ديري دابا هي ترحمي عليها وتدعي ليها بالجنة... ونتي تعيشي حياتك مزيان و تستغلي الفرصة لي تعطاتك...
سارة بداو دموعها ينزلوو قرباات ليه وعنقااتوو  وتاهو بادلها العناق
سارة : شكراا
ياسين دفعها بالشوية.. شدليها وجهها بيديه وبقي تايمسح ليها دموعها: دابا بركة عليك من البكا.. بغيتك تكوني قوية كيما ولفناك... حيتاش غاديين دابا ننتقمو لصاحبتك..
قرب ليها و باسليها جبهتها.. سارة مسحاات دموعها وخنونتها ورجعات اللور مهبطة راسها للتحت بالحشمة وكتفكر فشكون هاد الشخص لي حداها واش ياسين ياسين؟ ؟ولا شي حد اخر 🙂
ياسين  بقى تايشوف فيها شوية دار السمطة وكسيرا تاني وتبعوه رجالو...

عند حميد...
كان واقف فالصالون فالفيلا ديالو وحداه مراتو.. تايمشي ويجي ومتوتر بالجهد...
مراتو جالسة دايرة رجل علي رجل وكتقرا فمجلة هزات راسها شافت فيه : حمييد مافهمتش مالك واش عندك شي مشكل فالخدمة..
حميد شاف فيها وكمل تايفكر وتايتمشى
مراتو : بففف استغفر الله... (شافت فالساعة بانليها هادا هو الوقت) خاص يكون ولدي ياسر وصل دابا من المدرسة؟
حميد غي سمعها قالت سميتو دار عندها: احم لااا راه عندهم شي نشااط وقت الغدا وقلتلييه غاسير
مراتو: ودا معاه الغدا ولا لا؟؟ مسكين قادي فالصباح ووقت الغدا والعشية عندو عامرة
حميد  مابقاش قاذر هز التيليفون ودور لخووه.. خرج لبرا باش يهضر معاه فراحتو

ياسين صونا ليه التيلي اكتيفا الهوطباغلوغ وجاوب
حميد: خويااا قوليي واش ولدي بيخير
سارة كتسمع مافهمات والو
ياسين: واش كتيق بيا؟ ولدك را بيخير ورجالي راهم معاه تماك.. درتو كطعم ولكن ماغايوقعليه والو ماتخافش.. وعاد انا غادي دابا لعندهم تماك...
حميد: خويااا رد الباال لولدي ورد البال لراسك... هادشي مامرتاحليهش كون غا خليتيني نعيط للبوليس احسن
ياسين بغى يدوي معاه بلطافة ولكن شكون خلاااه قال بحزم : صافي را دويناا
حميد: صاف اخوياا صافي راني تايق فيك..
قطع عليه ياسين وكمل فطريقو
دار عند سارة تايوصي فيها: ماديريي تاشي حاجة لي تخليني نندم علاش ديتك معايا.. انا داير بلان مدروس مزياان.. ومخطط لكولشي.. دايك معايا غي باش تأكدي بلي الناس لي اذاوك غادي يتحاسبو وصافي
سارة: انا بغييت هاداك لي قتل امال يتشد فالحبس مابغيت تاحد يموت.
ياسين بابتسامة استهزاء: هههه من نيتك.. هادو را عندهم كي الحبس كي براا.. دخليه للحبس الصباح يهرب منو بالليل وسيري قلبي عليه نتي تاني
سارة:وشنو غانديرو
ياسين بابتسامة شر:والو.. ماغانديرو والو
سارة :مافهمتش
ياسين :من بعد وتفهمي
سارة: ماعرفتش معامن نحسبك الناس الخايبين الأشرار ولا العكس

ياسين :حسبينيمن الناس لي كايستغلو الاشرار لمصالحهم.. ماكنبررش لبناد م افعالي ولكن غانقولك ماعمري اذيت شي حد ماقاسنيش..
سارة خربقها هاد السيد كل مرة وشنو القناع لي تايلبس  ...ماعرفاات منين تشدوو

وصل لوجهتو كانت فيلا هاد المرة خارج المدينة.. نزل هو ورجالو
عطاهم الإشارة يوجدو الأسلحة ولكن مايتيريوش الا للضروورة
دار عند سارة : غاتبقاي وسط الرجال والفردي فيدك.... غانسيفطلك ولد خوياا.. تكلفيي بييه وحضيك..
سارة حركات راسها بمعنى ااه :وااخا
وجداات السلاح فيديها ولا جاهز للاطلاق.. ودخلو تابعين ياسينحلوليه الكارد الباب دالفيلا
واحد من ليكارد بالألمانية :سي ياسين  كولشي واجد
ياسين : مزياان
سدو الباب وتبعووه..
دخل لنفس الغرفة ورا الفيلا... بانليه ولد خوه دايرين بيه شي رال وواحذ حاط سلاح فوق راسو
نيكول كانت جالسة حدا لويس.. غي شاافتو وقفات دغياا َقربات ليه: ياسيين ماروكانيش
سارة كانت ورا ياسين غي شافتها نيكول يدات تزير عينيها بحالا كتزوميها...
ياسين ابتسم  وقف قدام نيكول غطى عليها سارة
ياسين: (بالالمانية) عرفتي دابا بلي ماخديتي مني والو.. وبلي اللعب معايا ماصالحش ونتي لي غاتخرجي خاسرة
لويس وقف ورا نيكول ومزير ماكايحملش برووود ياسين وتقتوو فراسوو : ماتنساش بلي باقي عندنا ولد خوك  فيدنا..
ياسين : هاد الساعة نتوما لي بين يدي...
لويس دار مخلوع وشاف فالحراس لي واقفين حدا ولد حميد: قتلوووه
الحراس ماداوهاش فييه
لويس شدااتو الخرية َرجع شاف شي حراس حداااه... قتلووه نتوما..
الحراس لارد
نيكول حساات بلي هادشي ماشي فصالحها و بدات تقرب لياسين بالشوية وهي كترجف: حبيبي ياسين.. هادشي  كامل من تحت راسو هو( اشارت للويس) لي بغاني  ندير هاكا تافق مع بابي وبغااو يلوحوك فالشبكة
لوييس تزيييير:نييكووووووول...
ياسين ضحك من نيتو الشي لي خلع نيكوول.. ياسين ماكايضحكش ويلا ضحك ع ف راسك قودتيها
ياسين: ههههههههههههههههههههه تافق مع بابي فجهنم؟؟
نيكول تصدمات.. تخطف ليها اللون من وجهها.... منين جاوه الاخبار
ياسين:  توتوتوتو على ذكر بابي.. ماحسبتيش حسابك مزيان.. غلطتي فالفاصلة..
دار اشارة لواحد من رجالو ودخل السي نيكولاس وهو نااشط وتايضحاااك ومعااه رجالو دايرين بييه
نيكول رجليها خواو بيها بالصدمة والخلعة.. اما لويس كاع الاعضاء ديالو خرااهم
سارة غي واقفة كي الامانة تماك كتشوف فهادا ودور تشوف فلاخر.. ماكتفهم والو
نيكولاس دخل مد يدو لياسين سلم عليه.: الماروكانيش.. صدقتي وحش وحش... ذييب
ياسين كلمة وحش نيرفاتو خنزر فيه وزير عليه
نيكولاس: ماتخاافش.. بما انك نقذتي حيااتي طلب لي بغيتي منيي دابا
نيكول: نقذ حياتك؟؟؟؟
فلاش بااك...