امرأة متنكرة في عالم الرجال 🤠مكتملة🤠

الجزء 118 🤠

امرأة متنكرة في عالم الرجال 💪

الجزء 118

بقلمي : حنان زهراوي/ اريا ستارك

تحل الباب ودخلات سارة: صباح النوور دكتورة ديالنا مابنتيش اليوم
ماسين دار يشوف شكون بانتلييه شي بنت عاطياه بظهرها..
شافت فيه ايمان:كمل خدمتك شتاتشوف.. دغيا دار مادا ماجاب دارت عندو سارة حلاااات عينيها تالجذر
ايمان شافت فيها بخبت وسارة تاتحزرها بعينيها: جلسييي اصاحبتيي
سارة غادية لجيهة الباب وعاطياه بالظهر وايمان كضحك عليها: تي جلسي مالك
سارة دارت بالزربة وخرجات وتبعاتها ايمان
ايمان: عيقتيي تانتي را ماعرفكش واخا شافك شتييي
سارة: ماسين غادي يعرفني رااا هو الوحيد لي عرف فاللول بلي انا بنت
ايمان: اويلييي وبقيتي ساكنة معااه فنفس الشومبر
سارة : تحركيلنا من هنا لايخرج ويضرب فيا
ايمان صبري صبري انا غانسيفطو للتحت يجقلب على سميات شي دوايات خاصيني ويجيبهم..
دخلات ايمان مشات لجيهة السبرم بانليها ماسين الفوق حركات السلوم بالشوية:نزل للتحت نقولك
نزل ماسين بالشوية وشاد فالسلوم للحظة حس بيدو كترجف لييه تانيي وحاول يزيرها باش ماتشوفهاش ايمان.... ولكن ردااتليها البال
ايمان: اويلي مالك فديك!! ؟؟ نزل نشوووف
شداتهاليه وقراتها لوجهها تاتشوف فيها : واس فايتلك تهرستي منها ولا تضربتي فيها. ولا تولدتي بيها هاكا
ماسين تزنك ماتايحملش لي يجبد ليه موضوع يدو. بغى يجرهاا ولكن ايمان كانت شاداها مزيان صدق جار تا ايمان لعندو
هزات ايمان عينيها شافت فوجهو اول مرة تشوفييه عن قرب   كيفاش مزنك ومخنزر ماعاجبوش ااحال
ايمان: ماتايعجبكش لي يدويليك على يدك!! شحال من جراحة درتي عليها
ماسين  تايحاول ينتر يدو أتت : منين عرفتي بلي ماتايعحبنيش علاش باقك تاتسوليني
ايمان ابتسمات وطلقات يديه: هاكا دايرة انا وماغانتهنى تانعرف ونتا لي غاتعاودلي بخاطرك
يالاع دابا بغييتك تنزل للتحت وتحيبلي شي دوايات راهم مكتوبين فديك الورقة فوق البيرو
مشى ماسين هزها وخرج معصب.. داز من حدا سارة وماتسوقليهاش
شافت فيه سارة: هادا مالو
ودخلات لعند ايمان بقاو مجمعيين تاوصل الغدا   تغداو وكملو النهار عادي

فالعشا دخلات رميساء للريفيكطوار قلبات عليه مالقاتوش... ولات كتمشي هي اللولة لتماك غي باش تشوفو..
مشات جلسات تاتسناه شوية جات عندها صاحبتها
افيين غابرة الساطة
رميساء بغضب :مرة فالطواليطات مرة فالكوزينة 😒😒
صاحبتها ضحكاات: شكون كان يقول رميساء تغسل طواليطات ولا ماعن.. وهادشي بسباب دري  لهاد الدرجة طايحة فيه.. 
عيط واحد الدري لصاحبتها :انا راجعة نمشي نهضر مع التيتيز ديالي ونجي
ومشات عندو
رميساء بقاات تافكر شوية طاحت عليها واحد الفكرة
دارت عند صاحبتها كتعيط عليها : بسست احي دغياا ورجعي.. اجييي دغياا نقوليك وسيري
همسات ليها فودنيها وتغامزو ومشااات

بعد ساعة

رميساء كتغسل فالماعن دالعشا بالزربة باش تمشي للشومبر ديال صاحبتها تشوف واش دارت داكشي لي قالتليها ولا لا.. كملات دغيا دارت عند سارة: ساليت ا شاف..
سارة مشات كتشووف فالماعن ودارت خنزرات فرميساء : دابا هادا غسيل هاداا..
هزات 2 كيسان ووراتهم ليها: هادو غسلتييهم  ولا عاد مازدتي وسختيهم؟؟ دايرين بحالا دازت عليهم الحملة دالشتا 😒😒😒
رميساء وا هادشي لي عرفت نديير
سارة غوتات تاقفزات رميساء: دوزي عااوديليهم الغسيل واخير مرة تردي عليا الهضرة يالااه.. و اه غادوزي الكراط للحوزينك منين تسالي..
رميساء جات تسربي صدقات معطلة
بقاات شحال واحلة معاهم
مريم وليلى كملو ودارو تايضحكو عليها
مريم:ههههههههه باش تاتعجبيني بعدا ماكتحشميش وعاد ماكتزيدي فالزبايل
ليلي:اخلييها اتبقى دير فالصدااع و تعابعها المدربة تاتولي كيشي جفاف
رميساء كتغسل فالماعن علي قلبها: تقاااودو عليا من هنااا ياك ساليتو ولاش واقفين عليااا
زينب: را ممنوع تخسار الهضرة دوي غي بالشوية لاتسمعك الشاف وتزيد تعاقبك
رميساء: ديها فكرك نتيي
دخلات سارة وخنزرات فرميساء: عاودي شنوو قلتي
رميساء قفزات من بلاصتها: والله ماقلت شي حاجة ماقلت والووو قلتليهم غي بونويي تال غدا ونتشاوفو
سارة فنفسها: الله ينعل طواسل حسك تخافي ماتحشمي.  عييت وفيا النعاس اماا نزييد نورييك شديري ولكن خلي تالغذا..
شافت فيهم سارة:خرجو نترما وغدا 4.30 تكونو. واجدااات
البنات: واخا شاف
شافت مريم فروميساء وقالتليها باستفزاز: باي باي.. وبالتوفييق
رميساء خنزراات فيها ودارت كتكمل غسيل الماعن..
ماكملات تاغفر ليها ربي ذنوبهاا.. دوزات للكوزينة و عطاتها سارة الاذن باش تمشي

مشات طايرة دخلات للشومبر دصاحبتها ونقزات عليها : اجي نتي لهنا جبدتيلي الرقم دالشومبر ولا لا
صاحبتها: مالنا عسكر ولا زمر.. ضبرت ليك فيها B03
رميساء فرحااات: هههههه معلمة  نتيي يعول عليك بنادم  اجي نبوسك مواااح

#يتبع