امرأة متنكرة في عالم الرجال 🤠مكتملة🤠

الجزء 10 🤠

🌀امراة متنكرة في عالم الرجال🌀
بقلمي:hanane zh
الجزء 10

خرج ياسين لقى رميساء فالصالون مجمعة مع مو
كبراات.. فكر للحظة فيامات الصغر كانو صحاااب فالشر.. كان ديما تايعطيها افكار شرانية باش تخلق مشاكيل لواحد البنت كانت تاضربها فصغرها مع واليديها...
رجعات بيه الذاكرة للور

قبل 13 سنة كان ياسين جالس بوحدو حدا الواد شوية سمع بكا دشي بنت .. ماتسوقش طبعااا تابداات كتجهد وكتبكي .. صدعاتو فرلسو عرفها هي
مشى لعندهاا لقاها جامعة رحليها عندها وحاطة راسها بين ركابيها وقف حداها ببرود: صافي سكتي عارفك بلعاني تاتبكي بالجهد باش نسمعك ونجي عندك
رميساء سكتات مسحات دموعها وشافت فيه ببراءة
ياسين: ماغانعاونكش
ومشى
بقات تابعاه: عافااك عافاك .. شوف غاتهاونني ولا نقول لبابا نتا لي سيفطتي دوك الدراري وحرشتيهم يتحاماو على خويا ماسين ويهرسوليه يديه وتعطيهم الفلوس ووو.....
ياسين سد ليها فمها بيد وخنقها باليد لاخرى تابدات كتفركل وهو يطلقها قرب لوجهها: تقوليها لبازيد انقتلك
رميساء : كح كح
شافت فيه بشر: ايوى عاوننيي ومانقولهاش
ياسين : شنو تاني
رميساء : ديك البنت لي قلتليك كضربني اهئ هئ بفيت نديرليها شي حاجة نقتلها اهئ اهئ
ياسين : سيري تبقاي تسبيها وخليها ضربك بزاااف واخا تقسحي غي خليها واخا طيحي خليها ضربك وسخفي بلعاني ولكن يكونو البنات باش يوصلوها لباباك بلي ضرباتك ويجي .. وغايعيط على البوليس غايديوها وماتعاوديش تشوفيها
رميساء نقزات عليه عنقااتو: يااااااييي هههههه
دفعها ياسين: ماتعاوديش تقربي ليا
رميساء : صافي واخا تانكبر ونتجوجو ونقربليك
ياسين دار مشى خلاها عايشة فاحلامها وتاتخايل
بعد دقائق
رميساء كتغوت بالجهد وكتغني : وااهيااا الراجل والله ماتشوفي سيدي واهياا الراااجل والله ماتشوفي سيدي ربي واهيا الراااجل والله ماتشوفي سيدي ربي وااامرجلة تيرييرااا وامانرضااش نككوون رجل تانضرب الدراري وعندي الموشطاشش
شوية تكتحس بواحد البركاان تلاح عليها تايضربها
لاحها فالروث ديال البقر وهلكها عصاا .. تاجاو الكبار تايفكوو..
ياسين تايشوف من بعيد وهو مبتسم ماكرهش تموت ليها رميساء فيديها باش ماتبقاش تهددو بديك الفعلة لي دار

نرجعو للوقت الحالي
رميساء جات طايرة عنقات ياسين فيقاتو من سهوتو: ياااااسيييين هئ هئ توحشتك
ياسين مرض بكترة التعناق تايخاول يدفعها بالشوية والو لاصقاااه
شوية سمع اليازيد عيط ليه من برا
اليازيد: ياااااسيين اجي اولديي اجييي

نرجعو عند سارة
بحالا ضربها الضو فكرشها حطات يديها وغوتات: ااااايي
خديجة تخلعات شداتها: اويلييي ابنتيي مالك؟؟ شنو ضارك
سارة تاتأمأم وتتالم فصمت: اممممم و الو ا خا لتي امممممم غا جاتني هادييك
خدييجة جراتها: اجيي معاياا
سارة: امم لا بلاش اخالتي
خديجة: قلتلييك جي معايااا يالاه
جراتها دخلاتها للصالون لقات مات ياسين جالسة معاها رميساء تاتحلون عليها
سلماات خديجة على مرات لوسها وتعانقوو
مات ياسين شافت فسارة: شكون هادي؟
خديجة: هادي سارة بنت صاحب رجلي مسيكينة شادها الوجع
سارة هانتي ابينيتي جلسي هنا هاكي هاد المانطة غطي بيها كرشك انا انمشي نوجد ليك شي عشووب ..
دارت تمشي شوية رجهات شافت فيها: وااياااك تخرجي تسناينيي
سارة غي تاتشوف ماحيلتها للوجع لي شادهاا ولا لشوفات رميساء لي كون كانو قرطاس كون تقبوها
من صغرهم ماتايتحاملوش .. رميساء بنت شريرة بطبعها انانية تاتبغي تتحكم.. وسارة بنت كتكره لي يتحكم فيه ..وكتخدم غا بالدق كانت ديماا ناتفاهااا ولا مرعفاهاا ورميساء تاتلعبها ظريفة قدام واليدين سارة تاكايقتلوها بالعصا وكتشفى فيها .كانت تاتسميها الرجل ولا المرجلة حيتاش كانت سارة تاضربهل وضرب الدراري فصغرها ..
داكشي باش بقاو لدابا تايكرهو بعضياتهم واخا كبروو
الام شافت فسارة : مايكون عندك باس ابنتي انا انوض نعاون خدييجة مسيكينة رجلها زادت عليها...
رميساء بابتسامة: واخا اخالتي
غي شافتها دخلات للكوزينة وشافت فسارة: هههههههههههههههههههههههههههه ولاو تالمرجلين تاتجيهم ليغيكل مابقى مايعجب فهاد الدنيا بففف بنادم مافيه نفس تايجي عندنا
سارة شافت فيها ودارت راسها تاتفكر : امم شحاال هادي صراحة ماضربت شي واحد من نهار صرفقت واحد ختنا وجبتها كاو فالروث دالبقر عمرات كلها مسيكينة ووجهها ولا حالتو.(شافت فرميساء) زعما مايكونش داك الخرا دخليها من نيفها لعقلها ؟
رميساء شافت فسارة ب شر حسات بالباب دبرا تايتحل هزات رجلها ضرب سارة على غفلة ولكن سارة عندها ردود فعل قوية شداتليها رجلها وجراتها تاجات طايحة من السداري.. ومع ديك الحركة دخل اليازيد ويونس و الاب دسارة وياسين

#يتبع
فينكم؟؟؟؟