امراة متنكرة في عالم الرجال 💙 💪
الجزء 194
بقلم: حنان زهراوي / اريا ستارك
ياسين ضحكاتو مو اول مرة تقول شي حاجة مقادة لي تعجبو ماقدرش يحبس راسو وطلق الضحكة... وهو تايشوف فسارة ووجهها لي ولا بحال مطيشة..
دارت مو لعندو كتشووف فولدهاا وسنانو السمتفيين لي كان مخبيهم وماعمرو بينهم ليهم...
تخيلو ام عمرها شافت ولدها تايضحك ولا تايدير شي ردة فعل..
نزو الدموع من عينيها بلاماتحس..
حميد ياسين تايضحك وهو حاضيه وتايضحك معااه بالفرحة.. والاب غي مصدووم حس بقلبو ضاروو بحالا عاد اكتشف بلي عمرو شاف ضحكة ولدو.. عطاهم بالظهر ومشى الجردة وهو هاز يدو تايمسح دموع الندم و الحزن والفرحة وشحال من حاجة مخلطة...
ياسين جمع راسو فاش شاف مو كتبكي قال بالرربة بحالا باغي يتهرب تاني من موجة التعناق والاحاسيس : غانمشي دابا عند ماسين نشوف ايمان كيولات
ومشى تايجري
سارة بغات تبعو هي تحبسها مو : بنتيي بقاي معانا نتي تايرجع
حميد: اصلا راك عيانة بزااف ومحال تكوني كليتي شي حاجة اليوم.. مراتي راها الداخل كتوجد العشا.. سيري رتاحيلك شوية غي يوجد ونعيطوليك..
عند ماسين
جالس فقاعة الانتظار.. ولا نقولو ناعس فقاعة الانتظار... شاد ربعة دالكراسى غا بوحدوو.. مربع يديه و حال فموو ريوكو تايسيلولييه..
وقف عليه ياسين وضربو بصبعو لجبهتو
قفز ماسين مخلوع تاجا طايح فالغرض على وجهو : فيين الدوااا .. ايماان لاا...اري الدواا
دور عينيه بانوليه الناس تايشوفو فيه اصلا كانو حاضيينو فاش كان ناعس ديك النعسة العجيبة ..
ياسين هز حاجب وشاف فيه: اشمن دوا؟
ماسين هز عينيه بانليه ياسين وقف طار عليه عنقو : صاحبييي كنت عارفك غاتنجح.. (معنقو وتايمسح ريوكو فيه فنفس الوقت)
ياسين تايدفعو: ييععع تا بعد منيي..
هز كلينيكس تايمسح فوق كتفو وضربو بيه لفمو: فين ايمان شنو قالولك عليها
ماسين تفكر ايمان حل عينيه تال الجذر : اااه ايماان.. ايماان خصني نشوفها قالي الطبيب الصباح نقدر نشولها انمشي دابا نشووفها.. تعطلت
ياسين شد ماسين لي يالاه بغى يضربها بجرية للبيت دايمان: را الليل هادا باقي ماصبح الحال
ماسين شاف فالسرجم فعلا باقي الظلام رجع حلس فوق الكرسي: قالي الطبيب راها مزياان.. تحرقات فيديها ولكن را كاين الحل.. مهم غي فاش بقات عايشة لاباس
ياسين دار غادي للدار بلا تاشي جواب
ماسين تايشوف فيه بمعنى من نيتك اولد العبد..
رجع ياسين للدار لقى سارة جالسة مع ولد خوه حميد ومرتو وماين ياسين..
مجمعين تايضحكو وسارة دغيا اندمجت معاهم..
جا حميد هز ولدو داه لبيتو ينعس وصليه الوقت.. عيط علي مهدي (خو ياسين المتوسط لي ماعندوش معاه) ورجع
حميد: ياسين مزيان ملي جيتي لقيتيها غانتعشاو
سارة غي شافتو ناضت طايرة: ايماان؟؟ ؟
ياسين : ايمان بيخيير غدا نمشيو نشوفوها
سارة: وماسين؟!!
ياسين قرن حجبانو : راه فالسبيطار
#يتبع
أنت تقرأ
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
