امرأة متنكرة في عالم الرجال 🤠مكتملة🤠

الجزء 77 🤠

امراة متنكرة في عالم الرجال 💪

الجزء 77

بقلم: حنان زهراوي / اريا ستارك

سارة خارجة وكتفكر اشنو غادير ولا رجع ياسين عارف وهي باقة هنا غادي تشوه...
دخلات فشي حد فطريق قالت سمحي لي وزادت حتى سرات معاها بلي دوات بصوتها لحقيقي وقفات فطريقها ودارت بالعرض البطيئ لقات ماسين كيشوف فيها وحابس الضحكة..

ماسين: ههههه بووو تخلعتي ياك!!
تفكرها مكتبغيش يهضر معاها على أساس بنت: احم سمير أول مرة كتغلط مالك أش واقع؟؟
سمير: احم ماسين خاصني نهضر معاك يالاه لبيت ندويو
ماسين هز حاجبو باستغراب: أشنو كاين؟
سمير كيتمشى قدام ماسين لي كيحاول مايهبطش عينيه لمؤخرة ويحنزز مضارب غير مع راسو.
سمير: تاندخلو للبيت ونهضرو
ماسين بقا مشوش ملي وصلو لبيتهم سورت لباب.
سمير: غادي نبدا تدريبات من نوع أخر حيت غانتخرج فشهر إلا نجحت فيهم غانسالي ونخرج
ماسين قرب ليها: علاش باغة تمشي دغية..أش وقع؟؟ ملي شفتي خو ياسين ونتي كتباني مخلوعة مالك اش واقع واش كتعرفيه
سارة بتوتر: مكنعرفهمش ولكن مبقيتش باغة نبقا هنا ولا عاق بيا شي حد ولا دماغي ديما خدام مكنرتاحش وعييت
ماسين: متأكدة مامخبياش شي حاجة عليا
سارة: اش غانخبي وعلاش غانخبي؟؟
ماسين قرب ليها كتر: علاش هربتي من داركم؟؟

سارة كترجع بلور: شكون قالك هربت من دارنا
ماسين مبتاسم وكيقرب ليها كتر وحاضي كيفاش وجهها كيتزنك حط يدو على شعرها وخربقو.

سارة: وازكا خصرتي ليا شعري

ماسين بابتسامة ساحرة: دابا عاد تقاد كتباني بنيتة زوينة وحشمانة هههه مالك مزنكة
سارة كتخرج عينيها: مامزنكاش غير كاين الصهد
ماسين كيقرب ليها كتر: الصهد ياله حسيتي بيه؟؟
سارة بتحدير: ماسين بعد لهيه
ماسين شد ليها دراعها وبتاسم: أش غاديري

سارة بزربة شدات ليه دراعو لواتها ليه ودفعاتو لصق مع لحيط وهي لاوية يدو وكدفع فيه للحيط ومبتاسمة بنصر.

سارة: رتاحيتي دابا؟؟ أخر مرة دير معايا هاكا..

ماسين كيضحك: هههه واخا صافي غير طلقي..

ملي طلقاتو دار عندها لقاها هزات صاكها وبدات كتهز فحوايج قلال
ماسين: واش غايديوك لشي بلاصة خرا
سارة: عرفتي داك لجناح لي فيه الأساتذة قاليا غانبرك فيه شهر تانسالي

ماسين تحرك غادي لباب: تانا غانمشي ندوي مع لعميد يخليني ندوزو معاك

سارة شداتو من دراعو: ماسين لا بلاتي

ماسين شاف فيدها لي شادة فيه وشحال كتبان صغيرة تسائل مع راسو كيفاش معرفهاش بنت من لول وهي بنيتها كلها بحال لبنت من شعرها الرطب ليديها الصغار.
سارة: راك عارف راسك خاصك تريني مزال وسمعت إلا منجحتيش معندكش فرصة خرا

#يتبع