امراة متنكرة في عالم الرجال 💙💪
الجزء 197
بقلم حنان زهراوي / آريا ستارك
كانت داخلة ل buvette لابسة سروال داليوغا وتيشورت واسع مالفوق... زعرا وعينيها فلون بين الازرق والاخضر..
مغوبشة وعاقدة حجبانها...
بكل تقة هزات راسها فلماكلة لي محطوطة وخنزرات.. كتكره الماكلة ديال الاكاديمية ولكن ماعندها ماديير اللهم هادشي ولا والو...
وقفات من مورا الدري كتسنى حتى حسات بشي حاجة باردة تكبات عليها فظهرها...
خدات نفس عميق كتحاول تفكر اش كتقوليها ماماها باش تهدن وتحكم فأعصابها،.
دارت بالعرض لبطيئ بانت ليها سوسن شادة كاس عصير ديال ليمون خاوي..
سوسن حلات فمها ودارت يديها عليه بحال مصدومة وخرجات عينيها: اوووه سمحي ليا مشفتكش
نادين شافت فيها كتبتاسم عرفاتها دارتها بلعاني شافت صحاباتها موراها غير جات عينهم فعينها حدرو راسها،
على عكس سوسن لي جديدة غير تلت يام باش دخلات....
لبنات لاخرين عارفين نادين اش كتسوى ولكن عارفة نوعهم عقلية لقطيع غير تابعين بنت جديدة زوينة مشهورة وسط دراري..
نادين شافت فبلاطو لي هازة فيدها باقي خاوي محطاتش فيه لماكلة كتسنى فنوبتها... هزات راسها فسوسن وبلا ماتبين من ملامحها لاكعية لا والو،
هزات بلاطو بزربة ضرباتها للنيف...
شدات سوسن نيفها لي كولو سايل بالدم.. كتغوت ياله غاتعير،
نادين عارفاها كتخسر لهضرة بلمعيار ومكتحتارمش قوانين لأكادمية واخا ياله تلت يام باش دخلات،
مخلاتهاش دوات رجعات لبلاطو بحال غاتحطو ولكن ضربات بيه راس سوسن..
نادين: دابا كنظن غاتكوني شفتيني؟
تحركات بكل تقة دارت بناقص من شي ماكلة هزات تفاحة وبنانة وخرجات من الكافيتيريا...
البنات تايشدو فسوسن باش ماتبعهاش
وحدة قالتليها: هاديك را شابعة عياقة حيتاش مها هي العميدة.. وعاد راها صوفاج ومعقدة...
سوسن بدات تبكي وتنحصص عليهم تماك..
كان واحد الدري بعييد خاشي يديه فجيابو متكي على الحيط وتايتسني الدور ديالو..
مشات نادين نيشان لبيتها حلاتو ودخلات وقفات كتشوف فلبيت لي مصاوب بطريقة عصرية ومصبغ بلون بيض مكتحملش هاد لأكادمية مكتحملش هاد لبيت مكتحملش هاد لون ومحاملاش راسها حيت كتمشى على خطى واليديها مباغاش هادشي ولكن مكاينش شي أكادمية حسن منها فلمغرب كامل وحتى على صعيد أوروبا من بعد الدفعة ديال باباها وماماها....
الأكادمية عاودات تبنات وتجدداات ماللول بمساعدة الاباء ديال الطلبة لي شافو تحسن ولادهم .. تجهزات باحسن الاجهزة واكترهم تطويراا بمساعدة شركة ياسين لي دعماتهاا...
ولات معروفة دوليا والناس كيتنافسو عليها ولكن ماكيقبلوش لبراني غير لمغاربة.. الشي لي خلى قيمتها عالية ومن أحسن لمدارس فالقارة لإفريقية وصلات لمقارنة تال أوروربا...
تنهدات حيدات تيشورط كمشاتو على شكل كورة ولاحتو فالسلة فالقنت...
تاجهات لباب الدوش يالاه حلاتو وهو يطيح عليها سطل عامر بشي حاجة كحلة غمضات عينيها وبلا تاشي ردة فعل قالت
نادين: أمييين خرج
خرج امين من الدوش شاد كرشو وتايمووت بالضحك ماقادرش تايهضر مقاد : ههههههههههههه ناري سخفت اوف ههههههههه وج وج وجهك ملي ط طاح داكشي علك ههههههههههههه لهربة ناري شبعت ضحك كرشييييي 😂😂😂...
نادين بكل برود مشيرة بصبعها جيهة الباب ومخنزرة : برااااا
امين تقاد فلوقفة: واش كنتي عارفة غندير فك مقلب؟
نادين: براااااااا
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
