امرأة متنكرة في عالم الرجال 💪
الجزء 102
بقلم : حنان زهراوي /اريا ستارك
كما العادة نزلات بتي طاكسي سارة تحت الجبل وهي غايخصها ضرب داك الطوالة كاملة وعاد طلع لقمة الجبل للأكاديمية...
اصلا ولفات ومع التدريبات لي كانو تايديرولهم تقدر طلعو وتنزلو 10 دالمرات..
وهي غادية فطريق مختصر سمعات اصوات شي بنات تايغوتو
مشات كتقرب لمصدر الاصوات بانولها شي بنات تماك تايغوتو ودايرين بيهم 3 الدراري تايتبسلو عليهم وتايتلمسو فيهم.. منهم 2 صحاب كمال قدام كانو معاها فالاكاديمية ماطردوهمش حيتاش ماعندهمش علاقة بداكشي لي خططليه كمال وباه ونيت سارة تا تكرههم.. وواحد باينة فيه هاد جديد...
هزات واحد الشال من صاكها ولواتو على شعرها والنص لاخر علي وجهها باش مايبانش.مابغات تاحد يشك فيها بلي كانت دايرة راسها دري.. على الاقل ماشي دابا مازال مامستعدة... . حطات صاكها تحت واحد الشجرة ومشات نقزات عليهم
ضربات واحد برجلها للراس وطاح كاو..
دارو عندها لاخرين وبداو تايضحكو : هههههه واكسييوة هي الفنكوشة... اجي نقوليك احبيبة
لاخر تايهز فصاحبو وتايضحك: مجنونة مع راسك اا؟! ولكن انا تايعجبوني المجنونات بحالك الزيين.. مالك مغطية وجهك احبيبة ولا دايرالينا مفاجأة
اللول : اجي ناكلك اكبيدة
البنات غا تايتفرجو ومخلوعات.. جوج منهم هربو وثلاتة بقاو ماقدروش يمشيو يخليوها ولا خافو منهم حيتاش باينة فيه ضاربين شي حاجة...
سارة غي كتسمع فهضرتهم ومشمئزة منهم : شهاد الاسلوب دالخرا تاني ترجلو اصاحبيي شوية وتوما هضرتكم كلها ملاوطة
واحد فيهم مارضاش حاول يهجم عليها وهي طاكيي ضربتو بيدها ليسرية وعطاتو بكروشي للوجه..
بغى يغفلها لاخر وهي تقلب وضرباتو برجليها للوجه
ودغيا وقفات ونزلات كسوتها
سارة فنفسها: تفوو هاد الكساوي دالزمر خفاف وتايعاونو فالحركة ولكن تايبان كولشي..
حسات بلاخر بغي يضربها ماللور هزتو بالخف بيديها وهي تقلبو علي ظهرو قدامها. تاجا فالارض وعطاتو برجلها للوجه غيب
شافت سارة فلاخر لي ضرباات فاللول وهو يهرب خلا صحابو مغيبين تماك..
حيدات سارة الشال وشافت فالبنات: السلام مابقى عندكم مناش تخافو.. ولكن شتاديرو فهاد البلاصة؟ را خطيرة عليكم وعاد فاش تايظلام الخال تايخرجو الذياب
البنات عاد مازادو تخلعو دوات وحدة فيهم: شكرا بزااف اختي.. حنا غاديين للمدرسة العسكرية
سارة صدموها: اااه نتوما الطالبات الجدادات... ههههه متشرفين انا سارة مدربة فالمدرسة.. غالبا غاندربكم...
سلمات عليهم كاملين وتعرفات على اسماؤهم: تبعوني وماتخافو والو.
بقاو تايتمشاو بالشويية عليهم. ابتاسمات سارة َقالتليهم: عنذكم الزهر مادارولكمش ماللول تحدي ديال خصك توصل قبل 12
نفس البنت جاوباتها: لا ا استاذة را قالولنا خاصنا نوصلو قبل 12 ولي ماوصلش غايطردوه ولكن را ماقدرناش
سارة تصدماات شافت فيهم لابسين الطالون.. :اول حاجة عاتبدلو صبابطكوم بشي حاجة بلاا يالاه سربيو
هزو البنات صيكانهم وعما مستغربين ولبسو سبرديلاتهم
سارة: مزياان دابا غاتبعووني وغاتمشاو بنفس الوتيرك ديالي لابغيتو توصلو الوقت..
شافو فبعضياتهم ومالقلو تاشي خيار اخر وخاصة انعا قالتليهم كاينين الذياب وهي عارفة هاد البلاصة مزيان.. طلقو رجليهم للمشي ومرة مرة تايجريو.. ماوصلو تاسخفو بالمزيان
سارة : هادي دابا 11.30 باقية ليكم نص ساعة انا غانمشي نسبقكم باش مايقولوش عاونتكم ونتوما تبعوني بعد ربع ساعة اوك؟
البنات: واخا استادة شكرا
مشات سارة ودوات نفس البنت: وااو شفتو على فورمة عندعا واعرة. انل صافي بدات كتعجبني هاد المدرسة.. شفت. كيتكات علي دوك الدراري بالعصاا😍 حبيتها
البنت لاخرى كتلهت:اووف اليلى انا ماحملتش بعدا هادشي.. كنت بيخير تاقالي بابا نجي لهاد الحبس.. كون ماهددني بلي غايحيدلي كااع لي كاغط ومايخلينيش ندوز الصيف فامريكا والله لاجييت
ليلى: نينينيني امريكا؟ وااشحال فيك ديال الفشووش ياختي، ماعرت نيت لاش مسيفطك بااك.. هاد المدرسة ماتصلاحش ليك.. لي شافك مايتيقش بلي نتي بنت جنرال
مريم: ولي شافك نتي مايتيقش بلي نتي بنت الوزير.. مشمكرة لاخرى
البنت التالتة :وااصافيي البنات ماضاربوش خليونا دابا ندخلو را دازت ربع ساعة...
ليلى: واخيرا شرفتينا بصوتك الرنان... زينب صدقات كدوي
زينب: ليلى عافاك واللهيلا راني باقة مخلوعة من دوك الدراري. يالاه ندخلو دغيا..
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
