امراة متنكرة في عالم الرجال 💪
الحزء 97
بقلم: حنان زهراوي/ اريا ستارك
سمير تسنى حتى مشا حميد: وي ياسين أشنو كاين؟؟
ياسين: احم بغيت نسولك على بروجرام ديال تخرج فشهر كيدير وأشنو مراحل ديالو.
سمير حرك راسو وبتاسم: كنضن غايجيكم ساهلين نتا وماسين ولكن خاصكم تخدمو كفرقة تفكرو بزوجكم، واخا مكملتش انا لبروكرام ولكن كنت عارفة بلا كاين مرحلة بدنية والنفسية والأخيرة هي كومبيناسيو بيناتهم بزوج وهي صعيبة حيت كتلعب على لحالة نفسية لي تقدر تأثر على لحالة لجسدية....اه ونوصيك يكون عندك شوية صبر تقدر تبقا مقابل فراخ شي يوماين وعااااادي
ياسين: شاف سمير كيهضر بارتياح ومبتاسم بتاسم حتى هو وبقا مقابل شفاه حتى شافو سالة لهضرا لقا راسو بلا متسنطش لنص لهضرة.
ياسين بلا مايقصد سولو: واش نتا مثلي؟!
سمير صدمو جاوب بسرعة: لا انا عادي كيعجبوني دراري
ياسين لأول مرة كيضحك: هههه وأشناهو مثلي؟ راه هي كيعجبك نفس لجنس ديالك أو لا لا؟؟
سمير تزنك: بغيت نقول لبنات لبنات
ياسين باقي كيضحك: ممم تيقتك
سارة بقات كتشوف فيه كيضحك شي حاجة فيه تغيرات ومعرفاتش أشنو هي.
ياسين جمع راسو ورجع لتخنزيرتو لإعتيادية معرفش أصلا منين خرجات ديك قهقهة ديالو: مهم مبروك كنتمنى لك النجاح فحياتك وعمرني نشوف كمارتك ان شاء الله
سمير دغيا خنزر وجمع حواجبو: شعور متبادل.
************ منير************
منير فايق تال 12 كينتاهز أي فرصة ونعس قبل مايدخل لمدرسة، ومع تحوال كيحس براسو مدقدق.
خارج كيتكسل من دوش لابس شورط وباقة لفوطة على راسو مشا لكوزينة هز غلاي ديال قهوة عمرو بلما وحط لعبار لي كيبغي ديال قهوة، حط قهوتو تغلي ومشا جبد سكر وطاسة حتى سمع صونيت شاف فساعة لقاها وحدة ونص معرفش شكون لي غايجي عندو أصلا.
حل لباب لقا امال: امال اش كديري هنا؟؟
امال هازة قصرية صغير: ليوم جمعة تفكرتك قلت نسكي لك
منير شد من عندها قصرية: جاك لخير
دخلات ومشات ديريكت كوزينة هو بقا كيشوف فيها عاد سد لباب برجلو وتبعها.
امال: فين عندك لمعالق
منير: فمجر على يدك ليمنة
امال: منضنش يكون عندك لبن ههه
منير: لا مكينش
امال رجعات بمعالق وحيدات لغطى وبركات: باسم الله من حدها باقة سخونة
كلاو وهوما ساكتين كل واحد مشغول بافكارو حتى سلاو وكسر صمت منير: امال بغيت نقولك واحد لحاجة متخديهاش مني بقلة صواب ولكن حيت كنغير على صمعتك من الأحسن متبقايش تجي عندي للدار هاكة، متفهمينيش غلط انا ممتن ليك حيت تفكريتيني وملي جيت مقصرتيش معايا ولكن واحد اعزب فدار بوحدو ونتي كدخلي عندو مازويناش فحقك، ومجتمعنا كضلم ومكرحموش بالنسبة ليهم كل زوج وشيطان تالت معاهم لدلك من أحسن نقصو من هادشي.
امال وقفات دغيا حسات بقلبها تزير عليها ولكن واخة هكاك كبر فعينيها حيت فعلا راجل وحشمات من راسها.
امال: مفكرتش فيها كنعتادر حيت سببت لك حرج احم بغيت غير نشكرك حيت عونتيني وضبرتي ليا فخدمة.
منير: مبيناتناش راحنا خوت وانا ديما نكون فجنبك ونحميك ان شاء الله.
امال كلمة خوت وحلات ليها معرفات مدير تحركات للباب وهي مبتاسمة بزز: ان شاء الله ياله بسلامة نهارك مبروك
منير: شكرا عوتاني لهلا يخطيك ختي امال وطريق السلامة.
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
