امراة متنكرة في عالم الرجال 💪
الجزء76
بقلم: حنان زهراوي / اريا ستارك
رجع بيه تفكيرو للواقع لقى راسو واقف قدام السبيطار تنهد حط يدو على الجرح وخرج.
حميد: حاول تبين بلا راه بقا فك خوك واخا عارفو مكستاهلش
كلام حميد صدمو متوقعش خوه كيبادلو نفس الشعور بقا كيشوف فيه وملاميحو بحال ديما باردين مامفهومينش.
ياسين: علاش كدير عليه هادشي علاش كيهمك تال هاد الدرجة
حميد شاف فيه باستغراب: راه خويا؟؟
ياسين لأول مرة بغا يقول حتى انا خوك فين كنتي ملي كنت كنعاني، ساعة بتاسم باستهزاء ورجع داك لوجه لخالي من لمشاعر وقال : مممم لأخوة.
حميد: ياسين نتا ومهدي خوتي كنبغيكم ومنبغيش نشوف شي حاجة كضركم، هو واخة بالنسبة لينا مايستاهلش وغير كيضيع فحياتو وكيضيع حياة ناس خرا معاه ولكن شكون حنا باش نحكمو عليه ونقولو يستاهل لموت، الله سبحانه وتعالى لي كيقرر ولاكان هو الغفور الرحيم شكون حنا تانفكرو بلا حنا حسن بالعكس خاصك تعلم كيفاش تطلق من الأمور لي كضرك وتغطيها بالحوايج لي كتفرحك...لحياة مكتستاهلش نعيشوها وحنا حايرين ودايخين وحاقدين لالا حقق أحلامك حقق داتك
دار عند ياسين وشد فيه من كتافو: انا عارفك بقيتي فداك الأكاديمية حيت فعلا لقيتي فيها شي حاجة لي شداتك وهاداك الإهتمام هو لي غايخليك تصالح مع داتك واحد نهار... كنتمنى...
تحل لاسونصور ولقا ياسين لفرصة باش يهرب من هاد اللمسات لي ماكيحملش واخا هضرة خوه عجباتو ولكن هادشي بالنسبة ليه اما ياسين تفكير اخر بعيد علي هادشي...
ولكن سرعان ماتفكر أنه خاصو يسلم على واليديه، دار عند حميد فين كاين الطبيب لي يدير ليا الإختبار نشوفو واش كاين تطابق؟؟
حميد فهمو باغي يهرب من دكشي كامل: تبعني انا نديك....
فمكان آخر فمكتب العميد سارة باركة فلكرسي كتسنى لعميد وهي متوترة وكل مرة تاكل ضفارها فراسها 100 سؤال واش ياسين هو لي كان غايتجوجها ولا خوه لاخر لي مريض؟ واش عارفها هي وكيمتل وضحك عليها دكي..
علاش كان خارج فعودها، واش غايقولوها لباباها بزاااف الأسئلة ولكن الأجوبة معندهاش كيفاش تعرفها.
دخل لعميد بعكازو كيتمشى بشوية عليه لابس كاجوال سروال دجين وتيشورط.
سمير: سمح لي سيدي لعميد ولكن الأمر مكتحملش الإنتظار
العميد: رشيد سميتي رشيد بما أنك جبتيني من داري وانا مخدامش عيط ليا رشيد
سمير حدر راسو: لا منقدرش احم
لعميد: هههه على خاطرك...أشنو كاين؟؟ ياكما توحشتي صاحبك؟؟
سمير: احم بغيت نخرج من الأكاديمية
لعميد خرج عينيه مكانش متوقع هاد رد: أشنو وقع
سمير: شي حاجة عائلية خاصني نمشي
لعميد بقا كيشوف فيه: ياك معندكش واليديك؟... أشنو كاين؟؟ هاد مرة جرب تقول الصراحة
سمير: منقدرش نبقا خاصني نمشي ضروري
لعميد تكا على لكرسي وحط يدو على لحيتو: مممم عندي لك لحل
سمير: لا بغيت نمشي
لعميد بنبرة حادة: مكنجيوش ونمشيو وقتما بغينا ماشي دراري صغار كنلعبو
سمير: ولكن..
لعميد قاطعو: تسنط عاد دوي ...كاين واحد لبروكرام مامعروفش ولكن كنستعملوه فالمواقف الحرجة ولا شي حاجة مستعجلة...عندك شهر غاتكمل فيهم واحد التدريبات معينة ودروس محددة نهارك غايكون شاغجي موحال عندك لوقت حتى فاش تنعس..وكل سيمانة كتمتاحن ولا نجحتي فكلشي تخرج فظرف شهر.
سمير: ولكن
لعميد: شوف فكر مزيان إلا خرجتي من هنا بهاد الطريقة عمرك تلقا خدمة مزيانة والسيرة الداتية ديالك غاتكون فيها نقطة كحلة راك عارف صيت الأكاديمية فلبلاد،
كياخدو كلمتنا بعين الإعتبار وغايعتابروك فاشل... دونك فكر قبل ماتجاوب...
سارة تنهدات وهي معارفاش أش غادير ولكن معندهاش حل آخر جات هنا باش تحسن مستقبالها ماشي تخرج عليه خدات نفس عميق وشافت فلعميد لي مبتاسم عارف الجواب.
سمير: واخا سي لعميد شهر كنقبل التحدي
وقف لعميد وماطا ليه يدو ملي سلم عليه سمير قاليه: بون كوغاج.
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
