امرأة متنكرة في عالم الرجال 🤠مكتملة🤠

الجزء 87 🤠

امراة متنكرة في عالم الرجال 💪

الحزء 87

بقلم : حنان زهراوي / اريا ستارك

نرجعو لأكادمية
قبل لحادثة دالحريق .
سارة فغرفة لمراقبة كيبان ليها كمال خارج كيتسلت عرفاتو واحد من لجواسيس ديال دوك لعصابة خرجات تجري خلات مسج فورقة للعميد وخرجات، وصلات لجردة الضلام بدا كيطيح باقي كيبان ليها مزيان ولكن شوية مغتقدرش تشوف خاصها تسربي فهاد اللحضات، بحكم موقع الأكادمية مكاينش ضواو برا بزاف ولي كاينين خدامين بجينيراتور كيخليوهم شاعلين داخل وبرا غير ملي كيكونو كيترينيو بليل ولا في اختبار.
بقات واقفة مدرقة عليه ومقابلاه كتسائل علاش باقي واقف، بان ليها خشا يدو فجيبو جبد تيليفون خرجات عينيها كيفاش عندو تيليفون وهوما ممنوعين وكيتقلبو ديما.
نتاهزات ديك لفرصة وتسلتات من موراه تحاول تسمع كلامو.
كمال: وافينك هاني كنتسنى
... اه هاني كنتسنى سربي
سارة رجعات بزربة تخبات ملي سمعاتو كيتسنى فشي حد أخر بقات واقفة حتى جاو ربعة رجال فنفس لحضة تحطات يد على فمها ياله غاتبدا تقمش سمعات صوتو فودنها.
ماسين: هادا غير انا شوووووو
سارة دارت ليه اشارة لربعة رجال لي جايين هازين شي مطريال وقفو سلمو على كريم وقفو وهو كيهضر معاهم بالهمس ماقدروش يسمعو حدهم شافوه نعت ليهم فعكس اتجاه ماسين دار اشارة لسارة باش يتفرقو وتبعوهم.
ماسين تبع جوج خلاهم حتى تفرقو وهز عصا من لعصي بي كيترينيو بيهم من ساحة ملي دازو منها وبلا حس بقا تاعرف تاني فين مشا عاد تبع لأول لي دخل لمخزن عندهم وبدا كيكب ليسانص خلاه تاعطاه بضهر ونزل عليه بيها حتى غيب.
ماسين بابتسامة: رتاح مع راسك
جرو لواحد لبيت ظيال مواد تنضيف سد عليه تم رجع هز لعصا وتبع لاخر لفين مشا لقاه كيحط فشي تخربيق بحال قنبابل صغار ولكن بالطريقة لمنزلية مصايبين فكوكوط صغيرة ياله غاينزل عليه وهو يضور شد لعصا بيدو ووقف غايضارب مع ماسين لي جر لعص بجهد حتى طلقها لاخر وعاود حاول يضربو جات فكتفو جبد جنوي ودار لعند ماسين بسرعة ضربو ليدو بلموس فاجئ ماسين حتى غوت، ولكن دغيا رجع لبوزيو ديالو وضرب دري ليدو بلعصا حتى طلق لموس من يدو نزل يهزو نتاهز ماسين لفرصة ونزل عليه لضهر ملي طاح لرض هبط ليه على ضهرو برجلو كتفو تحت منو وهز لموس حطو ليه على عنقو.
ماسين: تحرك نحر مك
شخص: مغتقدر
ماسين ورك ليه على عنقو بموس حتى داز شوية دم: جربني مرة خرا وتشوف واش غانحرك ولا

#يتبع
ممكن نجمة منين تقراو 🤗💙