امرأة متنكرة في عالم الرجال💙
الجزء 187
بقلم: حنان زهراوي / اريا ستارك
ياسين هاز كمال وطالع فالجبل تايجري وسارة سابقاه كتجري تاهي
ياسين كولو عراق وكايتزلق مع ماللبسش التيشورط..
سارة مابقاتش مسوقة ليه منين غوتات عليه ماعاوداتش دوات معاه.. بقاليهم شوية ويوصلو للفوق..
ياسين وقف ولاح كمال للارض شاف سارة مبعدة : سااارة... (دارت راسها ماسمعاتوش عصباتو وعاود غوت ) ساااااااارة
سارة وقفات ودارت عندو منفخة و هازة راسها فالسما : شنو بغيتي..
ياسين ساط كمحاولة باش يتهدن طلع لعندها تاقرب ليها حنا راسو وبقى تايفكر للحظة هز راسو شاف فيها وهو مبتسم
سارة دافعة عليه كبير: مالك كضحك
ياسين باقي مبتسم وتايشوف فيها : مامتيقش راسي غانقول هادشي.. وماعمري توقعت راسي غاندير هاكا
سارة ربعات يديها وهزات حاجب كتشوف فيه: شغادير
ياسين قربليها شدها بيد وحدة من وسط يديها المربعين وجرها لعندو
جا وجهو قريب لوجهها.. هزات راسها باش تشوف فيه مع طويل عليها
ياسين باقي راسم نفس الابتسامة وتايشوف فيها بنظرات حب : سمحيلي احبيبة
سارة كانت كتتسنى يعتذر منها ولكن ديك الكلمة خربقااتها من جهة صدمها ياسين تايقول حبيبة ماعمرها تخايلاتو غايقولها، . ومن جهة اخرى حشمهاا..
تزنكات وحنيكاتها توردو.. حنات راسها وشدها من ذقنها طلعوليها تاجات كتشوف فيه..
ياسين عض شنافتو بلا مايحس: سمحتيلي؟
سارة قلبها تايضرب بالجهد وباقة مبلوكية فبلاصتها وكلمة حبيبة كتعاودليها فودنها
ياسين تايتسناها ترد عليه تول ليه اه والو لاجواب عصباتو وعقد حجبانو :ياكما بغيتيني نركع ليك باش تسمحيلي
سارة عاد فاقت وردات عليه : دغياا كتقلب..
دارت باش تمشي هو يجرها لعندو نيشان لحضنو.. حط راسو على صدرها بيد َاليد لاخرى محاوطها من خصرها..
باسليها راسها : سمحيليي صافي.. ماكنحملش تقلقي مني..
سارة غمضات عينيها وسط احضانو.. زعمات وحاوطات يديها على خصرو تاهي..
ياسين فرح فاش دارت هاد ردة الفعل زاد زير عليها اكتر تاقرب يخنقها بعضلاتو
سارة كانت مبتسمة تازير عليهاا وبدات دفع فيه: وارخي.. عصرتينيي
ياسين دفعها بالشوية وهو مبتسم : صافي هاني رخيت
طبع قبلة فخدها : يالاه نمشيو دابا را تعطلنا
مشى هز كمال وقالت ليه سارة: نعااونك فييه؟؟
ياسين : لا احبيبة غي رتاحيلك
سارة تزنكات تاني ودارت نازلة وكتمشى بالزربة
ياسين تايشوف كيفاش تايخربقها بهاد الكلمة: ساارة..
دارت شافت فيه وهي حابسة الضحكة.. ياسين مبتسم: الجهة لاخرى احبيبة.. راحنا طالعين للمدرسة نسيتي
سارة زيراات فمها باش ماضحكش وقلبات الطريق طالعة للفوق كتزرب باش مايشوفش فوجهها... وهو تابعها ماللور راسم ضحكة علي وجهو وجار كمال
#يتبع
YOU ARE READING
امرأة متنكرة في عالم الرجال 🤠مكتملة🤠
Romance💎مكتملة💎 ❌حصرية على الواتباد ❌ . جبتلييكم قصة جدييدة محملة بافكااار مختلفة كل الاختلاف علي داكشي لي عهدتوو.. كنتمنى تعجبكم.. نخليكم مع التقديم💙🖤 تقديم القصة 😘 ذلك الشخص الذي لايعرف معنى كلمة احساس أو شعور ، لم يذق طعم السعادة ولا الحزن من قبل،...
